OTT Movie: టాలీవుడ్‌లోనే కాకుండా పాన్-ఇండియా స్థాయిలో నటుడిగా, నిర్మాతగా తనదైన ముద్ర వేసిన రానా దగ్గుబాటి (Rana Daggubati) నిర్మించిన బాలీవుడ్ మూవీ 'లాస్ట్ మ్యాన్ ఇన్ టవర్' (Last Man in Tower). స్పిరిట్ మీడియా, గునీత్ డోగ్రా, బెన్ రేఖితో కలిసి రానా ఈ చిత్రాన్ని నిర్మించారు.
థియేటర్లలో విడుదలైన తర్వాత విమర్శకుల ప్రశంసలు అందుకున్న ఈ ఎమోషనల్ సస్పెన్స్ డ్రామా ఇప్పుడు డిజిటల్ వీక్షకులను అలరించేందుకు ఓటీటీలోకి అడుగుపెడుతోంది.
ప్రముఖ ఓటీటీ ప్లాట్‌ఫారమ్ జీ5 (ZEE5) ఈ సినిమా డిజిటల్ రైట్స్‌ను సొంతం చేసుకుంది. తాజాగా నవంబర్ 6, 2026 నుంచి ఈ చిత్రం గ్రాండ్‌గా స్ట్రీమింగ్ కానున్నట్లు అధికారికంగా ప్రకటించింది.
లాస్ట్ మ్యాన్ ఇన్ టవర్ స్టోరీ ఏమిటంటే? బుకర్ ప్రైజ్ విన్నర్ నవల ఆధారంగా..
ప్రసిద్ధ రచయిత అరవింద్ అడిగా (Aravind Adiga) రాసిన 'లాస్ట్ మ్యాన్ ఇన్ టవర్' నవల ఆధారంగా దర్శకుడు బెన్ రేఖి ఈ చిత్రాన్ని తెరకెక్కించారు. ఒక ఇంటి విలువ కేవలం డబ్బులోనే ఉండదని, దానికి ఎన్నో ఏళ్ల జ్ఞాపకాలు, భావోద్వేగాలు ముడిపడి ఉంటాయని చాటిచెప్పే కథాంశమిది.
ముంబై మహానగరంలోని ఒక పురాతన అపార్ట్‌మెంట్‌ను రీ-డెవలప్‌మెంట్ పేరుతో కబ్జా చేయాలని చూసే బిల్డర్‌కు, తన ఆఖరి శ్వాస వరకు ఆ ఇంటిని వదులుకోవడానికి ఇష్టపడని 'మాస్టర్‌జీ' (మనోజ్ బాజ్‌పాయ్) అనే రిటైర్డ్ ఉపాధ్యాయుడికి మధ్య జరిగే పోరాటమే ఈ చిత్ర ముఖ్య నేపథ్యం. సమాజంలో మారుతున్న మానవ సంబంధాలు, డబ్బు కోసం మనుషులు దిగజారే తీరును దర్శకుడు అత్యంత పదునుగా చూపెట్టారు.
పవర్‌ఫుల్ స్టార్ కాస్ట్.. అద్భుతమైన నటన
ఈ లాస్ట్ మ్యాన్ ఇన్ టవర్ సినిమాలో బాలీవుడ్ దిగ్గజ నటులు మనోజ్ బాజ్‌పాయ్, బోమన్ ఇరానీ మొదటిసారిగా కలిసి నటించడం విశేషం. వీరిద్దరి మధ్య వచ్చే సన్నివేశాలు, డ్రామా ప్రేక్షకులను కట్టిపడేస్తాయి.
{{/usCountry}}ఈ లాస్ట్ మ్యాన్ ఇన్ టవర్ సినిమాలో బాలీవుడ్ దిగ్గజ నటులు మనోజ్ బాజ్‌పాయ్, బోమన్ ఇరానీ మొదటిసారిగా కలిసి నటించడం విశేషం. వీరిద్దరి మధ్య వచ్చే సన్నివేశాలు, డ్రామా ప్రేక్షకులను కట్టిపడేస్తాయి.
{{/usCountry}}ఈ సినిమాలో మనోజ్ బాజ్‌పాయ్, బోమన్ ఇరానీతోపాటు దివ్యా దత్తా, సుకాంత్ గోయల్, చందన్ రాయ్ సన్యాల్ తదితరులు కీలక పాత్రలలో ఒదిగిపోయారు. ప్రముఖ సంగీత దర్శకుడు గోవింద్ వసంత అందించిన నేపథ్య సంగీతం కథలోని ఉద్వేగాన్ని మరింత ఎలివేట్ చేసింది.
సరికొత్త విమర్శనాత్మక కంటెంట్‌ను కోరుకునే ఓటీటీ ప్రియులకు, రానా దగ్గుబాటి నిర్మాణంలో వచ్చిన ఈ 'లాస్ట్ మ్యాన్ ఇన్ టవర్' నవంబర్ 6 నుంచి జీ5లో ఒక మంచి అనుభూతిని అందించబోతోంది.