నెట్ఫ్లిక్స్లోకి క్రైమ్ థ్రిల్లర్ వెబ్ సిరీస్ మూడో సీజన్.. విలన్గా వస్తున్న స్టార్ హీరోయిన్.. ట్రైలర్ రిలీజ్
నెట్ఫ్లిక్స్ లోకి మరో సూపర్ హిట్ క్రైమ్ థ్రిల్లర్ వెబ్ సిరీస్ మూడో సీజన్ వస్తోంది. ఇందులో బాలీవుడ్ స్టార్ హీరోయినే విలన్ గా నటిస్తుండటం విశేషం. తాజాగా మంగళవారం (నవంబర్ 4) రిలీజైన ట్రైలర్ సిరీస్ పై అంచనాలను పెంచేస్తోంది.
నెట్ఫ్లిక్స్ లో ఇప్పటి వరకూ వచ్చిన ఎన్నో క్రైమ్ థ్రిల్లర్ వెబ్ సిరీస్ లలో ఒకటి ఢిల్లీ క్రైమ్ (Delhi Crime). ఇప్పటికే రెండు సీజన్లు పూర్తయ్యాయి. నిజ జీవిత ఘటనల ఆధారంగా తెరకెక్కుతున్న ఈ సిరీస్ ఇప్పుడు అలాంటిదే మరో కథతో మూడో సీజన్ ను తీసుకొస్తోంది. నవంబర్ 13 నుంచి ఈ కొత్త సీజన్ స్ట్రీమింగ్ కానుంది.
ఢిల్లీ క్రైమ్ సీజన్ 3 ట్రైలర్
ఢిల్లీ క్రైమ్ వెబ్ సిరీస్ మూడో సీజన్ వచ్చేస్తోంది. మంగళవారం (నవంబర్ 4) ఈ సిరీస్ ట్రైలర్ రిలీజ్ చేశారు. ఇందులో ఢిల్లీ డీసీపీ వర్తికా చతుర్వేదిగా సీనియర్ నటి షెఫాలీ షా తిరిగి వస్తోంది. ఇక ఈ కొత్త సీజన్ లో బడీ దీదీ అనే విలన్ పాత్రలో ప్రముఖ బాలీవుడ్ నటి, మహారాణి వెబ్ సిరీస్ ఫేమ్ హుమా ఖురేషీ నటిస్తుండటం విశేషం.
ఈ సిరీస్ ట్రైలర్ ఆసక్తికరంగా సాగింది. అమ్మాయిల అక్రమ రవాణా చుట్టూ తిరిగే కథలా ట్రైలర్ చూస్తే తెలుస్తోంది. ఆ రాకెట్ ను బడీ దీదీ నడిపిస్తుంటుంది. నిజ జీవిత ఘటనల ఆధారంగా ఈ మూడో సీజన్ ను కూడా తెరకెక్కించారు. ఇందులో డీసీపీ వర్తికా చతుర్వేది, ఆమె టీమ్.. బడీ దీదీ విసిరిన సవాలును ఎలా స్వీకరించాన్నది చూడొచ్చు. ఈ కొత్త సీజన్ నవంబర్ 13 నుంచి నెట్ఫ్లిక్స్ లో స్ట్రీమింగ్ కానుంది.
ఢిల్లీ క్రైమ్ వెబ్ సిరీస్ గురించి..
ఢిల్లీ క్రైమ్ వెబ్ సిరీస్ తొలి సీజన్ 2019లో వచ్చింది. రిచీ మెహతా క్రియేట్ చేసి ఈ షోకి అతనితోపాటు తనూజ్ చోప్రా కూడా కలిసి డైరెక్ట్ చేశారు. మొత్తం రెండు సీజన్లలో 12 ఎపిసోడ్లు ఇప్పటికే వచ్చేశాయి. తొలి సీజన్ ఢిల్లీలో జరిగిన నిర్భయ ఘటన, ఆ కేసు విచారణ సాగిన తీరు చుట్టూ తిరిగింది. ఇక రెండో సీజన్ లో కచ్చా బనియన్ గ్యాంగ్ ఢిల్లీ, పరిసర ప్రాంతాల్లో ఇంట్లోని ఒంటరి ముసలివాళ్లనే లక్ష్యంగా చేసుకొని వాళ్లు చేసే దాడులు, కేసు ఎలా పరిష్కారమైందన్నది చూపించారు.
ఇప్పుడు మూడో సీజన్ అమ్మాయిల అక్రమ రవాణా అనే అంశంపై రూపొందింది. గత రెండు సీజన్లు సాగిన తీరు ఈ మూడో సీజన్ పై అంచనాలు పెంచేశాయి. ఇందులో షెఫాలీ షాతోపాటు హుమా ఖురేషీ, రసికా దుగల్, రాజేష్ తైలాంగ్ లాంటి వాళ్లు నటించారు. ఢిల్లీ క్రైమ్ మూడో సీజన్ నవంబర్ 13 నుంచి నెట్ఫ్లిక్స్ లో స్ట్రీమింగ్ కానుంది.
