మలయాళం సినిమాలు అంటే ఆసక్తి ఉన్న వారి కోసం ప్రస్తుతం నాలుగు సినిమాలు ఓటీటీల్లో సిద్ధంగా ఉన్నాయి. ఈవారం ఓటీటీలోకి వచ్చే మలయాళం సినిమాలు పెద్దగా లేకపోయినా.. ఈ మధ్యే వచ్చిన వీటిని మాత్రం చూడొచ్చు. మరి ఆ నాలుగు సినిమాలు ఏవి? ఏ ఓటీటీల్లో చూడాలో తెలుసుకోండి.
మిరాజ్ (Mirage) : సోనీ లివ్
ఆసిఫ్ అలీ, దీపక్ పరంబోల్, హకీమ్ షాజహాన్, అపర్ణా బాలమురళి నటించిన మిరాజ్ ఓ థ్రిల్లర్ మూవీ. ప్రముఖ దర్శకుడు జీతూ జోసెఫ్ దర్శకత్వం వహించిన సినిమా ఇది. అతను గతంలో దృశ్యంలాంటి పలు మలయాళ థ్రిల్లర్స్తో పేరుగాంచాడు. వాటితో పోలిస్తే ఈ మిరాజ్ అంతగా ఆకట్టుకోకపోయినా.. ఇందులో వచ్చే ట్విస్టులు మాత్రం మంచి థ్రిల్ అందిస్తున్నాయి. క్లైమ్యాక్స్ అసలు ఎవరి ఊహలకూ అందని విధంగా ఉంటుంది.
ఆభ్యంతర కుట్టవాలి (Aabhyanthara Kuttavaali): జీ5 ఓటీటీ
ఇది కూడా ఆసిఫ్ అలీ నటించిన మూవీనే. అయితే మిరాజ్ ఓ థ్రిల్లర్ కాగా.. ఇది ఓ కామెడీ డ్రామా. జీ5 ఓటీటీలో స్ట్రీమింగ్ అవుతోంది. మన న్యాయ వ్యవస్థలో వేధింపుల కేసుల మరో కోణాన్ని ఈ మూవీ కళ్లకు కడుతుంది. అయితే ఈ సినిమా కేవలం మలయాళం ఆడియోతోనే అందుబాటులో ఉంది. కొన్ని ఆలోచన రేపే సీన్లు కూడా ఈ సినిమాలో ఉన్నాయి.
ఇంబమ్ (Imbam) : సన్ నెక్స్ట్ ఓటీటీ
ఇంబమ్ ఓ ఫ్యామిలీ రొమాన్స్ డ్రామా మూవీ. ఇది సన్ నెక్ట్స్ ఓటీటీలో స్ట్రీమింగ్ అవుతోంది. 2023లో థియేటర్లలో రిలీజైన ఈ సినిమా ఈ మధ్యే డిజిటల్ ప్రీమియర్ అయింది. ఈ సినిమా కార్టూనిస్ట్ అయిన నిధిన్ చుట్టూ తిరుగుతుంది. శబ్దం అనే పత్రికలో పని చేసే అతడు దాని యజమాని, అక్కడ పనిచేసే వారితో అతనికి ఉండే అనుబంధాన్ని మనసుకు హత్తుకునేలా ఈ ఇంబమ్ సినిమాలో చూపించారు.
చట్టులి (Chattuli): మనోరమ మ్యాక్స్
చట్టులి ఓ రివేంజ్ థ్రిల్లర్. ప్రతీకారంతో రగిలిపోయే ఇద్దరు వ్యక్తులు ఓ అడవిలో కలుసుకొని సాగించే ప్రయాణం చుట్టూ తిరిగే స్టోరీ ఇది. కళ్లు కనిపించని ఓ వృద్ధుడు, మరో టీనేజర్ చుట్టూ ఈ కథ తిరుగుతుంది. మలయాళం ఆడియో, ఇంగ్లిష్ సబ్ టైటిల్స్ తో ఈ సినిమాను మనోరమ మ్యాక్స్ ఓటీటీలో చూడొచ్చు.
{{/usCountry}}చట్టులి ఓ రివేంజ్ థ్రిల్లర్. ప్రతీకారంతో రగిలిపోయే ఇద్దరు వ్యక్తులు ఓ అడవిలో కలుసుకొని సాగించే ప్రయాణం చుట్టూ తిరిగే స్టోరీ ఇది. కళ్లు కనిపించని ఓ వృద్ధుడు, మరో టీనేజర్ చుట్టూ ఈ కథ తిరుగుతుంది. మలయాళం ఆడియో, ఇంగ్లిష్ సబ్ టైటిల్స్ తో ఈ సినిమాను మనోరమ మ్యాక్స్ ఓటీటీలో చూడొచ్చు.
{{/usCountry}}