Madhavan: నా వంటమనిషి జీతమెంతో చెప్పి నా కొడుకుని పెంచా.. అందరినీ గౌరవించాల్సిందే.. కృతజ్ఞతాభావం నేర్పించా: మాధవన్

Madhavan: మాధవన్ తన కొడుకు వేదాంత్ మాధవన్ గురించి చాలా ఓపెన్ గా మాట్లాడుతుంటారు. తాజాగా మరోసారి వేదాంత్ ను తాను ఎలా పెంచాడో మాధవన్ వివరించారు. తన ఇంట్లో పని చేసే వంట మనిషి జీతం గురించి ఎందుకు చెప్పాల్సి వచ్చిందో కూడా వెల్లడించారు.

Madhavan: చాక్లెట్ బాయ్ ఆర్ మాధవన్ తన కొడుకు వేదాంత్ మాధవన్ ను పెంచిన క్రేజీ పేరెంటింగ్ విధానం ఇప్పుడు సోషల్ మీడియాలో విపరీతంగా ట్రెండ్ అవుతోంది. కోట్లాది రూపాయల ఆస్తి, లగ్జరీ లైఫ్ ఉన్నప్పటికీ తన కొడుకు ఎప్పుడూ చాలా సాధారణంగా ఉండేలా చూడటం కోసం తను ఇంట్లో ఎలాంటి కఠినమైన రూల్స్ ఫాలో అయ్యాడో మాధవన్ ఒక ఇంటర్వ్యూలో ఓపెన్ గా షేర్ చేసుకున్నాడు.

చిన్నతనం నుంచే క్రమశిక్షణ

Madhavan: నా వంటమనిషి జీతమెంతో చెప్పి నా కొడుకుని పెంచా.. అందరినీ గౌరవించాల్సిందే.. కృతజ్ఞతాభావం నేర్పించా: మాధవన్ (Instagram)

ఇటీవల ప్రముఖ యూట్యూబ్ ఛానెల్ లో రాధికా గుప్తాతో మాట్లాడిన మాధవన్.. తన కొడుకు వేదాంత్ ఎదుగుదల వెనుక ఉన్న అసలు సీక్రెట్స్ బయటపెట్టాడు. వేదాంత్ ప్రస్తుతం ఇండియాలోనే అత్యంత ప్రతిభ ఉన్న కాంపిటీటివ్ స్విమ్మర్లలో ఒకడిగా గుర్తింపు తెచ్చుకున్నాడు. దేశం కోసం ఒలింపిక్ మెడల్ గెలవడమే టార్గెట్ గా పెట్టుకున్న తన కొడుక్కి చిన్నప్పటి నుంచే క్రమశిక్షణ, కృతజ్ఞతా భావం నేర్పించానని మాధవన్ చెప్పాడు.

వంటమనిషి జీతంతో రియాలిటీ చెక్

"మేము చాలా మిడిల్ క్లాస్ బ్యాక్ గ్రౌండ్ నుంచి వచ్చాం. కానీ దేవుడి దయ వల్ల నాకు మంచి సక్సెస్ రావడంతో వేదాంత్ అడిగినవన్నీ నేను కొనివ్వగలిగాను. అయితే దీనివల్ల వాడు లగ్జరీకి అలవాటు పడి పాడైపోయే ప్రమాదం కూడా ఉంది. అందుకే వాడికి ఒక రియాలిటీ చెక్ పెట్టాలని డిసైడ్ అయ్యాను" అని మాధవన్ తెలిపాడు.

"కొన్నిసార్లు నా ఇంట్లో పనిచేసే వంటమనిషి జీతం ఎంతో వేదాంత్ కి చెప్పేవాడిని. నీకు గిఫ్ట్ గా వచ్చిన ఈ బొమ్మ ఖరీదు ఎంతో తెలుసా.. ఈ వంటమనిషి ఒక రోజంతా ఆ వేడి కిచెన్ లో ఉంటూ.. ఒక సంవత్సరం మొత్తం కష్టపడితే తప్ప ఇందులో సగం భాగం కూడా కొనలేడు అని వాడికి అర్ధమయ్యేలా చెప్పేవాడిని. ఆ మాటలు వేదాంత్ మైండ్ లో బలంగా నాటుకుపోయాయి" అని మాధవన్ ఎమోషనల్ అయ్యాడు.

లిఫ్ట్ మ్యాన్, డ్రైవర్లకు గౌరవం ఇవ్వాల్సిందే

వేదాంత్ మాధవన్ ప్రస్తుతం ఫ్రీస్టైల్ స్విమ్మింగ్ లో ఇండియా తరపున అద్భుతాలు సృష్టిస్తున్నాడు. ఇప్పటికే మలేషియన్ ఓపెన్ లో ఐదుసార్లు గోల్డ్ మెడల్, డానిష్ ఓపెన్ లో గోల్డ్ అండ్ సిల్వర్ మెడల్స్ కొట్టాడు. దాంతో పాటు లాట్వియన్ ఓపెన్, థాయిలాండ్ ఓపెన్ లలో బ్రాంజ్ మెడల్స్ సాధించి కామన్వెల్త్ యూత్ గేమ్స్ లో ఐదో స్థానంలో నిలిచాడు. కొడుకును సెలబ్రిటీ కిడ్ లా కాకుండా ఒక అథ్లెట్ లా పెంచిన మాధవన్ పేరెంటింగ్ స్టైల్ పై నెటిజన్లు ప్రశంసల వర్షం కురిపిస్తున్నారు.

మాధవన్ కెరీర్ ఇలా..

ఇక మాధవన్ కెరీర్ విషయానికి వస్తే.. రీసెంట్ గా వచ్చిన విజువల్ వండర్ 'ధురంధర్' (Dhurandhar) సినిమాలో ఇంటెలిజెన్స్ బ్యూరో డైరెక్టర్ అజయ్ సన్యాల్ గా మైండ్ బ్లాంక్ పెర్ఫార్మెన్స్ ఇచ్చాడు. బాక్సాఫీస్ దగ్గర రూ. 3100 కోట్లకు పైగా వసూలు చేసిన ఈ బిగ్గెస్ట్ బ్లాక్‌బస్టర్ లో మాధవన్ యాక్టింగ్ కు నేషనల్ వైడ్ గా విపరీతమైన ప్రశంసలు దక్కాయి. ప్రస్తుతం ఆయన చేతిలో జిడిఎన్ (GDN), అదృష్టశాలి (Adhirshtasaali), సర్కిల్ (Circle) లాంటి క్రేజీ పాన్ ఇండియా ప్రాజెక్టులు ఉన్నాయి.