Karthika Deepam Sourya: వంటలక్క కూతురా మజాకా! కార్తీక దీపం 'శౌర్య' ఇంటర్ మార్కులు చూస్తే మైండ్ బ్లాక్ అవ్వాల్సిందే!

Karthika Deepam Sourya: కార్తీక దీపం సీరియల్ లో వంటలక్క కూతురిగా అద్భుతమైన నటనతో అభిమానుల మనసులు గెలుచుకున్న బేబీ క్రితిక గుర్తుంది కదాా. ఇప్పుడు ఆ పాప మరోసారి వార్తల్లో నిలిచింది. ఇంటర్ ఫస్ట్ ఇయర్ లో ఆమెకు వచ్చిన మార్క్స్ తెలిస్తే షాక్ అవాల్సిందే.

Karthika Deepam Sourya: తెలుగు రాష్ట్రాల్లో కార్తీక దీపం 2 సీరియల్ టాప్ ప్లేస్ లో దూసుకుపోతోంది. నిరుపమ్, ప్రేమి విశ్వనాథ్ లీడ్ రోల్స్ ప్లే చేస్తున్న ఈ సీరియల్ ను తెలుగు ప్రేక్షకులు తెగ చూసేస్తున్నారు. అయితే ఈ సీరియల్ ఫస్ట్ పార్ట్ కార్తీక దీపం కూడా సూపర్ డూపర్ హిట్ గా నిలిచిన సంగతి తెలిసిందే. కార్తీక దీపంలో వంటలక్క కూతురుగా నటించిన బేబీ క్రితిక ఇప్పుడు వార్తల్లో నిలిచింది.

కార్తీక దీపం శౌర్య

కార్తీక దీపం సీరియల్ ఫేమ్ క్రితిక (instagram-Karthikadeepam sourya)

కార్తీక దీపం సీరియల్ లో వంటలక్క కూతురిగా క్రితిక నటించింది. శౌర్య పాత్రలో అదరగొట్టింది. ముద్దు ముద్దు మాటలతో, యాక్టింగ్ తో మెప్పించింది. ఆ సీరియల్ తో ఎంతో మంది అభిమానులను సంపాదించుకుంది. చిన్నతనంలోనే పెద్ద పేరు తెచ్చుకుంది.

ఇంటర్ మార్క్స్

యాక్టింగ్ లోనే కాదు చదువులోనూ క్రితిక అదరగొట్టింది. తాజాగా తెలంగాణ ఇంటర్ రిజల్ట్స్ రిలీజ్ అయిన సంగతి తెలిసిందే. ఈ ఫలితాల్లో క్రితిక కు వచ్చిన మార్కులు చూసి అందరూ షాక్ అవుతున్నారు. నటనతో సత్తాచాటే ఈ పాప చదువులోనూ ఇంత క్లెవరా? అని అనుకుంటున్నారు.

ఇంటర్ ఫస్ట్ ఇయర్ పరీక్షలు రాసిన క్రితిక 470కి గాను 459 మార్కులు సాధించడం విశేషం. ఆమెకు టోటల్ పరంగా చూస్తే కేవలం 11 మార్కులు మాత్రమే తక్కువ వచ్చాయి.

ఎంపీసీ

ఇంటర్ లో క్రితిక ఎంపీసీ చదువుతోంది. ఫస్ట్ ఇయర్ లో ఆమెకు ఇంగ్లీష్ లో 100కు 94, ఫిజిక్స్ లో 60కి 60, కెమిస్ట్రీలో 60కి 59, సంస్కృతంలో 100కి 99, మ్యాథ్స్-ఏలో 75కు 73, మ్యాథ్స్-బిలో 75కు 74 మార్కులు వచ్చాయి. ఓవరాల్ గా 470కి గాను 459 మార్కులు సాధించింది. ఈ మార్కుల మెమోను క్రితిక తన ఇన్ స్టాగ్రామ్ లో పోస్టు చేసింది.

సినిమాల్లోనూ

ప్రస్తుతం కార్తీక దీపం 2 సీరియల్ స్టార్ మాలో ప్రసారమవుతోంది. సీరియల్ రేటింగ్స్ లో ఈ కార్తీక దీపం 2 దూసుకెళ్తోంది. ఇందులో నిరుపమ్, ప్రేమి విశ్వనాథ్, గాయత్రి సింహాద్రి, స్వర్ణ, నటకుమారి తదితరులు నటిస్తున్నారు.