Netflix Thriller: ఓటీటీ ప్లాట్‌ఫామ్‌లలో రోజురోజుకూ క్రైమ్, మిస్టరీ, సైకలాజికల్ థ్రిల్లర్ వెబ్ సిరీస్‌లకు ఆదరణ పెరుగుతోంది. అయితే కేవలం సాధారణ హత్యల మిస్టరీ మాత్రమే కాకుండా.. దానితో పాటు మూఢనమ్మకాలు, చేతబడులు (Black Magic), తంత్ర-మంత్రాలు, పౌరాణిక నేపథ్యాన్ని మిక్స్ చేసి తెరకెక్కించిన సిరీస్‌లు చాలా అరుదుగా వస్తుంటాయి. సరిగ్గా అదే కోవకు చెందిన గ్రిప్పింగ్ డార్క్ థ్రిల్లర్ 'మండల మర్డర్స్' (Mandala Murders).
బాలీవుడ్ స్టార్ హీరోయిన్ వాణి కపూర్ (Vaani Kapoor) ఓటీటీ అరంగేట్రం చేసిన ఈ వెబ్ సిరీస్ ప్రస్తుతం ప్రముఖ డిజిటల్ హబ్ నెట్‌ఫ్లిక్స్ (Netflix)లో స్ట్రీమింగ్ అవుతోంది. 'మర్దాని 2' ఫేమ్ గోపి పుత్రన్ (Gopi Puthran) దర్శకత్వం వహించిన ఈ 8 ఎపిసోడ్ల సిరీస్ ఆడియెన్స్‌ను స్క్రీన్ ముందు కట్టి పడేస్తోంది. ప్రముఖ నవలా రచయిత మహేంద్ర జఖర్ రాసిన 'ది బుచర్ ఆఫ్ బనారస్' పుస్తకం ఆధారంగా దర్శకుడు ఈ సిరీస్‌ను అత్యంత ఉత్కంఠభరితంగా తెరకెక్కించారు.
1952 నాటి దారుణం.. వర్తమానంలో వరుస హత్యలు
ఈ మండల మర్డర్స్ వెబ్ సిరీస్ కథాంశం ఉత్తర ప్రదేశ్‌లోని 'చరణ్‌దాస్‌పూర్' అనే ఒక ఊహాజనిత పట్టణం నేపథ్యంలో సాగుతుంది. 1952వ సంవత్సరంలో 'ఆయస్తి' అనే ఒక వింత సమూహం.. 'ఆయస్తి యంత్రం', శక్తుల సహాయంతో ఒక మరణించిన వ్యక్తిని తిరిగి బతికించడానికి ప్రయత్నిస్తుంది. ఈ భయంకరమైన చేతబడి అనుష్ఠానాన్ని చూసి భయపడిన గ్రామస్థులు, వారి స్థావరాన్ని తగలేస్తారు.
కట్ చేస్తే.. వర్తమానంలో ఆ పట్టణంలో వరుసగా విచిత్రమైన హత్యలు ప్రారంభమవుతాయి. ప్రతి హత్యలోనూ బాధితుల శరీరాల నుంచి ఏదో ఒక కీలకమైన అవయవాన్ని తీసుకుని, వారి మృతదేహాలపై ఒక ప్రత్యేకమైన 'మండల' (Mandala) గుర్తును వేస్తుంటారు.
ఈ ఘోరమైన కేస్ను ఛేదించడానికి సస్పెండ్ అయిన పోలీస్ ఆఫీసర్ విక్రమ్ సింగ్ (వైభవ్ రాజ్ గుప్తా), డిటెక్టివ్ రియా థామస్ (వాణి కపూర్) రంగంలోకి దిగుతారు. పోలీసు ఇన్వెస్టిగేషన్ ముందుకు సాగుతున్న కొద్దీ బయటపడే నిజాలు ఎవరూ ఊహించని విధంగా ఉంటాయి.
మండల మర్డర్స్ ఎలా ఉందంటే?
{{/usCountry}}ఈ ఘోరమైన కేస్ను ఛేదించడానికి సస్పెండ్ అయిన పోలీస్ ఆఫీసర్ విక్రమ్ సింగ్ (వైభవ్ రాజ్ గుప్తా), డిటెక్టివ్ రియా థామస్ (వాణి కపూర్) రంగంలోకి దిగుతారు. పోలీసు ఇన్వెస్టిగేషన్ ముందుకు సాగుతున్న కొద్దీ బయటపడే నిజాలు ఎవరూ ఊహించని విధంగా ఉంటాయి.
మండల మర్డర్స్ ఎలా ఉందంటే?
{{/usCountry}}2014లో మహేంద్ర జఖర్ రాసిన ప్రసిద్ధ మిస్టరీ నవల 'ది బుచర్ ఆఫ్ బనారస్' (The Butcher of Banaras) ఆధారంగా ఈ సిరీస్‌ను రూపొందించారు. అయితే ఒరిజినల్ నవలలోని వాటికన్, ఎఫ్‌బీఐ (FBI) స్టోరీని పక్కనబెట్టి.. మన భారతీయ తంత్ర-మంత్రాలు, రహస్య ఆచారాల నేపథ్యానికి అనుగుణంగా మేకర్స్ మార్పులు చేశారు.
ఇందులో వైభవ్ రాజ్ గుప్తా, సుర్వీన్ చావ్లా, శ్రియ పిల్‌గాంకర్ కీలక పాత్రల్లో మెరిశారు. ముఖ్యంగా 'రుక్మిణి' పాత్రలో నటించిన శ్రియ కేవలం ఐదు సీన్లలోనే కనిపించినప్పటికీ.. కథను మలుపు తిప్పే ఆత్మలా ఆమె పాత్ర నిలుస్తుంది. ఐఎండీబీ (IMDb) లో 6.5 రేటింగ్ దక్కించుకున్న ఈ 'మండల మర్డర్స్' సిరీస్, థ్రిల్లర్ ప్రేమికులకు పండుగ వారాంతంలో నెట్‌ఫ్లిక్స్‌లో ఒక మంచి చాయిస్. ఈ సిరీస్ తెలుగులోనూ అందుబాటులో ఉంది.