హమ్మయ్య.. మొత్తానికి ఓటీటీలోకి వస్తున్న రజనీకాంత్ డిజాస్టర్ మూవీ.. 16 నెలల తర్వాత డిజిటల్ ప్రీమియర్

సూపర్ స్టార్ రజనీకాంత్ నటించిన లాల్ సలామ్ మూవీ మొత్తానికి ఓటీటీలోకి వస్తోంది. ఇప్పటికే టీవీ ప్రీమియర్ కూడా కాగా.. 16 నెలల తర్వాత డిజిటల్ ప్రీమియర్ కు సిద్ధమైంది. ఈ బక్రీద్ కు మూవీ రానుంది.

రజనీకాంత్ డిజాస్టర్ మూవీ లాల్ సలామ్ గతేడాది ఫిబ్రవరిలో థియేటర్లలో రిలీజైంది. బాక్సాఫీస్ దగ్గర డిజాస్టర్ కావడంతోపాటు ఐఎండీబీలోనూ దారుణమైన రేటింగ్ సొంతం చేసుకుంది. గతేడాది డిసెంబర్ లోనే టీవీ ప్రీమియర్ అయిన ఈ సినిమా.. వచ్చే వారమే ఓటీటీలోకి అడుగుపెడుతోంది.

హమ్మయ్య.. మొత్తానికి ఓటీటీలోకి వస్తున్న రజనీకాంత్ డిజాస్టర్ మూవీ.. 16 నెలల తర్వాత డిజిటల్ ప్రీమియర్

లాల్ సలామ్ ఓటీటీ రిలీజ్ డేట్

రజనీకాంత్ అతిథి పాత్రలో నటించిన మూవీ లాల్ సలామ్. ఈ సినిమా దారుణమైన పరాభవాన్ని మూటగట్టుకుంది. ఇప్పుడీ మూవీని బక్రీద్ సందర్భంగా జూన్ 6 నుంచి సన్ నెక్ట్స్ ఓటీటీ స్ట్రీమింగ్ చేయనుంది. ఈ విషయాన్ని ఆ ఓటీటీ శుక్రవారం (మే 30) వెల్లడించింది.

బక్రీద్ కు ఎవరొస్తున్నారో గెస్ చేయండి అంటూ ఓ చిన్న వీడియో క్లిప్ రిలీజ్ చేసింది. అందులో రజనీకాంత్ ను చూడొచ్చు. థియేటర్లలో రిలీజైన సుమారు 16 నెలల తర్వాత ఓటీటీలోకి వస్తున్న ఈ సినిమాకు డిజిటల్ ప్లాట్‌ఫామ్ పై ఎలాంటి రెస్పాన్స్ వస్తుందో చూడాలి.

లాల్ సలామ్ మూవీ గురించి..

రజనీ కూతురు ఐశ్వర్య రజనీకాంత్ డైరెక్ట్ చేసిన లాల్ సలామ్ సినిమాకు తొలి రోజు నుంచే దారుణమైన టాక్, కలెక్షన్లు వచ్చాయి. లైకా ప్రొడక్షన్స్ నిర్మించిన ఈ సినిమా రజనీ అతిథి పాత్రపై భారీ ఆశలు పెట్టుకున్నా అదీ వర్కౌట్ కాలేదు. తొమ్మిదేళ్ల తర్వాత మళ్లీ మెగా ఫోన్ పట్టుకున్న ఐశ్వర్య ఈ మూవీ ద్వారా తీవ్రంగా నిరాశపరిచింది.

లాల్ సలామ్ మూవీలో మొయిద్దీన్ భాయ్ అనే ఓ గ్యాంగ్‌స్టర్ పాత్రలో రజనీకాంత్ నటించాడు. ఓ ఊళ్లో జరిగిన మత హింసకు క్రికెట్ మ్యాచ్ ద్వారా అతడు చెక్ పెట్టే ప్రయత్నం చేస్తాడు. అతడే సినిమాకు డైలాగులు కూడా రాశాడు. సినిమా ప్రమోషన్లను కూడా బాగానే చేశాడు. ఏఆర్ రెహమాన్ మ్యూజిక్ అందించాడు. విష్ణు విశాల్, విక్రాంత్ లాంటి వాళ్లు లీడ్ రోల్స్ లో నటించారు. ఇవేవీ కూడా మూవీని కాపాడలేకపోయాయి.

ముఖ్యంగా తెలుగులో అయితే మరీ దారుణం. తొలి వారంలో లాల్ సలామ్ తెలుగు కలెక్షన్లు కేవలం రూ.90 లక్షలుగా మాత్రమే ఉన్నాయి. ఇక తమిళం, తెలుగు కలిపినా ప్రపంచవ్యాప్తంగా తొలి వారం రూ.13 కోట్ల షేర్ కలెక్షన్లు మాత్రమే రావడంతో సినిమా డిజాస్టర్ గా మిగిలిపోయింది. రూ.60 కోట్ల బడ్జెట్ తో రూపొంది.. రూ.35 కోట్ల ప్రీరిలీజ్ బిజినెస్ చేసిన సినిమాకు ఈ కలెక్షన్లు చాలా దారుణమనే చెప్పాలి.