Yash Alibag: అలీబాగ్‌లో పాన్ ఇండియా స్టార్ యశ్ భారీ ఇన్వెస్ట్‌మెంట్.. రూ.24 కోట్లతో సముద్ర తీరంలో లగ్జరీ ప్రాపర్టీ!

Yash Alibag: కన్నడ రాకింగ్ స్టార్, 'కేజీఎఫ్' (KGF) హీరో యశ్ తన భార్య రాధికా పండిట్‌తో కలిసి మహారాష్ట్రలోని పాపులర్ సెలబ్రిటీ డెస్టినేషన్ అలీబాగ్‌లో ఓ భారీ ప్రాపర్టీని కొనుగోలు చేశారు. సముద్ర తీరానికి ఆనుకుని ఉన్న ఈ ల్యాండ్ కోసం ఏకంగా రూ. 24 కోట్లు వెచ్చించినట్లు వార్తలు వస్తున్నాయి.

Yash Alibag: కన్నడ రాకింగ్ స్టార్ యశ్ 'కేజీఎఫ్' సిరీస్‌తో ఏ రేంజ్ పాన్-ఇండియా ఫాలోయింగ్ తెచ్చుకున్నాడో ప్రత్యేకంగా చెప్పాల్సిన పనిలేదు. ఇప్పుడు యశ్ కేవలం సినిమాల పరంగానే కాకుండా.. బిజినెస్, రియల్ ఎస్టేట్ ఇన్వెస్ట్‌మెంట్స్‌లో కూడా బాలీవుడ్ స్టార్స్‌కు దీటుగా పావులు కదుపుతున్నాడు. తాజాగా యశ్, రాధికా పండిట్ జంట ముంబైకి దగ్గరలో ఉండే అలీబాగ్‌ (Alibag) లో ఒక ఖరీదైన ల్యాండ్ కొనుగోలు చేశారు.

Yash Alibag: అలీబాగ్‌లో పాన్ ఇండియా స్టార్ యశ్ భారీ ఇన్వెస్ట్‌మెంట్.. రూ.24 కోట్లతో సముద్ర తీరంలో లగ్జరీ ప్రాపర్టీ!

రిజిస్ట్రేషన్ వివరాలు ఇవే..

బిజినెస్ స్టాండర్డ్ రిపోర్ట్ ప్రకారం.. రాయ్‌గఢ్ జిల్లా, అలీబాగ్ తాలూకాలోని కామత్ (Kamath) గ్రామంలో యశ్ ఈ ప్రాపర్టీని కొనుగోలు చేశాడు. ఇది రెండు వ్యవసాయ భూములను కలిపి తీసుకున్న ల్యాండ్. మే 18న అలీబాగ్ సబ్-రిజిస్ట్రార్ ఆఫీసులో దీని రిజిస్ట్రేషన్ పూర్తయింది. ఈ డీల్ వాల్యూ రూ. 24 కోట్లు కాగా.. కేవలం స్టాంప్ డ్యూటీ కోసమే యశ్ రూ. 1.44 కోట్లు కట్టడం గమనార్హం.

సుమారు 5,289 చదరపు మీటర్ల (0.5289 హెక్టార్లు) విస్తీర్ణంలో ఉన్న ఈ ప్రాపర్టీలో ఒక నివాస భవనం కూడా ఉంది. తూర్పు వైపు ఊరి రోడ్డు, పశ్చిమం వైపు అందమైన అరేబియా సముద్రం ఉండటం ఈ ల్యాండ్ స్పెషాలిటీ.

సెలబ్రిటీలంతా ఆలీబాగ్‌కే ఎందుకు వెళ్తున్నారు?

గత కొన్నేళ్లుగా అలీబాగ్ ఇండియాలోనే బెస్ట్ లగ్జరీ హాలిడే డెస్టినేషన్‌గా మారిపోయింది. ముంబై ట్రాఫిక్, ఉరుకులు పరుగుల జీవితానికి దూరంగా.. ప్రశాంతమైన వాతావరణం, సీ-వ్యూ ఉండటంతో బాలీవుడ్ స్టార్స్, బిజినెస్ టైకూన్స్ ఇక్కడ 'సెకండ్ హోమ్' నిర్మించుకోవడానికి క్యూ కడుతున్నారు. ముంబై నుంచి ఫెర్రీ (రో-రో) ద్వారా కేవలం గంటలోపే ఇక్కడికి చేరుకోవచ్చు.

యశ్‌ కంటే ముందే ఇక్కడ బాలీవుడ్ బాద్‌షా షారుఖ్ ఖాన్ 'డేజా వు ఫార్మ్స్' పేరుతో ఒక అదిరిపోయే సీ-ఫేసింగ్ ప్రాపర్టీ కొన్నాడు. రణ్‌వీర్ సింగ్ - దీపికా పదుకొనే జోడీ సుమారు రూ.22 కోట్లతో కిహిమ్ బీచ్ దగ్గర ఒక 5BHK విల్లాను కొనుగోలు చేశారు. విరాట్ కోహ్లీ - అనుష్క శర్మ కూడా జిరాద్ ఏరియాలో 8 ఎకరాల ల్యాండ్‌లో ఒక లగ్జరీ విల్లా నిర్మించుకున్నారు. షారుఖ్ కూతురు సుహానా ఖాన్ కూడా రీసెంట్‌గా రూ. 12.91 కోట్లతో తాల్ (Thal) గ్రామంలో ప్రాపర్టీ తీసుకుంది.

ప్రస్తుతం యశ్ ఫ్యామిలీ బెంగళూరులోని 'ప్రెస్టీజ్ గోల్ఫ్‌షైర్ డ్యూప్లెక్స్'లో ఉంటోంది. దీని వాల్యూ సుమారు రూ. 6 నుంచి 8 కోట్లు ఉంటుందని అంచనా. వాళ్లకు కర్ణాటకలో ఒక సొంత ఫామ్‌హౌస్ కూడా ఉంది. ఇప్పుడు బాలీవుడ్ ప్రాజెక్ట్స్ (రామాయణ్ లాంటివి) లైనప్‌లో ఉండటంతో ముంబైకి దగ్గర్లో ఉండేలా అలీబాగ్‌లో ఏకంగా రూ. 24 కోట్లు పెట్టి యశ్ ఇన్వెస్ట్ చేయడం ట్రేడ్ వర్గాల్లో హాట్ టాపిక్‌గా మారింది.

తరచుగా అడిగే ప్రశ్నలు (FAQs)

రాకింగ్ స్టార్ యశ్ కొత్తగా కొన్న ప్రాపర్టీ వాల్యూ ఎంత?

యశ్, రాధికా పండిట్ జంట మహారాష్ట్రలోని అలీబాగ్‌లో రూ. 24 కోట్లు పెట్టి ఒక సముద్ర తీర ప్రాపర్టీని కొనుగోలు చేశారు.

సెలబ్రిటీలు అలీబాగ్‌లో ఎందుకు ఇళ్లు కొంటున్నారు?

ముంబైకి చాలా దగ్గర్లో ఉండటం, అక్కడి రద్దీకి దూరంగా ప్రశాంతమైన బీచ్ వాతావరణం ఉండటం వల్ల సెలబ్రిటీలు అలీబాగ్‌ను హాలిడే హోమ్స్‌గా మార్చుకుంటున్నారు.

అలీబాగ్‌లో ఇళ్లు ఉన్న ఇతర సెలబ్రిటీలు ఎవరు?

షారుఖ్ ఖాన్, విరాట్ కోహ్లీ - అనుష్క శర్మ, రణ్‌వీర్ సింగ్ - దీపికా పదుకొనే, అమితాబ్ బచ్చన్ తదితరులకు అలీబాగ్‌లో లగ్జరీ విల్లాలు ఉన్నాయి.