Prabhas The Raja Saab: పాన్ ఇండియా రెబల్ స్టార్ ప్రభాస్ (Prabhas) హీరోగా టాలెంటెడ్ డైరెక్టర్ మారుతి (Maruthi) దర్శకత్వంలో తెరకెక్కిన హారర్ కామెడీ రొమాంటిక్ ఎంటర్‌టైనర్ 'ది రాజా సాబ్' (The Raja Saab) బాక్సాఫీస్ వద్ద ఆశించిన స్థాయిలో సక్సెస్ సాధించని సంగతి తెలిసిందే. భారీ అంచనాల మధ్య సుమారు రూ. 400 కోట్ల బడ్జెట్‌తో తెరకెక్కిన ఈ చిత్రం ప్రపంచవ్యాప్తంగా దాదాపు రూ. 208 కోట్ల గ్రాస్ వసూళ్లతో సరిపెట్టుకోవాల్సి వచ్చింది.
తాజాగా పీపుల్ మీడియా ఫ్యాక్టరీ అధినేత, ప్రముఖ నిర్మాత టీజీ విశ్వప్రసాద్ (TG Vishwa Prasad) హైదరాబాద్‌లో జరిగిన 'గరివిడి లక్ష్మి' ప్రమోషన్స్ సందర్భంగా మీడియా సమావేశంలో రాజాసాబ్ ఫలితంపై తొలిసారిగా ఓపెన్‌గా మాట్లాడారు. సినిమా డిజాస్టర్ కావడానికి ప్రధాన కారణాలు ఇవేనంటూ ఆయన కొన్ని కీలక విషయాలను పంచుకున్నారు.
సంక్రాంతి సీజన్‌లో రిలీజ్ చేయడమే పెద్ద తప్పు
ప్రభాస్ రాజాసాబ్ ఫ్లాప్ గురించి ప్రస్తావించగా నిర్మాత విశ్వప్రసాద్ చాలా కూల్‌గా స్పందించారు. "మేము ఇప్పుడు చాలా మంచి మూడ్‌లో ఉన్నాం. రాజాసాబ్ గురించి మాట్లాడితే నా మూడ్ ఏమీ పోదు. మేము చేసిన ప్రాథమిక తప్పుల్లో అసలు సిసలైనది ఆ సినిమాను సంక్రాంతి సీజన్‌లో విడుదల చేయడమే. ఒకవేళ వేరే టైమ్‌లో రిలీజ్ చేసి ఉంటే రిజల్ట్ వేరేలా ఉండేది" అని ఆయన అభిప్రాయపడ్డారు.
అంతేకాకుండా కేవలం రిలీజ్ డేట్ మాత్రమే కాకుండా, ఆ సమయంలో తలెత్తిన ఇతర కారణాలు కూడా సినిమా రిజల్ట్‌ను దెబ్బతీశాయని ఆయన అంగీకరించారు. సినిమా విడుదల రోజున ప్రీమియర్లు ఆలస్యం కావడం, అదే సమయంలో టికెట్ ధరలను పెంచడానికి ప్రయత్నించడం ప్రేక్షకుల్లో కొంత అసంతృప్తిని నింపిందని తెలిపారు.
తమ ప్రొడక్షన్ హౌస్ చరిత్రలో టికెట్ రేట్లు పెంచడానికి ప్రయత్నించిన మొదటి సినిమా ఇదేనని, ఆ తప్పు తాము చేసి ఉండకూడదని ఆయన అన్నారు. ఆ టెక్నికల్ ఆలస్యాల వల్ల జనం విసిగిపోయారని, అలా రకరకాల కారణాల వల్ల సినిమా దెబ్బతిందని క్లారిటీ ఇచ్చారు.
సందీప్ రెడ్డి వంగా 'స్పిరిట్'పై అప్డేట్
{{/usCountry}}తమ ప్రొడక్షన్ హౌస్ చరిత్రలో టికెట్ రేట్లు పెంచడానికి ప్రయత్నించిన మొదటి సినిమా ఇదేనని, ఆ తప్పు తాము చేసి ఉండకూడదని ఆయన అన్నారు. ఆ టెక్నికల్ ఆలస్యాల వల్ల జనం విసిగిపోయారని, అలా రకరకాల కారణాల వల్ల సినిమా దెబ్బతిందని క్లారిటీ ఇచ్చారు.
సందీప్ రెడ్డి వంగా 'స్పిరిట్'పై అప్డేట్
{{/usCountry}}ప్రభాస్ ఫ్యాన్స్‌ను రాజాసాబ్ నిరాశపరిచిందని, త్వరలో సందీప్ రెడ్డి వంగా దర్శకత్వంలో రాబోతున్న 'స్పిరిట్' (Spirit) సినిమాతో ఆ లోటును భర్తీ చేస్తారా అని రిపోర్టర్ ప్రశ్నించగా.. తాను కేవలం ఆ సినిమాకు డిస్ట్రిబ్యూటర్‌గా మాత్రమే వ్యవహరిస్తున్నానని విశ్వప్రసాద్ స్పష్టం చేశారు. 2027లో విడుదల కానున్న ఈ భారీ యాక్షన్ చిత్రానికి సంబంధించి తెలుగు వెర్షన్ డిస్ట్రిబ్యూషన్ రైట్స్ తమ వద్దే ఉన్నాయని తెలిపారు.
భారీ హంగులతో, సరికొత్త కథతో రాబోతున్న 'స్పిరిట్' సినిమాపై భారీ అంచనాలు ఉన్నాయని, ప్రభాస్-సందీప్ కాంబినేషన్ బాక్సాఫీస్ వద్ద సరికొత్త రికార్డులు క్రియేట్ చేస్తుందని ఆయన ధీమా వ్యక్తం చేశారు. సంక్రాంతి సెంటిమెంట్ బెడిసికొట్టి రాజాసాబ్ నిరాశపరిచినా, రాబోయే ప్రాజెక్ట్‌లతో ఆడియన్స్‌ను అలరిస్తామని మేకర్స్ భావిస్తున్నారు.