మైఖేల్ జాక్సన్.. ఈ పేరుకు పరిచయం అవసరం లేదు. ప్రపంచ సంగీత చరిత్రలో అతడొక ఎవర్గ్రీన్ లెజెండ్. అతని జీవితంపై బయోపిక్ రాబోతోందని అనౌన్స్ చేసినప్పుడు అభిమానుల ఆనందానికి అవధులు లేవు. చాలా కాలం ఆలస్యం తర్వాత ఇప్పుడు మేకర్స్ 'మైఖేల్' సినిమా మొట్టమొదటి అధికారిక టీజర్ను విడుదల చేశారు. ఈ సినిమాలో దివంగత సంగీత దిగ్గజం పాత్రలో అతని మేనల్లుడు నటించడం విశేషం.
'మైఖేల్' టీజర్ ఇలా..
కింగ్ ఆఫ్ పాప్ గా పేరుగాంచిన మైఖేల్ జాక్సన్ జీవితం ఆధారంగా ఈ మైఖేల్ మూవీ రూపొందుతోంది. గురువారం (నవంబర్ 6) టీజర్ రిలీజ్ చేశారు. నిమిషం నిడివి గల ఈ టీజర్ ద్వారా మైఖేల్ మేనల్లుడు, జెర్మైన్ జాక్సన్ కుమారుడు అయిన జాఫర్ జాక్సన్.. 'కింగ్ ఆఫ్ పాప్' పాత్రలో ఎలా ఒదిగిపోయాడో ఒక చిన్నపాటి గ్లింప్స్ చూపించారు.
ఇందులో మైఖేల్ అత్యంత పాపులర్ అయిన ఆల్బమ్లలో ఒకటైన ‘థ్రిల్లర్’ను విడుదల చేయడానికి సన్నద్ధమవుతున్న సమయంలో.. జాఫర్ లెజెండరీ నిర్మాత క్విన్సీ జోన్స్ (కెండ్రిక్ సామ్సన్)తో కలిసి పనిచేసే సీన్ కనిపిస్తుంది. "దీని కోసం మీరు చాలా కాలం వేచి చూశారని నాకు తెలుసు. ట్రాక్స్ పూర్తయ్యాయి, పాటలు సిద్ధంగా ఉన్నాయి. మనం మొదటి నుంచి మొదలు పెడదాం.. ఇది నీ కథ" అని సామ్సన్ చెప్పే డైలాగ్తో పాటు, జాక్సన్ ఫొటోలు వేగంగా ఫ్లాష్ అవుతాయి.
ఈ మూవీ స్టోరీ లైన్ ఇలా ఉంది. “మైఖేల్ ప్రపంచం ఎన్నడూ చూడని అత్యంత ప్రభావవంతమైన ఆర్టిస్టులలో ఒకరి జీవితాన్ని, వారసత్వాన్ని వెండితెరపై ఆవిష్కరిస్తుంది. ఈ సినిమా అతడి మ్యూజిక్ నే కాదు.. మైఖేల్ జాక్సన్ జీవిత కథను చెబుతుంది. స్టేజ్ వెనుక ఆయన జీవితాన్ని, అలాగే ప్రారంభ సోలో కెరీర్లోని కొన్ని ఐకానిక్ ప్రదర్శనలను హైలైట్ చేస్తూ, ప్రేక్షకులకు మైఖేల్ జాక్సన్ను ఇంతకు ముందెన్నడూ చూడని విధంగా దగ్గరగా చూసే అవకాశం ఇస్తుంది. ఇక్కడి నుంచే ఆయన కథ మొదలవుతుంది” అని మేకర్స్ చెప్పారు.
అభిమానుల స్పందన ఎలా ఉందంటే?
మైఖేల్ మూవీ టీజర్ చూసిన ఫ్యాన్స్ ఊగిపోతున్నారు. ఒక అభిమాని స్పందిస్తూ.. “ఈ భూమిపై నడిచిన అత్యంత గొప్ప ఎంటర్టైనర్. ఇంటర్నెట్ లేకుండా, సోషల్ మీడియా లేకుండానే, ఆయన ప్రపంచాన్ని రాజులా పాలించారు. ఇప్పటికీ ఎంజే సాధించిన గ్లోబల్ స్టార్డమ్ దరిదాపుల్లోకి ఎవరూ రాలేరు" అని కామెంట్ చేశారు.
{{/usCountry}}మైఖేల్ మూవీ టీజర్ చూసిన ఫ్యాన్స్ ఊగిపోతున్నారు. ఒక అభిమాని స్పందిస్తూ.. “ఈ భూమిపై నడిచిన అత్యంత గొప్ప ఎంటర్టైనర్. ఇంటర్నెట్ లేకుండా, సోషల్ మీడియా లేకుండానే, ఆయన ప్రపంచాన్ని రాజులా పాలించారు. ఇప్పటికీ ఎంజే సాధించిన గ్లోబల్ స్టార్డమ్ దరిదాపుల్లోకి ఎవరూ రాలేరు" అని కామెంట్ చేశారు.
{{/usCountry}}"జాఫర్ తన మామయ్య పాత్ర పోషించడం చూసి నాకు నవ్వు వచ్చింది.. ఈ సినిమాపై నాకు చాలా ఆశలు ఉన్నాయి. దేవుడా, దయచేసి దీన్ని గొప్పగా చేయి. లవ్ యూ ఎంజే" అని మరొక అభిమాని అన్నారు.
"నాకు మాటలు రావట్లేదు. ఇది నమ్మశక్యం కాదు. వచ్చే ఏడాది కోసం మేము ఆతృతగా ఎదురు చూస్తున్నాం" అని ఇంకొకరు తమ ఉద్వేగాన్ని పంచుకున్నారు. మైఖేల్ సినిమాలో జాఫర్తో పాటు నియా లాంగ్, లారా హారియర్, జులియానో క్రూ వాల్డి, మైల్స్ టెల్లర్, కోల్మాన్ డొమింగో వంటి నటులు కీలక పాత్రలు పోషిస్తున్నారు. అంటోయిన్ ఫుక్వా ఈ చిత్రానికి దర్శకత్వం వహించాడు. ఈ సినిమా ఏప్రిల్ 24, 2026న థియేటర్లలో విడుదల కానుంది.