కామ కోరికలతో సన్యాసిని.. లైంగిక వాంఛలతో రగిలే అమ్మాయి.. ఇవాళ రెండు ఓటీటీల్లోకి వచ్చిన తమిళ మూవీ.. ఇక్కడ చూసేయండి

డిఫరెంట్ కాన్సెప్ట్ తో థియేటర్లలో రిలీజైన తమిళ మూవీ ఒకటి నెల రోజుల్లోపే ఓటీటీలోకి వచ్చేసింది. సన్యాసిని కామ కోరికలతో ఎలా ఇబ్బంది పడిందనే కథతో వచ్చిన ఈ మూవీ వివాదానికి కూడా కారణమైంది.

ఓటీటీలోకి తమిళ మూవీ ఒకటి దూసుకొచ్చింది. డిఫరెంట్ స్టోరీ కాన్సెప్ట్ తో తెరకెక్కిన ‘మరియా’ సినిమా నెల రోజుల్లోపే డిజిటల్ స్ట్రీమింగ్ కు వచ్చేసింది. ఇవాళ (అక్టోబర్ 31) రెండు ఓటీటీల్లోకి అడుగుపెట్టింది. సన్యాసినిగా ఉండే ఓ అమ్మాయి కామ కోరికలతో ఎలా ఇబ్బంది పడిందనే కథతో మరియా సినిమాను రూపొందించారు. ఒకే రోజు రెండు ఓటీటీ ప్లాట్ ఫామ్స్ లో స్ట్రీమింగ్ అవుతోంది ఈ మూవీ.

ఓటీటీలోకి తమిళ సినిమా (x/SimplySouthApp)

మరియా ఓటీటీ

కాంట్రవర్సీకి కూడా కారణమైన తమిళ సినిమా ‘మరియా’ ఓటీటీలో అడుగుపెట్టింది. శుక్రవారం రెండు ఓటీటీ ప్లాట్ ఫామ్స్ లో రిలీజైంది. అక్టోబర్ 31 నుంచి సింప్లీ సౌత్ తో పాటు షార్ట్ ఫ్లిక్స్ లోనూ స్ట్రీమింగ్ అవుతోంది. సింప్లీ సౌత్ ఓటీటీలో ఇండియా బయట దేశాల్లోని ఆడియన్స్ కు అందుబాటులో ఉంది ఈ సినిమా. ఇండియాలోని ఆడియన్స్ మాత్రం షార్ట్ ఫ్లిక్స్ లో చూడొచ్చు. ఇప్పుడైతే తమిళంలోనే మూవీ స్ట్రీమింగ్ అవుతోంది.

నెల రోజుల్లోపే

మరియా సినిమా థియేటర్లలో రిలీజైన నెల రోజుల్లోనే ఓటీటీలోకి వచ్చేసింది. ఈ మూవీ అక్టోబర్ 3న థియేటర్లలో రిలీజైంది. ఈ సినిమాకు మిక్స్ డ్ టాక్ వచ్చింది. ఓ నన్ (సన్యాసిని) లైంగిక వాంఛలతో భక్తి మార్గం వీడాలనుకోవాలనే కాన్సెప్ట్ పై విమర్శలు కూడా వచ్చాయి. ఇది వివాదానికి కారణమైంది. ఈ సినిమాకు హరి కె సుధన్ డైరెక్టర్. సాయిశ్రీ ప్రభాకరన్, అభినయ, సిద్ధు, పావెల్ తదితరులు నటించారు. ఐఎండీబీలో ఈ మూవీకి 8 రేటింగ్ ఉంది.

మరియా కథ

మరియా (సాయిశ్రీ ప్రభాకరన్) ఓ నన్ (సన్యాసిని). దేవుని కోసం అన్నింటినీ త్యాగం చేసిన అమ్మాయి ఆమె. అయిదేళ్లుగా కనీసం ఫోన్ కూడా యూజ్ చేయదు. టేస్టీ ఫుడ్ కు దూరంగా ఉంటుంది. సింపుల్ జీవితాన్ని గడుపుతుంది. అలాంటి అమ్మాయి ఓ సారి తన కజిన్ ఆగ్నెస్ (సిద్ధు కుమారేసన్) దగ్గరకు వెళ్లుంది. అక్కడే కథ మలుపు తిరుగుతుంది.

ఆగ్నెస్ కూడా క్రిస్టియనే. కానీ మోడర్న్ లైఫ్ గడుపుతుంది. తన లవర్ విష్ణు, మరో జంటతో కలిసి అపార్ట్ మెంట్ లో ఉంటుంది. ఆశ్రమంలో భక్తి భావంతో పెరిగిన మరియాకు ఆ అపార్ట్ మెంట్ లో విషయాలన్నీ కొత్తగా అనిపిస్తాయి. గోడ అవతల ఆగ్నెస్, విష్ణు రొమాంటిక్ ముచ్చట్లు, శృంగారం మరియాకు కోరికలు రేకెత్తిస్తాయి.

భక్తి మార్గాన్ని విడి తాను కూడా మామూలుగా జీవితాన్ని గడపాలని మరియా అనుకుంటుంది. ఆ క్రమంలోనే ఆంటన్ లవీ పరిచయమవుతాడు. అప్పుడే సాతానిజం గురించి మరియాకు చెప్తాడు. మరి ఆ తర్వాత ఏం జరిగింది? కామ కోరికల కారణంగా మరియా ఎలాంటి ఆటుపోట్లు ఎదుర్కొంది? అన్నది సినిమాలో చూడాల్సిందే.