Netflix Crime Thriller: నెట్ఫ్లిక్స్ క్రైమ్ థ్రిల్లర్ మూవీస్, వెబ్ సిరీస్ లవర్స్ కోసం ఇప్పుడో ఇంట్రెస్టింగ్ మూవీ వస్తోంది. ఈ సినిమా పేరు కర్తవ్య. బాలీవుడ్లో విభిన్నమైన పాత్రలతో మెప్పిస్తున్న సైఫ్ అలీ ఖాన్.. మరోసారి పవర్ఫుల్ పోలీస్ ఆఫీసర్ పాత్రలో ప్రేక్షకులను పలకరించబోతున్నారు. 'భక్షక్' ఫేమ్ పుల్కిత్ దర్శకత్వంలో రూపొందిన ఈ చిత్రం.. ఒక నిజాయితీ గల పోలీస్ ఆఫీసర్ తన కర్తవ్యాన్ని సరిగా నిర్వర్తించడం కోసం ఎలాంటి సవాళ్లను ఎదుర్కొన్నాడు అనే అంశాన్ని ప్రధానంగా చూపిస్తుంది.
కర్తవ్య మూవీ స్టోరీ ఇదీ..
ఈ కర్తవ్య సినిమాలో సైఫ్ అలీ ఖాన్ 'పవన్' అనే పోలీస్ ఆఫీసర్ పాత్రలో నటించారు. తాజాగా మూవీ ట్రైలర్ ను నెట్ఫ్లిక్స్ రిలీజ్ చేసింది. ఇది చాలా ఉత్కంఠగా సాగింది.
తన రక్షణలో ఉన్న ఒక జర్నలిస్టుపై దాడి జరగడంతో పవన్ తీవ్రమైన విమర్శలు ఎదుర్కొంటాడు. పై అధికారుల ఒత్తిడి, మరోవైపు తన తమ్ముడి వల్ల కుటుంబానికి ఎదురయ్యే ముప్పు.. ఈ రెండింటి మధ్య పవన్ ఎలా చిక్కుకున్నాడు? అధికారం, కుట్రలు నిండిన ఈ వ్యవస్థలో తన కర్తవ్యాన్ని ఎలా నెరవేర్చాడు? అనే ఉత్కంఠభరిత అంశాలతో ఈ చిత్రం సాగుతుంది. "ప్రతి నిర్ణయం ఒక సవాలు.. ప్రతి విధి ఒక కర్తవ్యం" అనే సందేశంతో ఈ మూవీ ట్రైలర్ ఇప్పటికే ఆకట్టుకుంటోంది.
కర్తవ్య మూవీ విశేషాలు
ఈ క్రైమ్ థ్రిల్లర్ చిత్రంలో సైఫ్ అలీ ఖాన్తో పాటు రసికా దుగ్గల్, సంజయ్ మిశ్రా, జాకీర్ హుస్సేన్, మనీష్ చౌదరి కీలక పాత్రల్లో నటించారు. ప్రముఖ జర్నలిస్ట్ సౌరభ్ ద్వివేది ఈ సినిమాతో నటుడిగా పరిచయం అవుతుండటం విశేషం. షారుఖ్ ఖాన్ నిర్మాణ సంస్థ రెడ్ చిల్లీస్ ఎంటర్టైన్మెంట్ ఈ చిత్రాన్ని నిర్మించింది. ఈ సినిమాను మే 15 నుంచి స్ట్రీమింగ్ చేయనున్నట్లు నెట్ఫ్లిక్స్ వెల్లడించింది.
గతంలో నెట్ఫ్లిక్స్ ఇండియా తొలి వెబ్ సిరీస్ సేక్రెడ్ గేమ్స్ లోనూ సైఫ్ అలీ ఖాన్ పోలీసు పాత్రలో నటించాడు. ఆ క్రైమ్ థ్రిల్లర్ సిరీస్ కు ఇండియన్ ఆడియెన్స్ నుంచి మంచి రెస్పాన్స్ వచ్చింది. ఇప్పుడు సైఫ్ మళ్లీ పోలీస్ ఆఫీసర్ గా మరో నెట్ఫ్లిక్స్ ఒరిజినల్ క్రైమ్ థ్రిల్లర్ మూవీలో నటించాడు. మరి ఈ కర్తవ్య మూవీ ఎంత వరకూ మెప్పిస్తుందో చూడాలి.
తరచుగా అడిగే ప్రశ్నలు (FAQ)
- 'కర్తవ్య' సినిమా ఎప్పుడు విడుదలవుతుంది?
గతంలో నెట్ఫ్లిక్స్ ఇండియా తొలి వెబ్ సిరీస్ సేక్రెడ్ గేమ్స్ లోనూ సైఫ్ అలీ ఖాన్ పోలీసు పాత్రలో నటించాడు. ఆ క్రైమ్ థ్రిల్లర్ సిరీస్ కు ఇండియన్ ఆడియెన్స్ నుంచి మంచి రెస్పాన్స్ వచ్చింది. ఇప్పుడు సైఫ్ మళ్లీ పోలీస్ ఆఫీసర్ గా మరో నెట్ఫ్లిక్స్ ఒరిజినల్ క్రైమ్ థ్రిల్లర్ మూవీలో నటించాడు. మరి ఈ కర్తవ్య మూవీ ఎంత వరకూ మెప్పిస్తుందో చూడాలి.
తరచుగా అడిగే ప్రశ్నలు (FAQ)
- 'కర్తవ్య' సినిమా ఎప్పుడు విడుదలవుతుంది?
ఈ చిత్రం మే 15, 2026న విడుదల కాబోతోంది.
2. సైఫ్ అలీ ఖాన్ కర్తవ్య సినిమా ఏ ఓటీటీ ప్లాట్ఫామ్లో అందుబాటులో ఉంటుంది?
ఇది నెట్ఫ్లిక్స్ (Netflix) లో మాత్రమే స్ట్రీమింగ్ అవుతుంది.
3. సైఫ్ అలీ ఖాన్ ఈ సినిమాలో ఏ పాత్ర పోషిస్తున్నారు?
ఆయన 'పవన్' అనే పోలీస్ ఆఫీసర్ పాత్రలో కనిపిస్తారు.