E-Paper
Netflix OTT: నెట్ఫ్లిక్స్లోకి మరో రొమాంటిక్ వెబ్ సిరీస్.. ఆకట్టుకుంటున్న ముసాఫిర్ కెఫే ట్రైలర్.. స్ట్రీమింగ్ డేట్ ఇదే
Netflix OTT: నెట్ఫ్లిక్స్ ఓటీటీలోకి మరో ఎమోషనల్ వెబ్ సిరీస్ రాబోతోంది. 12th ఫెయిల్ నటుడు విక్రాంత్ మాస్సే లీడ్ రోల్లో నటించిన ఈ సిరీస్ ట్రైలర్ తాజాగా రిలీజ్ కాగా.. ఈ సిరీస్ జులై 24 నుంచి స్ట్రీమింగ్ కానుంది.
Netflix OTT: '12th ఫెయిల్' సినిమాతో ఇండియన్ బాక్సాఫీస్ను షేక్ చేసిన వర్సటైల్ యాక్టర్ విక్రాంత్ మాస్సే లీడ్ రోల్లో వస్తున్న లేటెస్ట్ ఎమోషనల్ లవ్ డ్రామా 'ముసాఫిర్ కేఫే' అఫీషియల్ ట్రైలర్ను నెట్ఫ్లిక్స్ ఇండియా రిలీజ్ చేసింది. జులై 24, 2026 నుంచి నేరుగా నెట్ఫ్లిక్స్ ఓటీటీ ప్లాట్ఫామ్లో ఈ క్రేజీ ప్రాజెక్ట్ స్ట్రీమింగ్ కానుంది. జీవితంలో ఎదురయ్యే తోటి ప్రయాణికుల ఎమోషన్స్, హార్ట్ బ్రేకింగ్ రిలేషన్ షిప్స్ చుట్టూ ఈ కథ సాగనుంది.
గుండెలను హత్తుకునే సరికొత్త కథనం
"కొంతమంది తోటి ప్రయాణికులు గమ్యస్థానం వరకు మనతో రారు.. వాళ్లు కేవలం కథలుగా మారి మన జ్ఞాపకాల్లో మిగిలిపోతారు" అంటూ నెట్ఫ్లిక్స్ ఈ వెబ్ సిరీస్ థీమ్ను అనౌన్స్ చేసింది. రిలీజ్ అయిన 2 నిమిషాల 18 సెకండ్ల ట్రైలర్ విజువల్స్ చాలా ప్లెజంట్గా, క్లాసిక్ లవ్ స్టోరీని తలపిస్తున్నాయి.
నిజానికి ట్రావెలింగ్ బ్యాక్డ్రాప్లో వచ్చే కథలకు ఓటీటీ ఆడియన్స్లో ఎప్పుడూ ఒక రేంజ్ క్రేజ్ ఉంటుంది. ఈ సిరీస్ లో కూడా విక్రాంత్ మాస్సే తన మార్క్ నేచురల్ యాక్టింగ్తో మరోసారి మ్యాజిక్ రిపీట్ చేసేలా కనిపిస్తున్నాడు.
విక్రాంత్ మాస్సే క్రేజీ ఓటీటీ లైనప్
విధు వినోద్ చోప్రా డైరెక్షన్లో వచ్చిన '12th ఫెయిల్' సూపర్ హిట్ తర్వాత విక్రాంత్ మాస్సే రేంజ్ బాలీవుడ్లో పూర్తిగా మారిపోయింది. కమర్షియల్ సినిమాల కంటే కంటెంట్ ఉన్న కథలకే ఈ హీరో ఫస్ట్ ప్రిఫరెన్స్ ఇస్తున్నాడు.
గతంలో నెట్ఫ్లిక్స్లో వచ్చిన 'సెక్టార్ 36', 'ఫిర్ ఆయీ హసీన్ దిల్రుబా' లాంటి ఇంటెన్స్ యాక్షన్ థ్రిల్లర్ సినిమాలతో డిజిటల్ స్పేస్ను రూల్ చేశాడు. ఇప్పుడు వస్తున్న 'ముసాఫిర్ కేఫే' ఒక ప్యూర్ రొమాంటిక్ అండ్ ఎమోషనల్ డ్రామా కావడం విశేషం.
టెరిబ్లీ టైనీ టేల్స్ కాంబోలో భారీ ప్రాజెక్ట్
ఈ ప్రతిష్టాత్మక ప్రాజెక్ట్ను సోషల్ మీడియాలో క్రేజీ హార్ట్ టచింగ్ షార్ట్ నరేటివ్స్తో పాపులర్ అయిన 'టెరిబ్లీ టైనీ టేల్స్' (TTT), హోమ్మేడ్ స్టోరీస్ బ్యానర్స్ సంయుక్తంగా నిర్మించాయి. ఇండస్ట్రీలో క్లీన్ అండ్ రూటెడ్ ఎమోషన్స్ చూపించడంలో ఈ ప్రొడక్షన్ హౌస్కు ఒక ప్రత్యేకమైన ఫ్యాన్ బేస్ ఉంది. విక్రాంత్ మాస్సేతో పాటు ఈ వెబ్ సిరీస్ లో వేదికా పింటో, మహిమా మక్వానా ఫీమేల్ లీడ్స్ గా నటించారు. 'అంతిమ్' సినిమాతో గుర్తింపు తెచ్చుకున్న మహిమా మక్వానా స్క్రీన్ ప్రెజెన్స్ ఈ సిరీస్ కు స్పెషల్ అట్రాక్షన్ కానుంది.
వీళ్లతో పాటు ఇండియన్ సినిమా టాప్ యాక్టర్ ఆదిల్ హుస్సేన్, సాదియా సిద్దిఖీ, రాజీవ్ సిద్ధార్థ లాంటి భారీ కాస్టింగ్ ఈ ప్రాజెక్ట్లో భాగమయ్యారు. ప్రగతి భట్నాగర్, వినీత్ క్రియేటివ్ మేకింగ్ వాల్యూస్ ట్రైలర్ లోని ప్రతి ఫ్రేమ్లో కనిపిస్తున్నాయి. జులై 24న రిలీజ్ కాబోతున్న ఈ రొమాంటిక్ జర్నీ నెట్ఫ్లిక్స్ ఇండియా అకౌంట్లో మరో బిగ్గెస్ట్ మైల్స్టోన్ అవుతుందని ట్రేడ్ వర్గాలు అంచనా వేస్తున్నాయి.
