E-Paper
OTT Movie: హేళన చేసిన వాళ్లే చప్పట్లు కొట్టేలా.. ఓటీటీలోకి సినిమాగా ఇండియా తొలి మహిళా సుమో రెజ్లర్ స్టోరీ.. ఇక్కడ చూడండి
OTT Movie: ఓటీటీలోకి మరో స్ఫూర్తిదాయక బయోపిక్ స్ట్రీమింగ్ కు రాబోతోంది. దేశంలో తొలి మహిళా సుమో రెజ్లర్ గా ఎదిగిన హేతల్ దవే జీవితం ఆధారంగా తెరకెక్కిన సినిమా.. ఇప్పుడు నేరుగా డిజిటల్ తెరపైనే స్ట్రీమింగ్ కానుంది.
Prefer HTon Google
OTT Movie: మహిళల అందం, శరీర ఆకృతి, బలం గురించి సమాజం నిర్ణయించిన మూస ధోరణులను బద్దలు కొడుతూ, తన శరీరాన్నే అతిపెద్ద శక్తిగా మార్చుకున్న ఒక అసాధారణ భారతీయ మహిళ కథ ఇప్పుడు డిజిటల్ స్క్రీన్‌పైకి వస్తోంది. దేశంలో తొలి ప్రొఫెషనల్ ఫిమేల్ సుమో రెజ్లర్ హేతల్ దవే (Hetal Dave) జీవిత కథ ఆధారంగా తెరకెక్కిన స్పోర్ట్స్ బయోపిక్ 'సుమో దీదీ' (Sumo Didi).
జియో స్టూడియోస్, ఫ్రెష్ లైమ్ ఫిల్మ్స్, MA+TH ఎంటర్టైన్మెంట్ నెట్‌వర్క్స్ సంయుక్తంగా నిర్మించిన ఈ ప్రతిష్టాత్మక సినిమా అఫీషియల్ ట్రైలర్‌ను ప్రముఖ ఓటీటీ సంస్థ జీ5 హిందీ (ZEE5) తాజాగా విడుదల చేసింది.
గూస్‌బంప్స్ తెప్పిస్తున్న సుమో దీదీ ట్రైలర్
దర్శకుడు జయంత్ రోహత్గి అత్యంత ప్రతిష్టాత్మకంగా తెరకెక్కించిన ఈ సినిమాలో యంగ్ నటి శ్రియం భగ్నాని (Shriyam Bhagnani) టైటిల్ రోల్ పోషించగా, చైతన్య శర్మ మరో పవర్‌ఫుల్ క్యారెక్టర్‌లో కనిపించనున్నారు. అక్టోబర్ 23, 2026 నుంచి ఈ మూవీ జీ5 ప్లాట్‌ఫామ్ లో ఎక్స్‌క్లూజివ్‌గా స్ట్రీమింగ్ కానుంది.
సాంప్రదాయ మార్వాడీ కుటుంబంలో జన్మించిన ఒక సాధారణ అమ్మాయి, సమాజం విధించిన ఆంక్షలను ధిక్కరించి అంతర్జాతీయ స్థాయిలో సుమో రెజ్లర్‌గా ఎలా ఎదిగిందనే కాన్సెప్ట్‌తో ఈ ట్రైలర్ కట్ చేశారు. బాడీ షేమింగ్, లింగ వివక్ష, సామాజిక ఒత్తిళ్లను తట్టుకుంటూ హేతల్ దవే చేసిన పోరాటం ప్రతి ఒక్కరితో కన్నీళ్లు పెట్టిస్తుంది. కోల్‌కతాలోని ఇరుకు సందుల నుంచి జపాన్‌లోని ప్రశాంతమైన విలేజ్ లొకేషన్ల వరకు రియలిస్టిక్ లొకేషన్లలో చిత్రీకరించిన సీన్స్ సినిమా రేంజ్‌ను పెంచేశాయి.
ఇప్పటికే టోక్యో ఇంటర్నేషనల్ ఫిల్మ్ ఫెస్టివల్, పామ్ స్ప్రింగ్స్ ఇంటర్నేషనల్ ఫిల్మ్ ఫెస్టివల్ వంటి అంతర్జాతీయ చలనచిత్రోత్సవాల్లో ప్రదర్శితమై ఈ చిత్రం పలు ప్రశంసలు అందుకుంది. జ్యోతి దేశ్‌పాండే, ఆకాష్ చావ్లా, అరుణవ సేన్‌గుప్తా, అమిత్ చంద్ర వంటి ప్రముఖ నిర్మాతలు ఈ ప్రాజెక్ట్‌ను హాలీవుడ్ ప్రమాణాలకు తగ్గకుండా నిర్మించారు.
శ్రియం భగ్నాని మైండ్ బ్లోయింగ్ ట్రాన్స్‌ఫర్మేషన్
హేతల్ దవే పాత్రలో నటించడానికి శ్రియం భగ్నాని ఫిజికల్‌గా, మెంటల్‌గా ఎంతో కష్టపడింది. ఒక సుమో రెజ్లర్ బాడీ లాంగ్వేజ్‌ను, బరువు పెరిగే క్రమంలో వచ్చే ఎమోషనల్ స్ట్రగుల్‌ను ఆమె స్క్రీన్‌పై జీవించేసింది. చైతన్య శర్మ, అనుభా ఫతేపురియా, నితీష్ పాండే, రాఘవ్ ధీర్, మీనల్ కపూర్ తమ నటనతో కథకు ప్రాణం పోశారు.
కేవలం సుమో రెజ్లింగ్ క్రీడ మాత్రమే కాకుండా.. ఒక మహిళ తన శరీరంపై తనకు పూర్తి హక్కు ఉందని, తనపై తనకు ఆత్మవిశ్వాసం ఉంటే ఏ అడ్డంకీ తనను ఆపలేదని చాటిచెప్పే కథ ఇది అని మేకర్స్ స్పష్టం చేశారు. అక్టోబర్ 23 నుంచి జీ5లో రాబోతున్న ఈ స్ఫూర్తిదాయక బయోపిక్ ఓటీటీ ఆడియన్స్‌ను కచ్చితంగా స్ఫూర్తి నింపుతుంది అనడంలో సందేహం లేదు.
