ఓటీటీలోకి ఇవాళ ఒకరోజు ముందే వచ్చిన నయా మలయాళ క్రైమ్ థ్రిల్లర్- తెలుగులో స్ట్రీమింగ్- దృశ్యం రేంజ్‌లో ట్విస్టులు?

ఓటీటీలోకి ఇవాళ ఒకరోజు ముందే డిజిటల్ స్ట్రీమింగ్‌కు నయా మలయాళ క్రైమ్ థ్రిల్లర్ సినిమా మిరాజ్ వచ్చేసింది. దృశ్యం సినిమాల డైరెక్టర్ జీతూ జోసేఫ్ దర్శకత్వం వహించిన మిరాజ్ తెలుగుతో కలిపి ఏడు భాషల్లో ఓటీటీ రిలీజ్ అయింది. అపర్ణ బాలమురళి నటించిన మిరాజ్ ఓటీటీ స్ట్రీమింగ్ ఎక్కడో ఇక్కడ తెలుసుకుందాం.

మలయాళ సినిమాలకు ఉండే క్రేజ్ వేరు. అందులోనూ మలయాళ థ్రిల్లర్ సినిమాలకు స్పెషల్ ఫ్యాన్ బేస్ ఉంటుంది. అందుకే మాలీవుడ్ నుంచి వచ్చే క్రైమ్ థ్రిల్లర్స్ సినిమాలపై స్పెషల్ బజ్, ఇంట్రెస్ట్ క్రియేట్ అవుతుంది. వాటిని చూసేందుకు ఓటీటీ ఆడియెన్స్ తెగ ఆసక్తి చూపిస్తుంటారు.

ఓటీటీలోకి ఇవాళ ఒకరోజు ముందే వచ్చిన నయా మలయాళ క్రైమ్ థ్రిల్లర్- తెలుగులో స్ట్రీమింగ్- దృశ్యం రేంజ్‌లో ట్విస్టులు?

మలయాళ క్రైమ్ థ్రిల్లర్ మూవీ

అలాంటి ప్రేక్షకుల కోసం అన్నట్లుగానే మలయాళం నుంచి ఎప్పుడు ఏదో ఒక థ్రిల్లర్ జోనర్ సినిమా వస్తూనే ఉంటుంది. అలా, రీసెంట్‌గా థియేటర్లలోకి వచ్చిన క్రైమ్ థ్రిల్లర్ సినిమానే మిరాజ్. ఈ సినిమాకు థ్రిల్లర్ మూవీస్‌కు పెట్టింది పేరు అయిన జీతూ జోసెఫ్ దర్శకత్వం వహించారు.

ఇతర భాషల్లో రీమేక్ చేసి

జీతూ జోసెఫ్ ఇదివరకు దృశ్యం, దృశ్యం 2 వంటి బ్లాక్ బస్టర్ థ్రిల్లర్స్ అందించిన విషయం తెలిసిందే. ఈ సినిమాలను సౌత్‌లోని ఇతర భాషలతోపాటు నార్త్‌లో కూడా రీమేక్ చేసి హిట్ అందుకున్నారు. ఇక మిరాజ్ సినిమాలో అపర్ణ బాలమురళి, అసిఫ్ అలీ, సంపత్ రాజ్, హన్నా రెజీ కోషి, దీపక్ పరంబోల్, శరవణన్ ముఖ్య పాత్రలు పోషించారు.

రైలు ప్రమాదంలో చనిపోయిన వ్యక్తి చుట్టూ

ఒక యాక్సిడెంట్ చుట్టూ అల్లుకున్న కథగా మిరాజ్ తెరకెక్కింది. రైలు ప్రమాదంలో చనిపోయిన ఓ వ్యక్తి చుట్టు, అతని మరణానికి అసలు కారణం వంటి అంశాలతో థ్రిల్లింగ్ అండ్ గ్రిప్పింగ్ సీన్లతో మిరాజ్ తెరకెక్కింది. ఈ సినిమాకు దృశ్యం డైరెక్టర్ కావడంతో మిరాజ్‌లో కూడా ఆ రేంజ్ ట్విస్టులు, సీన్స్ ఉంటాయని అభిమానులు ఊహిస్తున్నారు.

మిరాజ్ ఓటీటీ స్ట్రీమింగ్

మరి ఇంతటి క్రేజ్ పొందిన మిరాజ్ ఓటీటీలోకి వచ్చేసింది. నిజానికి అక్టోబర్ 20 నుంచి మిరాజ్ ఓటీటీ స్ట్రీమింగ్ కానున్నట్లు ఇదివరకు సదరు ప్లాట్‌ఫామ్ ప్రకటించింది. కానీ, అనుకోకుండా సడెన్‌గా ఒకరోజు ముందే ఇవాళ అంటే అక్టోబర్ 19న సోనీ లివ్‌లో మిరాజ్ ఓటీటీ రిలీజ్ అయింది. అది కూడా తెలుగులో మిరాజ్ ఓటీటీ ప్రీమియర్ అయింది.

ఏడు భాషల్లో ఓటీటీ రిలీజ్

తెలుగుతో కలిపి మలయాళం, హిందీ, తమిళం, కన్నడ, మరాఠి, బెంగాలీ వంటి ఏడు భాషల్లో మిరాజ్ ఓటీటీ స్ట్రీమింగ్ చేస్తున్నట్లు డిజిటల్ ప్రీమియర్ ప్లాట్‌ఫామ్ సోనీ లివ్ ప్రకటించింది. ఇదిలా ఉంటే, రెండున్నర గంటల రన్ టైమ్ ఉన్న మిరాజ్ సినిమాకు ఐఎమ్‌డీబీ నుంచి పదికి 7.1 రేటింగ్ వచ్చింది.