Gunde Ninda Gudi Gantalu Serial Today Episode: స్టార్ మా సీరియల్ గుండె నిండా గుడి గంటలు ఈరోజు ఎపిసోడ్ లో మీనా పవరేంటో మరోసారి తెలిసొచ్చింది. ఆమె సత్తా చూసి అత్త ప్రభావతి నోరు మూత పడటమే కాదు.. కొమ్ములు తిరిగిన సంజూ, నీలకంఠం కూడా దిగి వచ్చారు. దీనికోసం ఆమె వేసిన ప్లాన్ ఈ ఎపిసోడ్ లో హైలైట్ అని చెప్పొచ్చు.
అవమాన భారంతో ఇంటికి బాలు
బాలుని మౌనిక నానా మాటలు అనే సీన్ తో సీరియల్ గురువారం (సెప్టెంబర్ 3) ఎపిసోడ్ మొదలైంది. బాలు తెచ్చిన చీర చూసి ఇది మా ఇంట్లో పని మనిషి కూడా కట్టదంటూ సంజూ విసిరి కొడతాడు. దానిని తీసుకొని బాలు అవమాన భారంతో ఇంటికి వస్తాడు. రాఖీ ఏదీ అని మీనా అడుగుతుంది. అప్పుడే తీసేశారా అని మీనా అంటే.. ఒక రోజంతా ఉంచుకుంటావు కదరా అని సత్యం చెబుతాడు.
అప్పుడు రవి స్పందిస్తూ మౌనిక కేవలం తమకు మాత్రమే రాఖీ కట్టింది.. బాలు అన్నయ్యను లోనికి కూడా రానివ్వలేదు అని చెబుతాడు. మౌనికనే అన్నయ్యను తిట్టి పంపించేసింది అని అంటాడు. అది విని మీనా, సత్యం షాకవుతారు. నేను అందుకే ముందే చెప్పాను వెళ్లొద్దని.. వాళ్ల స్థాయి ఏంటి నీ స్థాయి ఏంటి అని ప్రభావతి ఎగతాళి చేస్తుంది.
బాలుకి అవమానంపై మీనా ఆక్రోశం.. శపథం చేసి..
దీంతో మీనా ఆవేశంతో రగిలిపోతుంది. స్థాయిల గురించి మాట్లాడొద్దు.. ఎవరి చరిత్ర ఏంటో అంతా తెలుసు.. బయటపెట్టాలన్న కసి వస్తోంది.. అయినా కడుపుకు అన్నం తినేవాళ్లెవరూ అన్నాచెల్లెళ్ల మధ్య స్థాయిని చూడరు అని అత్తను కడిగి పారేస్తుంది. అటు శృతి కూడా మీరు అసలు కడుపుకు అన్నమే తింటున్నారా అని నోరు తెరవడానికి వెళ్లగా రవి అడ్డుకుంటాడు.
ఆ తర్వాత బాలుకి జరిగిన అవమానానికి తాను కచ్చితంగా బదులు తీర్చుకుంటానని మీనా అంటుంది. వాళ్లకు వాళ్లుగా ఇంటికి వచ్చి మా ఆయనకు క్షమాపణ చెప్పేలా.. మౌనికతో రాఖీ కట్టించేలా చేస్తాను అని శపథం చేస్తుంది. మరింత గొడవ అవుతుందేమో అని సత్యం అంటే.. అదేమీ జరగకుండా నేను చూసుకుంటానని మీనా హామీ ఇస్తుంది. ప్రభావతి మళ్లీ నోరు జారుతుండగా.. ఆమెకు గట్టిగా క్లాస్ పీకి మీనా ఆవేశంతో బయటకు వెళ్లిపోతుంది.
మౌనికను రప్పించేలా మీనా, శృతి ప్లాన్.. వీడియో తీసి..
{{/usCountry}}ఆ తర్వాత బాలుకి జరిగిన అవమానానికి తాను కచ్చితంగా బదులు తీర్చుకుంటానని మీనా అంటుంది. వాళ్లకు వాళ్లుగా ఇంటికి వచ్చి మా ఆయనకు క్షమాపణ చెప్పేలా.. మౌనికతో రాఖీ కట్టించేలా చేస్తాను అని శపథం చేస్తుంది. మరింత గొడవ అవుతుందేమో అని సత్యం అంటే.. అదేమీ జరగకుండా నేను చూసుకుంటానని మీనా హామీ ఇస్తుంది. ప్రభావతి మళ్లీ నోరు జారుతుండగా.. ఆమెకు గట్టిగా క్లాస్ పీకి మీనా ఆవేశంతో బయటకు వెళ్లిపోతుంది.
మౌనికను రప్పించేలా మీనా, శృతి ప్లాన్.. వీడియో తీసి..
{{/usCountry}}ఇంటి బయటకు వెళ్లి ఆలోచనలో పడుతుంది. బాలుకి జరిగిన అవమానాన్ని తలుచుకుంటుంది. శృతి వెళ్లి ఈ పాటికి రెండు కత్తులతో ఆ ఇంటికి వెళ్లావనుకున్నాను అని అంటుంది. ఆడపడుచు సౌభాగ్యం గురించి ఆలోచించకపోతే వాళ్లను దారికి తీసుకురావడానికి రెండు ఇటుకలు చాలు అని మీనా అంటుంది. వాళ్లను వెనక్కి తగ్గేలా చేయడానికి మనం వాళ్ల రూట్లోనే వెళ్లాలి అని చెబుతుంది. శృతిని ఓ వీడియో చేసిపెట్టమని అడుగుతుంది. ఆ వీడియోలో తానే మాట్లాడుతుంది.
మౌనిక ఇంటికి మీనా, శృతి.. సంజూకి రాఖీ కట్టి..
ఆ తర్వాత మీనా, శృతి కలిసి మౌనిక ఇంటికి వెళ్తారు. అప్పుడే అక్కడ రాఖీ పౌర్ణమి గొప్పతనం, అన్నాచెల్లెళ్ల బంధం గురించి భారీ డైలాగులు కొడుతూ వీడియో షూట్ చేస్తుంటాడు సంజూ. అది విని మీనా, శృతి చప్పట్లు కొడుతూ సీన్ లోకి ఎంట్రీ ఇస్తారు. వాళ్లను చూసిన డైరెక్టర్.. వీళ్లు చాలా బాగా నటిస్తున్నారు అని అంటాడు. సంజూ అన్నయ్యకి అసలైన చెల్లెళ్లం మేము ఉన్నాం కదా.. మాతో రాఖీ కట్టించుకోండి అని వాళ్లు అంటారు.
ఇదేదో బాగుంది.. వీడియో మరింత బాగా వస్తుంది అని డైరెక్టర్ అనడంతో సంజూకి బొట్టు పెట్టి రాఖీ కడుతుంది మీనా. రాఖీ కట్టే సమయంలో.. మౌనికతో వాళ్ల అన్నయ్యకు రాఖీ కట్టించకుండా చేసి కెమెరా ముందు మాత్రం రాఖీ గొప్పతనం గురించి చెబుతావా.. చెబుతా నీ సంగతి అని అంటుంది. తర్వాత శృతి కూడా సంజూకి రాఖీ కడుతుంది. ఇద్దరూ కలిసి సంజయ్ అని అంటే.. చుట్టూ ఉన్న వాళ్లు జై కొడతారు.
సంజూ, నీలకంఠంలకు మీనా, శృతి వార్నింగ్
ఆ తర్వాత సంజూ, నీలకంఠం ఇద్దరినీ మీనా, శృతి బయటకు తీసుకెళ్తారు. ఇద్దరికీ గట్టి వార్నింగ్ ఇస్తారు. అసలు మీకు సిగ్గు, శరం ఏమైనా ఉన్నాయా అని మీనా కడిగి పారేస్తుంది. మా ఆయనను ఇంట్లోకి రానివ్వకుండా అవమానిస్తారా? నువ్వు అసలు మనిషివేనా.. ఇప్పుడేమో అదే రాఖీ కట్టించుకొని యువ నాయకుడిగా చెలామణి అవుతున్నావా.. నీ రాజకీయ జీవితం మొగ్గలోనే తుంచేయగలను అని మీనా వార్నింగ్ ఇస్తుంది. అది విని నీలకంఠం ఏదో అనబోతాడు. కానీ శృతి అడ్డుకొని ఓ వీడియోను వాళ్లకు చూపిస్తుంది.
మీనా వీడియో చూసి సంజూ, నీలకంఠం షాక్
ఆ వీడియో ఇంటి దగ్గర మీనా చేసినదే. అందులో మీనా మాట్లాడుతూ.. సంజూ నిజ స్వరూపాన్ని బయటపెడుతుంది. మీ యువజన నాయకుడు రాఖీ శుభాకాంక్షలు చెబుతూ కట్టుకున్న భార్యనే తన అన్నకు రాఖీ కట్టకుండా చేస్తున్నాడు.. ఈ దుర్మార్గుడి చరిత్ర తెలుసుకోవాలంటే మమ్మల్ని సంప్రదించండి.. అతని నిజం స్వరూపం ఏంటో అతని భార్య మౌనికను అడగండి.. ఇతని రౌడీయిజానికి ఇతని తండ్రి రాక్షసత్వం తోడయింది.. ఇలాంటి వాడు నాయకుడిగా వస్తే అక్కాచెల్లెళ్ల పరిస్థితి ఏంటో ఆలోచించండి.. అని ఆ వీడియోలో మీనా అంటుంది.
అది చూసిన సంజూ షాక్ తింటాడు.. ఈ వీడియోను సోషల్ మీడియాలో పోస్ట్ చేశామంటే సంజూ రాజకీయ జీవితం అయిపోయినట్లే అని శృతి అంటుంది. మీరు చెబితే జనం నమ్మేస్తారా అని నీలకంఠం అంటే.. పాజిటివ్ కంటే నెగటివ్ వాటికే ఎక్కువ అట్రాక్ట్ అవుతారు జనం అని శృతి సమాధానమిస్తుంది. మీరు మా ఇంటికి వచ్చి మా ఆయనకు క్షమాపణ చెప్పి, మౌనికతో రాఖీ కట్టించకపోతే ఈ వీడియో వెంటనే వైరల్ అవుతుంది అని వార్నింగ్ ఇచ్చి మీనా, శృతి వెళ్లిపోతారు.
ప్రభావతి మాటల తూటాలు.. నోరు మూయించిన మీనా
అటు ఇంటి దగ్గర రోహిణికి క్లాస్ పీకుతూ ఉంటుంది ప్రభావతి. బాలు వల్ల తనకు అవమానం జరిగిందంటూ ఇంటికి వచ్చి తల్లికి చెప్పబోతాడు మనోజ్. అప్పుడే బాలు కూడా వస్తాడు. ఇప్పుడు వీడి భార్య, రవిగాడి భార్య అక్కడికి వెళ్లారు.. వాళ్లకు ఏం జరుగుతుందో అని ప్రభావతి అంటుండగానే మీనా, శృతి వస్తారు. ఏమైంది మిమ్మల్ని గేటు వరకు కూడా రానీయలేదా.. శపథం చేసి వెళ్లావ్ ఏదీ నా కూతురు అంటూ ప్రభావతి మాటల తూటాలు పేలుస్తుంది.
కానీ మీనా, శృతి సైలెంట్ గా ఉంటారు. ఒకసారి బయటకు చూస్తే అక్కడ ఏం జరిగిందో తెలుస్తుంది అని మీనా అంటుంది. అప్పుడే కారులో నుంచి నీలకంఠం, సంజూ దిగడం చూసి ప్రభావతి నోరు మూతపడుతుంది. వాళ్లు వచ్చి తమ వల్ల తప్పు జరిగిందని చెప్పడమే కాదు.. మౌనికను తీసుకొచ్చి బాలుకి రాఖీ కట్టిస్తారు. మా ఆయనకు క్షమాపణ కూడా చెప్పాలని మీనా అడగడంతో నీలకంఠం షాక్ తింటాడు. అక్కడితో గుండె నిండా గుడి గంటలు సీరియల్ ఈరోజు ఎపిసోడ్ ముగుస్తుంది.