Illu Illalu Pillalu:ఇల్లు ఇల్లాలు పిల్ల‌లు-బిగ్ ట్విస్ట్‌-అస‌లు రామ‌రాజు ప్లాన్ ఏంటీ? ధీర‌జ్‌, ప్రేమ‌కు మళ్లీ పెళ్లేంటి?

Illu Illalu Pillalu: ఇల్లు ఇల్లాలు పిల్లలు సీరియల్ ఒక్కసారిగా ఊపందుకుంది. ఈ టాప్ సీరియల్ లో బిగ్ ట్విస్ట్ చోటు చేసుకుంది. ధీరజ్, ప్రేమకు మళ్లీ పెళ్లి చేస్తానంటూ రామరాజు ఛాలెంజ్ చేయడంతో కథ కొత్త మలుపు తిరిగింది. అసలు రామరాజు ప్లాన్ ఏంటీ? ధీరజ్, ప్రేమకు మళ్లీ పెళ్లి ఏంటీ? అనేది ఉత్కంఠగా మారింది.

Illu Illalu Pillalu: స్టార్ మా సీరియల్ లో టాప్ రేటింగ్ తో ఇల్లు ఇల్లాలు పిల్లలు సీరియల్ దూసుకెళ్తోంది. అయితే ఇటీవల కొన్ని ఎపిసోడ్లలో ఉత్కంఠ తగ్గిందనే టాక్ వినిపించింది. ఈ నేపథ్యంలో ఇల్లు ఇల్లాలు పిల్లలు సీరియల్ మేకర్స్ అలర్ట్ అయినట్లే కనిపిస్తున్నారు. తాజాగా ఇల్లు ఇల్లాలు పిల్లలు సీరియల్ లో బిగ్ ట్విస్ట్ ను క్రియేట్ చేశారు.

ఇల్లు ఇల్లాలు పిల్ల‌లు-బిగ్ ట్విస్ట్‌-అస‌లు రామ‌రాజు ప్లాన్ ఏంటీ? ధీర‌జ్‌, ప్రేమ‌కు మళ్లీ పెళ్లేంటి? (jiohotstar)

కథలో మార్పు

ఇల్లు ఇల్లాలు పిల్లలు సీరియల్ లో మెయిన్ క్యారెక్టర్ అయిన రామరాజుకు స్టోరీలో తగిన ప్రాధాన్యత దక్కడం లేదని ఫ్యాన్స్ ఫీల్ అయ్యారు. ఇప్పుడు ధీరజ్, ప్రేమ, నర్మద, శ్రీవల్లి, భద్రావతి, వేదవతి, తిరుపతి, సుక్కు క్యారెక్టర్ల చుట్టూనే కథ ఎక్కువగా తిరుగుతోంది. రామరాజు అప్పుడప్పుడు మాత్రమే కనిపిస్తూ వచ్చాడు. కానీ ఇప్పుడు సడెన్ గా రామరాజును సెంటర్లోకి తీసుకొస్తూ కథను మార్చారు.

రామరాజు ఛాలెంజ్

ఇన్ని రోజులు సైలెంట్ గా ఉన్న రామరాజు ఇప్పుడు ఒక్కసారిగా హైపర్ యాక్టివ్ అయ్యాడు. తన కోడలు ప్రేమకు మళ్లీ పెళ్లి చూపులు అనేసరికి రామరాజు తట్టుకోలేకపోయాడు. బీభత్సమే చేశాడు. చివరకు పోలీస్ స్టేషన్ లో భద్రావతికి ఛాలెంజ్ విసిరాడు. రెండు రోజుల్లో ప్రేమ, ధీరజ్ కు మళ్లీ పెళ్లి చేస్తానని సంచలన ప్రకటన చేశాడు.

ఆ ట్విస్ట్ తో

ఇప్పటికే ఓ సారి తల్లి వేదవతి ఫోర్స్ చేయడంతో ప్రేమ మెడలో ధీరజ్ తాళి కట్టాడు. కానీ దానికి సాక్ష్యం లేదని, పెళ్లి చెల్లదని భద్రావతి సంచలన వ్యాఖ్యలు చేసింది. దీంతో రామరాజుకు మండింది. అందుకే ధీరజ్, ప్రేమకు అందరిముందు అంగరంగ వైభవంగా పెళ్లి చేస్తానని ఛాలెంజ్ చేశాడు. దీంతో ఇల్లు ఇల్లాలు పిల్లలు సీరియల్ కథలో ట్విస్ట్ చోటు చేసుకుంది.

భద్రావతి మామూలుది కాదు

రామరాజు అయితే ఛాలెంజ్ చేశాడు కానీ ధీరజ్, ప్రేమకు ఎలా పెళ్లి చేస్తాడన్నది ఉత్కంఠ రేపుతోంది. ప్రస్తుతం ప్రేమ ఏమో భద్రావతి ఇంట్లో ఉంటుంది. ధీరజ్, ప్రేమకు పెళ్లి చేయలేకపోతే ప్రేమ శాశ్వతంగా తమ ఇంట్లోనే ఉంటుందని భద్రావతి చెప్పింది. రామరాజు సవాలును అవకాశంగా తీసుకొని భద్రావతి పెద్ద కుట్రకే తెరతీసింది.

ఏం జరుగుతుందో?

ఇటు ధీరజ్, ప్రేమ పెళ్లి చేయాలని రామరాజు కుటుంబం.. అటు వైపు ఏమో పెళ్లి జరగకుండా అడ్డుకునేందుకు భద్రావతి, సేనాపతి, బల్లక్కాయ్ రెడీ అయ్యారు. మరి ఇప్పుడు ఏం జరుగుతుంది? ధీరజ్, ప్రేమ పెళ్లిని ఎలా చేస్తారు? అన్న సస్పెన్స్ తీవ్ర ఉత్కంఠ రేపుతోంది. మరి రాబోయే ఎపిసోడ్లలో ఏం జరుగుతుందో చూడాలి.