నేను, ఎన్టీఆర్ ఆయనను నమ్మి మోసపోయాం.. తప్పు జరిగింది.. కాస్త ఎక్కువే చెప్పాను.. దొరికిపోయాను: వార్ 2 ఫలితంపై నాగవంశీ

ప్రొడ్యూసర్ నాగ వంశీ ఇంట్రెస్టింగ్ కామెంట్స్ చేశాడు. జూనియర్ ఎన్టీఆర్ నటించిన తొలి బాలీవుడ్ మూవీ వార్ 2 దారుణంగా బోల్తా పడటంపై అతడు మాస్ జాతర ప్రమోషన్లలో భాగంగా స్పందించాడు. ఆదిత్య చోప్రాను నమ్మి మోసపోయామన్నట్లుగా అతడు మాట్లాడాడు.

జూనియర్ ఎన్టీఆర్, హృతిక్ రోషన్ నటించిన భారీ బడ్జెట్ యాక్షన్ థ్రిల్లర్ మూవీ వార్ 2. భారీ అంచనాల మధ్య రిలీజైన ఈ సినిమా బొక్కబోర్లా పడింది. ఈ సినిమా తెలుగు రైట్స్ తీసుకున్న ప్రొడ్యూసర్ నాగవంశీ మూవీ ఫెయిల్యూర్ పై మొత్తానికి స్పందించాడు. తప్పు చేశాం.. కాస్త ఎక్కువగా ఎగ్జైట్ అయిపోయి దొరికిపోయాను అని అనడం గమనార్హం.

నేను, ఎన్టీఆర్ ఆయనను నమ్మి మోసపోయాం.. తప్పు జరిగింది.. కాస్త ఎక్కువే చెప్పాను.. దొరికిపోయాను: వార్ 2 ఫలితంపై నాగవంశీ

నాగ వంశీతో ఆడుకున్న రవితేజ

రవితేజతో ప్రస్తుతం మాస్ జాతర మూవీని నాగ వంశీ తీసిన విషయం తెలుసు కదా. ఈ సినిమా ప్రమోషన్లలో భాగంగా ఇద్దరూ కలిసి ఓ ఇంటర్వ్యూలో మాట్లాడారు. ఈ సందర్భంగా వార్ 2 మూవీ ప్రస్తావన వచ్చింది. అప్పుడు నాగ వంశీ స్పందించిన తీరు ప్రత్యేకంగా చెప్పుకోవాలి. ఈ వార్ 2 ప్రీరిలీజ్ ఈవెంట్ హైదరాబాద్ లో జరిగిన సందర్భంగా తాను మరీ ఎక్కువ ఎగ్జైట్ అయిపోయి చెప్పిన మాటలను కూడా అతడు గుర్తు చేసుకున్నాడు.

కొంచెం ఎగ్జైట్ అయ్యా నేను అని నాగ వంశీ అనగానే.. బాగా అయ్యావ్.. ఒకరకంగా వార్నింగ్ ఇచ్చినట్లుగా ఉంది అని రవితేజ అనడం విశేషం. నా కొడకల్లారా రాకపోతే చెప్తా మీ పని అని కూడా రవితేజ అన్నాడు. అప్పుడు నాగ వంశీ నవ్వుతూ తాము తప్పు చేసినట్లు అంగీకరించాడు.

ఆయనను నమ్మి మోసపోయాం

ఈ సందర్భంగా నాగ వంశీ మాట్లాడుతూ.. “తప్పులు చేయకుండా ఉండం కదా.. తప్పు జరిగింది ఏం చేద్దాం.. నేనైనా, ఎన్టీఆర్ అయినా ఆదిత్య చోప్రా అనే పెద్ద మనిషిని నమ్మాము.. అందరూ తప్పులు చేస్తారు కదా.. వాళ్లసైడు తప్పు జరిగింది.. మనం దొరికామంతే ఏం చేస్తాం.. వాళ్లను నమ్మాం.. ఇండియాలోనే బిగ్గెస్ట్ ప్రొడ్యూసర్ ను నమ్మాం.. మిస్ ఫైర్ అయింది.. ఏసుకున్నారు.. పడ్డాం అంతే.. పోనీలే మనం తీసిన సినిమాతో కాకుండా బయటి వాళ్లు తీసిన సినిమాతో దొరికాం.. హ్యాపీ” అని అన్నాడు.

వార్ 2 మూవీ ఆగస్టు 14న థియేటర్లలో రిలీజైంది. అయితే సుమారు రూ.400 కోట్ల భారీ బడ్జెట్ తో తెరకెక్కిన ఈ సినిమా.. బాక్సాఫీస్ దగ్గర రూ.360 కోట్లు మాత్రమే వసూలు చేసింది. అయాన్ ముఖర్జీ డైరెక్ట్ చేయగా.. హృతిక్ రోషన్, జూనియర్ ఎన్టీఆర్, కియారా అద్వానీ నటించారు. ఈ సినిమా థియేటర్లలో ఫెయిలైనా.. ప్రస్తుతం నెట్‌ఫ్లిక్స్ లో దూసుకెళ్తోంది. రికార్డు వ్యూస్ సాధిస్తోంది.