ఓటీటీలోకి ఓ గుజరాతీ సైకలాజికల్ హారర్ థ్రిల్లర్ మూవీ వస్తోంది. ఈ మూవీ పేరు వశ్ లెవర్ 2. థియేటర్లలో విమర్శకులు, ప్రేక్షకుల ప్రశంసలు అందుకున్న ఈ సినిమా ఇప్పుడు నెట్ఫ్లిక్స్ లోకి అడుగుపెట్టడానికి సిద్ధమైంది. ఈ సీక్వెల్ మూవీ రేపటి నుంచే స్ట్రీమింగ్ కానుంది. గుజరాతీ భాషలో రూపొందిన సూపర్ నేచురల్ సైకలాజికల్ హారర్ చిత్రం వశ్ లెవల్ 2 (Vash Level 2). ఇది 2023లో వచ్చిన వశ్ సినిమాకు సీక్వెల్గా 2025లో విడుదలైంది.
వశ్ లెవల్ 2 ఓటీటీ రిలీజ్ డేట్
థియేటర్లలో విడుదలైన తర్వాత విమర్శకులు, ప్రేక్షకుల నుంచి ఈ సినిమాకు మంచి స్పందన లభించింది. జానకి బోడివాలా, హితు కనోడియా, మోనాల్ గజ్జర్, హితేన్ కుమార్ వంటి నటులు ప్రధాన పాత్రల్లో నటించారు. వశ్ లెవల్ 2 ఆగస్టులో థియేటర్లలోకి వచ్చింది. థియేటర్లలో విడుదలైన దాదాపు 2 నెలల తర్వాత ఈ సినిమా ఇప్పుడు ఓటీటీలోకి రావడానికి సిద్ధమవుతోంది.
ఈ సినిమా అక్టోబర్ 22న ఓటీటీలో విడుదల కానుంది. ఈ సినిమా గుజరాతీ, హిందీ భాషల్లో అందుబాటులో ఉంటుంది. ఈ విషయాన్ని మంగళవారం (అక్టోబర్ 21) నెట్ఫ్లిక్స్ వెల్లడించింది. “భయానక పరిస్థితులు ఉన్నాయి. ఈసారి తప్పించుకోవడం కష్టం. వశ్ లెవల్ 2 అక్టోబర్ 22 నుంచి నెట్ఫ్లిక్స్ లో” అనే క్యాప్షన్ తో ట్వీట్ చేసింది. అయితే ఈ వశ్ లెవల్ 2 ఓటీటీ రిలీజ్ కంటే ముందే మీరు వశ్ తొలి భాగాన్ని షేమారూమీ (ShemarooMe)లో చూడొచ్చు.
'వశ్ లెవల్ 2' కథ ఏంటంటే?
వశ్ లెవల్ 2 ఒక హారర్ థ్రిల్లర్ కథాంశంతో వచ్చింది. ఈ కథలో పాత విలన్ ప్రతాప్.. 12 సంవత్సరాల తర్వాత తిరిగి వస్తాడు. అతను అథర్వను తన కుమార్తె ఆర్యను, అలాగే అతను హిప్నోటైజ్ చేసిన కొందరు స్కూల్ బాలికలను కాపాడటానికి మళ్లీ తనలోని చెడుతో పోరాడవలసి వస్తుందని బలవంతం చేస్తాడు.
అథర్వ ఒక అతీంద్రీయమైన చెడు గురించి తెలుసుకుంటాడు. ఈ చెడును ఎప్పుడూ పూర్తిగా ఓడించలేమని అతనికి తెలుస్తుంది. తన కుమార్తెను, సమాజాన్ని రక్షించడానికి అతను మళ్లీ పోరాడటానికి సిద్ధమవుతాడు. కొందరు బాలికలు తమను ఒక వింత అంకుల్ ప్రతాప్ను కనుగొనమని అడిగాడని చెప్తారు. దాంతో ఇది ప్రతాప్ తిరిగి రావడమా లేదా అతనితో ముడిపడి ఉన్న కొత్త ప్రమాదమా అని అథర్వ గ్రహిస్తాడు.
{{/usCountry}}అథర్వ ఒక అతీంద్రీయమైన చెడు గురించి తెలుసుకుంటాడు. ఈ చెడును ఎప్పుడూ పూర్తిగా ఓడించలేమని అతనికి తెలుస్తుంది. తన కుమార్తెను, సమాజాన్ని రక్షించడానికి అతను మళ్లీ పోరాడటానికి సిద్ధమవుతాడు. కొందరు బాలికలు తమను ఒక వింత అంకుల్ ప్రతాప్ను కనుగొనమని అడిగాడని చెప్తారు. దాంతో ఇది ప్రతాప్ తిరిగి రావడమా లేదా అతనితో ముడిపడి ఉన్న కొత్త ప్రమాదమా అని అథర్వ గ్రహిస్తాడు.
{{/usCountry}}క్లైమాక్స్లో అథర్వ ఒక కొత్త గందరగోళాన్ని ఆపడానికి పోరాడుతాడు. ఈ సంఘర్షణ, గతంలో జరిగిన భయానక సంఘటనలతో ముడిపడి ఉంటుంది. నిజానికి హిందీలో వచ్చిన సైతాన్ మూవీ కూడా ఇదే కథతో వచ్చింది. అందులో అజయ్ దేవగన్, మాధవన్ నటించిన విషయం తెలిసిందే.
వశ్ లెవల్ 2లో హితు కనోడియా అథర్వ పాత్ర పోషించగా, విలన్ ప్రతాప్ పాత్రలో హితేన్ కుమార్ తిరిగి వచ్చాడు. అథర్వ కూతురు ఆర్యగా జానకి బోడివాలా, మోనాల్ గజ్జర్, చేతన్ దైయా ముఖ్య పాత్రలు పోషించారు. ఈ చిత్రానికి కృష్ణదేవ్ యాజ్ఞిక్ దర్శకత్వం వహించడంతో పాటు కథను కూడా అందించాడు. 71వ నేషనల్ ఫిల్మ్ అవార్డ్స్లో వశ్ సినిమా బెస్ట్ గుజరాతీ ఫీచర్ ఫిల్మ్ అవార్డును గెలుచుకుంది. అలాగే జానకి బోడివాలా బెస్ట్ యాక్ట్రెస్ ఇన్ ఎ సపోర్టింగ్ రోల్ అవార్డును కూడా గెలుచుకుంది.