OTT Telugu: ఓటీటీలోకి మహేష్ బాబు అన్న కొడుకు మూవీ.. మూడు వారాల్లోనే శ్రీనివాస మంగాపురం డిజిటల్ ప్రీమియర్

OTT Telugu: తెలుగు మూవీ శ్రీనివాస్ మంగాపురం మూడు వారాల్లోనే ఓటీటీలోకి అడుగుపెడుతోంది. జులై 30న థియేటర్లలో రిలీజైన ఈ మూవీ.. ఆగస్ట్ 20 నుంచి అమెజాన్ ప్రైమ్ వీడియోలో ఐదు భాషల్లో స్ట్రీమింగ్ కానుండటం విశేషం.

OTT Telugu: సూపర్ స్టార్ మహేష్ బాబు అన్న, దివంగత రమేష్ బాబు తనయుడు జయకృష్ణ ఘట్టమనేని హీరోగా ఎంట్రీ ఇచ్చిన ఇంటెన్స్ యాక్షన్ లవ్ డ్రామా ‘శ్రీనివాస మంగాపురం’ డిజిటల్ స్ట్రీమింగ్‌కు రెడీ అయిపోయింది. థియేట్రికల్ రన్‌లో ఆశించిన స్థాయి ఫలితం సాధించలేకపోయిన ఈ మూవీ.. ఇప్పుడు ప్రముఖ ఓటీటీ ప్లాట్‌ఫామ్ అమెజాన్ ప్రైమ్ వీడియోలో గురువారం అంటే ఆగస్ట్ 20 నుంచి స్ట్రీమింగ్ కాబోతోంది.

మూడు వారాల్లోనే ఓటీటీలోకి..

OTT Telugu: ఓటీటీలోకి మహేష్ బాబు అన్న కొడుకు మూవీ.. మూడు వారాల్లోనే శ్రీనివాస మంగాపురం డిజిటల్ ప్రీమియర్

బాలీవుడ్ సీనియర్ నటి రవీనా టాండన్ కూతురు రాషా తడాని ఈ శ్రీనివాస మంగాపురం సినిమా ద్వారానే టాలీవుడ్ ఎంట్రీ ఇచ్చింది. భారీ అంచనాల మధ్య థియేటర్లలోకి వచ్చిన ఈ ప్రాజెక్ట్ బాక్సాఫీస్ వద్ద డిజప్పాయింట్ చేయడంతో, ఆ ఫలితానికి పూర్తి బాధ్యత తనదేనంటూ డైరెక్టర్ అజయ్ భూపతి ఓపెన్‌గా స్టేట్‌మెంట్ ఇచ్చారు.

జులై 30న థియేటర్లలో రిలీజైన ఈ మూవీ.. కేవలం మూడు వారాల్లోనే డిజిటల్ ప్రీమియర్ కానుండటం విశేషం. అది కూడా ఐదు భాషల్లో స్ట్రీమింగ్ చేయబోతున్నారు.

“ఈ సీజన్ లో అత్యంత ఘాటైన లవ్ స్టోరీ ఇంట్లోకి వచ్చేస్తోంది.. శ్రీనివాస్ మంగాపురం ప్రైమ్ వీడియోలో రేపు ఆగస్ట్ 20 నుంచి స్ట్రీమింగ్ కానుంది” అనే క్యాప్షన్ తో వైజయంతీ మూవీస్ ట్వీట్ చేసింది.

ఘట్టమనేని వారసుడి డెబ్యూ.. అజయ్ భూపతి మార్క్ లవ్ స్టోరీ

‘ఆర్‌ఎక్స్ 100’, ‘మంగళవారం’ లాంటి రా అండ్ ఇంటెన్స్ థ్రిల్లర్స్ తెరకెక్కించిన అజయ్ భూపతి ఈ సినిమాను పూర్తిస్థాయి డిఫరెంట్ లవ్‌స్టోరీగా తీర్చిదిద్దారు. ఘట్టమనేని ఫ్యామిలీ నుంచి డెబ్యూ ఇచ్చిన జయకృష్ణ తన మొదటి సినిమాలోనే మాస్ అండ్ ఎమోషనల్ పర్‌ఫార్మెన్స్‌తో ఆకట్టుకునే ప్రయత్నం చేశారు.

‘శ్రీనివాస మంగాపురం’ సినిమాను అమెజాన్ ప్రైమ్ వీడియో ఒకేసారి వివిధ భాషల్లో డిజిటల్ ఆడియెన్స్ ముందుకు తీసొస్తోంది. తెలుగుతో పాటు తమిళం, కన్నడ, మలయాళం, హిందీ భాషల్లో స్ట్రీమింగ్ చేయనున్నట్లు ప్రైమ్ వీడియో అధికారికంగా వెల్లడించింది.

వైజయంతీ మూవీస్ అధినేత అశ్విని దత్ సమర్పణలో ప్రొడ్యూసర్ పి. కిరణ్ ఈ చిత్రాన్ని గ్రాండ్‌గా నిర్మించారు. సీనియర్ నటుడు కలెక్షన్ కింగ్ మోహన్ బాబు, కిక్ శ్యామ్, వాసుకి, బ్రహ్మాజీ వంటి స్టార్ కాస్టింగ్ ఈ సినిమాలో కీలక పాత్రల్లో నటించడం విశేషం.

జివి ప్రకాష్ కుమార్ అందించిన బ్యాక్‌గ్రౌండ్ స్కోర్, మెలోడీ పాటలు సినిమాకు ప్లస్ పాయింట్‌గా నిలిచాయి. థియేటర్లలో మిస్ అయిన ఫ్యామిలీ ఆడియెన్స్ ఇప్పుడు ఇంటి వద్దే ప్రైమ్ వీడియోలో ఈ లవ్ డ్రామాను ఎక్స్‌పీరియన్స్ చేయవచ్చు.