OTT Independence Day Movies: ఓటీటీలో ఈ ఇండిపెండెన్స్ డేకి మిస్ కాకుండా చూడాల్సిన టాప్ 5 రియల్ లైఫ్ హీరోల సినిమాలు ఇవే

OTT Independence Day Movies: ఇండిపెండెన్స్ డే వచ్చేస్తోంది. ఆ రోజు ఓటీటీలో మిస్ కాకుండా చూడాల్సిన రియల్ లైఫ్ హీరోల మూవీస్ 5 ఉన్నాయి. ప్రైమ్ వీడియో, నెట్‌ఫ్లిక్స్ ఓటీటీల్లో అందుబాటులో ఉన్న ఆ సినిమాలను ఈ వీకెండ్ చూసేయండి.

OTT Independence Day Movies: ఈ ఆగస్టు 15 ఇండిపెండెన్స్ డే సందర్భంగా దేశభక్తిని నరనరాల్లో నింపే 5 యథార్థ జీవిత కథల ఆధారంగా తెరకెక్కిన చిత్రాలు ఓటీటీల్లో అలరిస్తున్నాయి. మన మాతృభూమి రక్షణ కోసం ప్రాణాలను పణంగా పెట్టిన రియల్ హీరోల త్యాగాలను కళ్లముందు ఉంచే ఈ బయోపిక్స్ ప్రతి ఒక్కరినీ కంటతడి పెట్టిస్తాయి. ఈ స్వాతంత్య్ర దినోత్సవం రోజున కుటుంబంతో కలిసి చూడాల్సిన ఆ టాప్ 5 రియల్ లైఫ్ మూవీస్ వివరాలు ఇప్పుడు చూద్దాం.

OTT Independence Day Movies: ఓటీటీలో ఈ ఇండిపెండెన్స్ డేకి మిస్ కాకుండా చూడాల్సిన టాప్ 5 రియల్ లైఫ్ హీరోల సినిమాలు ఇవే

1. 'షేర్షా' (Shershaah) - ప్రైమ్ వీడియో

1999 కార్గిల్ యుద్ధంలో శత్రుమూకలను చీల్చిచెండాడి అమరుడైన పరమ్ వీర్ చక్ర గ్రహీత కెప్టెన్ విక్రమ్ బత్రా నిజజీవిత కథ ఆధారంగా తెరకెక్కిన చిత్రం 'షేర్షా'. సిద్ధార్థ్ మల్హోత్రా, కియారా అద్వానీ జంటగా నటించిన ఈ సినిమా ప్రేక్షకులను తీవ్ర భావోద్వేగానికి గురిచేస్తుంది.

2021లో కరోనా పరిస్థితుల వల్ల నేరుగా అమెజాన్ ప్రైమ్ వీడియో (Amazon Prime Video) లో విడుదలైన ఈ మూవీ సంచలన విజయం సాధించింది. ఐఎమ్‌డీబీ (IMDb) లో 8.3 రేటింగ్‌తో నిలిచిన ఈ సినిమాలోని "దిల్ మాంగే మోర్" డైలాగ్, యుద్ధ సన్నివేశాలు ప్రతీ ఒక్కరిలో దేశభక్తిని రగిలిస్తాయి.

2. 'ఇక్కీస్' (Ikkis) - ప్రైమ్ వీడియో

1971 ఇండో-పాక్ యుద్ధంలో కేవలం 21 ఏళ్ల చిన్న వయసులోనే అసామాన్య ధైర్యసాహసాలు ప్రదర్శించి అమరుడైన పరమ్ వీర్ చక్ర లెఫ్టినెంట్ అరుణ్ ఖేతర్‌పాల్ జీవిత చరిత్ర ఆధారంగా 'ఇక్కీస్' సినిమా రూపుదిద్దుకుంది. ప్రముఖ దర్శకుడు శ్రీరామ్ రాఘవన్ దర్శకత్వంలో వచ్చిన ఈ చిత్రంలో అగస్త్య నంద హీరోగా నటించారు.

ఈ సినిమా థియేటర్ల వద్ద ఆశించిన స్థాయిలో వసూళ్లు రాబట్టలేకపోయినా, ఒక యువ సైనికుడి త్యాగాన్ని ఆవిష్కరించిన తీరు సినీ ప్రియుల మనసులను గెలుచుకుంది. ఈ చిత్రానికి ఐఎండీబీలో 6.1 రేటింగ్ ఉంది. ప్రైమ్ వీడియోలో చూడొచ్చు.

3. 'సర్దార్ ఉధమ్' (Sardar Udham) - ప్రైమ్ వీడియో

జలియన్ వాలాబాగ్ మారణకాండకు ప్రతీకారం తీర్చుకునేందుకు లండన్ వెళ్లేంత వరకు ఒక స్వాతంత్య్ర సమరయోధుడు పడిన తపనను కళ్లకు కట్టినట్లు చూపించిన చిత్రం 'సర్దార్ ఉధమ్'. మైఖేల్ ఓ డయ్యార్ ను పగబట్టి కాల్చిచంపిన ఉధమ్ సింగ్ పాత్రలో విక్కీ కౌశల్ జీవించేశారు.

దర్శకుడు షూజిత్ సర్కార్ తెరకెక్కించిన ఈ క్లాసిక్ బయోపిక్ అమెజాన్ ప్రైమ్ వీడియోలో అందుబాటులో ఉంది. ఐఎమ్‌డీబీలో 8.3 రేటింగ్ సాధించిన ఈ చిత్రం, ఇండియన్ సినిమా హిస్టరీలోనే వన్ ఆఫ్ ది బెస్ట్ పేట్రియాటిక్ మూవీగా నిలిచింది.

4. 'రాజీ' (Raazi) - నెట్‌ఫ్లిక్స్

రచయిత హరిందర్ సిక్కా రాసిన 'కాలింగ్ సెహమత్' నవల ఆధారంగా దర్శకురాలు మేఘ్నా గుల్జార్ తెరకెక్కించిన అద్భుత దృశ్యకావ్యం 'రాజీ'. 1971 భారత్-పాకిస్తాన్ యుద్ధ సమయంలో దేశం కోసం తన జీవితాన్ని త్యాగం చేస్తూ, పాకిస్తానీ మిలిటరీ ఆఫీసర్ కుటుంబాన్ని పెళ్లి చేసుకుని వెళ్లిన ఒక కశ్మీరీ నిగూఢ గూఢచారి సెహమత్ నిజమైన కథ ఇది.

అలియా భట్ టైటిల్ రోల్‌లో నటించిన ఈ సినిమా బాక్సాఫీస్ దగ్గర రూ. 200 కోట్లకు పైగా వసూళ్లు సాధించింది. ఐఎమ్‌డీబీలో 7.7 రేటింగ్‌తో నిలిచిన ఈ సినిమా ప్రతీ భారతీయుడి గుండెను తాకుతుంది. నెట్‌ఫ్లిక్స్ లో చూడొచ్చు.

5. 'నీర్జా' (Neerja) - ప్రైమ్ వీడియో, జియోహాట్‌స్టార్

1986లో పాన్ ఆమ్ ఫ్లైట్ 73 హైజాక్ అయినప్పుడు తన ప్రాణాలను పణంగా పెట్టి వందలాది మంది ప్రయాణికులను కాపాడిన ధైర్యవంతురాలైన ఫ్లైట్ అటెండెంట్ నీర్జా భానోత్ నిజ జీవిత సంఘటన ఆధారంగా ఈ సినిమా రూపొందింది. రామ్ మాధ్వాని దర్శకత్వంలో వచ్చిన ఈ చిత్రంలో సోనమ్ కపూర్ టైటిల్ పాత్ర పోషించారు.

ఉగ్రవాదుల తుపాకీ గుళ్లకు ఎదురొడ్డి ప్రయాణికులను కాపాడిన నీర్జా త్యాగం అందరినీ కంటితడి పెట్టిస్తుంది. అత్యున్నత పౌర పురస్కారం అశోక చక్ర అందుకున్న పిన్న వయస్కురాలిగా నీర్జా చరిత్ర సృష్టించింది. ఈ సినిమాకు ఐఎమ్‌డీబీలో 7.6 రేటింగ్ ఉంది.