Podarillu Serial Today Episode: స్టార్ మా సీరియల్ పొదరిల్లు ఈరోజు ఎపిసోడ్ చాలా ఆసక్తికరంగా సాగింది. కన్నా తల్లిని తాను చూశానని చక్రికి మహా చెప్పడం, ఇద్దరూ కలిసి నారాయణను నిలదీయడం, అతడు బుకాయించడంలాంటి సీన్లతో సాగిపోయింది. మరోవైపు మాధవ కింద పడి కాలికి గాయం చేసుకుంటాడు. అతనికి మనీషా సేవలు చేస్తుంది.
కారులో చక్రి, మహా లాంగ్ డ్రైవ్..
కారులో చక్రి, మహా లాంగ్ డ్రైవ్ కు వెళ్లే సీన్ తో సీరియల్ సోమవారం (అక్టోబర్ 5) ఎపిసోడ్ మొదలవుతుంది. గాల్లో తేలినట్లుందే అంటూ చక్రి పాట పాడతాడు. మహా సీరియస్ గా చూస్తుంది. శృతి బాలేదా అని అడిగితే శృతి ఎవరు అని నిలదీస్తుంది. శృతి అంటే అమ్మాయి కాదు.. తాను పాడిన ట్యూన్ అని చక్రి అంటాడు. దీంతో గోపిక విషయంలో మరోసారి చక్రికి క్లాస్ పీకుతుంది. కాసేపటికి రోడ్డు పక్కనే కారు ఆపమంటుంది మహా.
కన్నా తల్లి గురించి చెప్పిన మహా
ఆ తర్వాత కన్నా గాడి తల్లిని తాను చూశానని మహా చెప్పడంతో చక్రి షాక్ తింటాడు. రెండు నెలల కింద ఒకసారి, గోపిక దగ్గరికి వెళ్లి వస్తుంటే మరోసారి చూసినట్లు చెబుతుంది. కన్నాకు ఈ విషయం చెప్పలేదని, గతంలో తన తల్లి గురించి చెప్పినప్పుడు ఎలా రియాక్ట్ అయ్యాడో తెలుసు కదా అని అంటుంది. ఆమె ఇక్కడే ఎక్కడో ఉంటుందని, ఆమె జాడ కనిపెట్టి కన్నా దగ్గరికి తీసుకెళ్తే వాడు సర్‌ప్రైజ్ అవుతాడని ఇద్దరూ అనుకుంటారు. తాను తన ఫ్రెండ్స్ సాయంతో ఆమె జాడ కనిపెడతానని చక్రి అంటాడు.
నారాయణను నిలదీసిన మహా, చక్రి.. కన్నా తల్లిని తీసుకొస్తానని..
ఆ తర్వాత ఇద్దరూ కలిసి ఇంటికి వెళ్లి బయటే కూర్చున్న నారాయణను నిలదీస్తారు. తాను కన్నా గాడి తల్లిని చూశానని, ఆమె ఎక్కడుందని మహా అడగడంతో నారాయణ షాక్ తింటాడు. అసలు మీ రెండో భార్యను ఏం చేశారని ఆమె నిలదీస్తుంది. దీంతో నారాయణ బుకాయిస్తాడు. ఆమె ఇంకా బతికే ఉందా.. అయినా ఆ విషయాలు అనవసరం.. గతాన్ని తవ్వితే మనుషులు దొరకరు.. అస్తికలు దొరుకుతాయని అంటాడు. ఆమె ఎక్కడుందో చెబితే ఈ ఇంటికి తీసుకొస్తానని మహా అంటుంది.
{{/usCountry}}ఆ తర్వాత ఇద్దరూ కలిసి ఇంటికి వెళ్లి బయటే కూర్చున్న నారాయణను నిలదీస్తారు. తాను కన్నా గాడి తల్లిని చూశానని, ఆమె ఎక్కడుందని మహా అడగడంతో నారాయణ షాక్ తింటాడు. అసలు మీ రెండో భార్యను ఏం చేశారని ఆమె నిలదీస్తుంది. దీంతో నారాయణ బుకాయిస్తాడు. ఆమె ఇంకా బతికే ఉందా.. అయినా ఆ విషయాలు అనవసరం.. గతాన్ని తవ్వితే మనుషులు దొరకరు.. అస్తికలు దొరుకుతాయని అంటాడు. ఆమె ఎక్కడుందో చెబితే ఈ ఇంటికి తీసుకొస్తానని మహా అంటుంది.
{{/usCountry}}నువ్వు ఉన్నావు కదా.. ఆమె ఎందుకు అవసరం లేదు.. అయినా ఆ విషయం గురించి తెలుసుకోకపోవడమే మంచిది అని నారాయణ గట్టిగా చెబుతాడు. ఈసారి చక్రి వినడు. మా అమ్మను చంపావంటున్నారు.. కన్నా గాడి తల్లిని పంపించేశావన్నారు.. అసలు నిజమేంటని అడుగుతాడు. అయినా నారాయణ చెప్పడు. సరే నేనే ఆమెను కనిపెట్టి ఇంటికి తీసుకొస్తానని మహాలక్ష్మి తేల్చి చెబుతుంది. ఇద్దరూ లోనికి వెళ్తుంటే నారాయణలో కంగారు మొదలవుతుంది.
మాధవతో ఆడుకున్న తమ్ముళ్లు
ఆ తర్వాత రాత్రికి అందరూ ఫోన్లు చూస్తూ ఉంటే.. మాధవ వచ్చి తిడతాడు. పడుకోండని వార్నింగ్ ఇవ్వడంతో తమ్ముళ్లందరూ భయపడి పడుకుంటారు. తర్వాత మాధవ తన ఫోన్లో మనీషా ఫొటో చూసి మురిసిపోయి పడుకుంటాడు. వెంటనే ఆమె నుంచి ఫోన్ రావడంతో అందరూ లేచి చూస్తారు. అన్నయ్యతో ఆడుకుంటారు.
క్యా జీ.. ఫోన్ లిఫ్ట్ చేయ్ జీ.. నిద్ర నహీ ఆరా జీ.. అంటూ వెటకారంగా అంటారు. దీంతో మాధవ వాళ్లను మరోసారి తిడతాడు. కిచెన్ లోకి వెళ్లి వచ్చీ రాని హిందీలో రేపు ఉదయం కాల్ చేస్తానని మనీషాకు చెప్పి ఫోన్ పెట్టేస్తాడు. ఆ తర్వాత ముగ్గురు తమ్ముళ్లు కిచెన్ లోకి వెళ్లి ఆట పట్టిస్తారు. అతడు వెంట పడి కొట్టడంతో అందరూ పడుకుంటారు.
కిందపడిన మాధవ.. కాలికి గాయం
తర్వాత మాధవకు ఫోన్ రావడంతో పరుగెత్తుకుంటూ వస్తాడు. ఈ క్రమంలో చక్రి కాలు తగిలి కింద పడిపోతాడు. దీంతో అతనికి కాలు బెణుకుతుంది. నొప్పితో మాధవ విలవిల్లాడుతుంటే.. మహాతోపాటు అందరూ అతనికి దగ్గరికి వస్తారు. నారాయణ కూడా వచ్చి చూస్తాడు.
హాస్పిటల్ కు వెళ్దామని మహా అంటే.. ఈ మాత్రం దానికి అవసరం లేదు.. తానే నూనెతో మసాజ్ చేస్తానని నారాయణ అంటాడు. మాధవ నొప్పితో విలవిల్లాడుతున్నా మసాజ్ చేస్తూనే ఉంటాడు. చక్రి, కేశవ తిట్టడంతో సరే మీ ఇష్టం అని మధ్యలోనే వదిలేసి వెళ్తాడు. మరుసటి రోజు ఉదయం పెద్ది పని కోసం వెళ్లడానికి రెడీ అయితే మహా, చక్రి అడ్డుకుంటారు.
విలవిల్లాడిపోయిన మనీషా
గాయం పూర్తి మానే వరకు వద్దని వారిస్తారు. దీంతో బన్సీకి ఫోన్ చేసి జరిగిన విషయం చెప్పి పనికి రావడం లేదని మాధవ చెబుతాడు. బన్సీ సరే అంటాడు. మాధవ కాలికి గాయమైనట్లు బన్సీ చెప్పడంతో మనీషా విలవిల్లాడిపోతుంది. నూనె తీసుకొని తాను ఆయన దగ్గరికి వెళ్లి వస్తానని అంటుంది.
కన్నా తల్లి జాడ కనిపెట్టిన చక్రి
ఇటు మాధవకు గాయం కావడంతో అతన్ని వంటింట్లోకి రాకుండా మహా, కన్నా, కేశవ వంట చేస్తుంటారు. చక్రి వచ్చి తాను కూడా చేస్తానంటే అంట్లు తోమమంటారు. అప్పుడే చక్రికి ఫోన్ వస్తుంది. అతడు బయటకు వెళ్లి మాట్లాడి వచ్చి.. కన్నా తల్లి జాడ తెలిసిందని మహా చెవిలో చెబుతాడు. అది విని కన్నా షాక్ అవుతాడు. అక్కడితో పొదరిల్లు సీరియల్ ఈరోజు ఎపిసోడ్ ముగుస్తుంది.