ఈవారం ఒక్కో ఓటీటీలోకి ఒక్కో భాషలో వచ్చిన, వస్తున్న టాప్ మూవీస్ ఇవే.. తెలుగులో ఓజీ, మలయాళంలో ఆ రివేంజ్ థ్రిల్లర్

ఈవారం ఓటీటీలోకి వివిధ భాషల్లో కొత్త సినిమాలు వచ్చాయి. ఇంకా వస్తున్నాయి. వీటిలో తెలుగు, తమిళం, మలయాళం, కన్నడ, హిందీ భాషలకు చెందిన మూవీస్ ఉన్నాయి. వీటిని నెట్‌ఫ్లిక్స్, జియోహాట్‌స్టార్, ప్రైమ్ వీడియోలాంటి ఓటీటీ ప్లాట్‌ఫామ్స్ లో చూడొచ్చు.

ఓటీటీలోకి ప్రతివారంలాగే ఈ వారం కూడా వివిధ భాషల్లో ఇంట్రెస్టింగ్ మూవీస్ రానున్నాయి. కొన్ని ఇప్పటికే స్ట్రీమింగ్ కు వచ్చేశాయి. వీటిలో తెలుగు నుంచి పవన్ కల్యాణ్ నటించిన ఓజీ ఉంది. ఇదే కాకుండా తమిళం, మలయాళం, కన్నడ, హిందీ ఇండస్ట్రీల నుంచి వచ్చే మూవీస్ ఏవో తెలుసుకోండి.

ఈవారం ఒక్కో ఓటీటీలోకి ఒక్కో భాషలో వచ్చిన, వస్తున్న టాప్ మూవీస్ ఇవే.. తెలుగులో ఓజీ, మలయాళంలో ఆ రివేంజ్ థ్రిల్లర్

ఓజీ - నెట్‌ఫ్లిక్స్

పవర్ స్టార్ పవన్ కల్యాణ్ నటించిన మూవీ దే కాల్ హిమ్ ఓజీ గురువారం (అక్టోబర్ 23) నెట్‌ఫ్లిక్స్ లోకి అడుగుపెట్టింది. ఈ సినిమా తెలుగు సహా ఐదు భాషల్లో స్ట్రీమింగ్ అవుతోంది. పవన్ కెరీర్లోనే అత్యధిక వసూళ్లు సాధించిన ఈ సినిమాపై ఓటీటీలోనూ భారీ అంచనాలు ఉన్నాయి.

భద్రకాళి - జియోహాట్‌స్టార్

విజయ్ ఆంటోనీ నటించిన తమిళ మూవీ శక్తి తిరుమగన్ శుక్రవారం (అక్టోబర్ 24) జియోహాట్‌స్టార్ లోకి అడుగుపెట్టనుంది. ఈ మూవీ తెలుగులో భద్రకాళిగా రిలీజైన విషయం తెలిసిందే. ఇదొక పొలిటికల్ థ్రిల్లర్ మూవీ. థియేటర్లలో ఓ మోస్తరు రెస్పాన్స్ వచ్చింది.

నడికర్ - లయన్స్‌గేట్ ప్లే

మలయాళం స్టార్ హీరో టొవినో థామస్ నటించిన నడికర్ మూవీ కూడా శుక్రవారమే (అక్టోబర్ 24) లయన్స్‌గేట్ ప్లే ఓటీటీలోకి స్ట్రీమింగ్ కు రానుంది. ఈ ఏడాది జులైలో రిలీజైన ఈ మూవీ.. సుమారు మూడు నెలల తర్వాత వస్తోంది.

చట్టులి - మనోరమ మ్యాక్స్

మలయాళం రివేంజ్ థ్రిల్లర్ మూవీ చట్టులి ఇప్పటికే మనోరమ మ్యాక్స్ లోకి అడుగుపెట్టింది. సోమవారం (అక్టోబర్ 20) దీపావళి సందర్భంగా ఈ మూవీ స్ట్రీమింగ్ మొదలైంది. కేవలం మలయాళం ఆడియోతోనే అందుబాటులో ఉంది.

జంబో సర్కస్ - సన్ నెక్ట్స్ ఓటీటీ

కన్నడ మూవీ జంబో సర్కస్ శుకవ్రారం సన్ నెక్ట్స్ ఓటీటీలోకి వస్తోంది. ఇద్దరు బెస్ట్ ఫ్రెండ్స్ భార్యల మధ్య జరిగే ఫైట్ చుట్టూ తిరిగే కామెడీ మూవీ ఇది. ఎండీ శ్రీధర్ ఈ సినిమాను డైరెక్ట్ చేశాడు.

పరమ్ సుందరి - ప్రైమ్ వీడియో

జాన్వీ కపూర్, సిద్ధార్థ్ మల్హోత్రా నటించిన హిందీ మూవీ పరమ్ సుందరి. ఇప్పటికే ప్రైమ్ వీడియోలో రెంట్ విధానంలో స్ట్రీమింగ్ అవుతుండగా.. శుక్రవారం (అక్టోబర్ 24) నుంచి ఫ్రీ స్ట్రీమింగ్ కానుంది.