Salman Khan: బాలీవుడ్ సూపర్ స్టార్ సల్మాన్ ఖాన్ ఇటీవల ప్రముఖ దర్శక-నిర్మాత కరణ్ జోహార్ (Karan Johar) హోస్ట్ చేస్తున్న మోస్ట్ పాపులర్ టాక్ షో 'కాఫీ విత్ కరణ్ సీజన్ 9' (Koffee With Karan Season 9)లో సందడి చేశారు. ఈ షోలో భాగంగా సల్మాన్ ఖాన్ తన వ్యక్తిగత జీవితానికి సంబంధించి ఇప్పటివరకు ఎవరూ చెప్పని కొన్ని ఆసక్తికరమైన, వింత విషయాలను పంచుకున్నారు.
ముఖ్యంగా తాను నివసించే ముంబైలోని ప్రసిద్ధ 'గెలాక్సీ అపార్ట్‌మెంట్' (Galaxy Apartments) బెడ్‌రూమ్‌లో తనకు ఎదురైన వింత అనుభవాల గురించి ఆయన చేసిన కామెంట్స్ సోషల్ మీడియాలో విపరీతంగా ట్రెండ్ అవుతున్నాయి. సల్మాన్ చెప్పిన ఈ మిస్టరీ స్టోరీ వింటే ఎవరికైనా గూస్‌బంప్స్ రావాల్సిందే. ఆ బెడ్‌రూమ్‌లో అసలు ఏం జరిగిందనే దానిపై సల్మాన్ ఆనాటి జ్ఞాపకాలను గుర్తుచేసుకున్నారు.
ఆ గదిలో నేను ఎప్పుడూ ఒంటరిగా లేను
ఈ ఎపిసోడ్‌లో కరణ్ జోహార్ తాను బ్లాక్‌బస్టర్ సినిమా 'కుచ్ కుచ్ హోతా హై' (Kuch Kuch Hota Hai) కథ చెప్పడానికి మొదటిసారి గెలాక్సీ అపార్ట్‌మెంట్‌కు వెళ్లిన రోజులను గుర్తుచేసుకున్నారు. ఆ సమయంలో సల్మాన్ తన కుటుంబంతో కలిసి చాలా చిన్న బెడ్‌రూమ్‌లో ఉండేవాడని, అక్కడ ఒక మంచం, ఒక కప్‌బోర్డ్ మాత్రమే ఉండటం చూసి తాను ఆశ్చర్యపోయానని కరణ్ తెలిపారు.
అప్పుడు సల్మాన్ స్పందిస్తూ.. "నేను ఆ గదిలో ఎప్పుడూ ఒంటరిగా లేను. ఆ గదిలో నాతో పాటు మరొకరు ఉండేవారు. నేను ఆ వ్యక్తిని ఎప్పుడూ చూడలేదు, కానీ నా వెనుక ఎప్పుడూ ఎవరో ఉన్నట్లు శబ్దం వినిపించేది, ఉనికిని గమనించేవాడిని. నేను ఆ గది నుంచి బయటకు రాగానే లైట్లు వాటంతట అవే ఆన్-ఆఫ్ అయ్యేవి. కప్‌బోర్డ్‌లు వాటంతట అవే తెరుచుకునేవి. మ్యూజిక్ సిస్టమ్ లో మ్యూజిక్ ఆన్ అయ్యేది. నేను బాత్‌రూమ్‌లో ఉన్నప్పుడు కూడా బయట కప్‌బోర్డ్‌లతో ఎవరో ఆడుతున్నట్లు అదృశ్య శక్తి ఉనికిని స్పష్టంగా అనుభవించేవాడిని" అని చెప్పుకొచ్చారు.
అందమైన మహిళ అయితే నాకు కనిపించు అని అడిగాను
అదృశ్య శక్తి గురించి చెబుతూ సల్మాన్ చాలా సరదాగా ఆసక్తికరమైన కామెంట్స్ చేశారు. "అది దెయ్యం అని నేను అనను, కానీ అక్కడ ఒక ఉనికి మాత్రం ఉండేది. నేను గదిలో పాటలు ప్లే చేసినప్పుడు నా వెనుక ఎవరో నిలబడినట్లు అనిపించేది. దాంతో నేను ఆ గదిలో పాటలు ఆన్ చేసి బయటికి వచ్చేసేవాడిని. బయట బిలియర్డ్స్ టేబుల్ ఉండేది, మేము అక్కడ ఆడుతున్నప్పుడు లోపల ఎవరో తిరుగుతున్న శబ్దాలు వినిపించేవి. అయితే అది ఎప్పుడూ నన్ను భయపెట్టలేదు, ఎవరికీ ఎలాంటి హాని చేయలేదు. నాకేమనిపించేదంటే.. నువ్వు నిజంగా ఒక అందమైన అమ్మాయి అయితే నాకు కనిపించు అని కూడా అనుకునేవాడిని" అంటూ సల్మాన్ నవ్వులు పూయించారు.
{{/usCountry}}అదృశ్య శక్తి గురించి చెబుతూ సల్మాన్ చాలా సరదాగా ఆసక్తికరమైన కామెంట్స్ చేశారు. "అది దెయ్యం అని నేను అనను, కానీ అక్కడ ఒక ఉనికి మాత్రం ఉండేది. నేను గదిలో పాటలు ప్లే చేసినప్పుడు నా వెనుక ఎవరో నిలబడినట్లు అనిపించేది. దాంతో నేను ఆ గదిలో పాటలు ఆన్ చేసి బయటికి వచ్చేసేవాడిని. బయట బిలియర్డ్స్ టేబుల్ ఉండేది, మేము అక్కడ ఆడుతున్నప్పుడు లోపల ఎవరో తిరుగుతున్న శబ్దాలు వినిపించేవి. అయితే అది ఎప్పుడూ నన్ను భయపెట్టలేదు, ఎవరికీ ఎలాంటి హాని చేయలేదు. నాకేమనిపించేదంటే.. నువ్వు నిజంగా ఒక అందమైన అమ్మాయి అయితే నాకు కనిపించు అని కూడా అనుకునేవాడిని" అంటూ సల్మాన్ నవ్వులు పూయించారు.
{{/usCountry}}ఇదే షోలో కరణ్ జోహార్ 'కుచ్ కుచ్ హోతా హై' సినిమా ఫస్ట్ హాఫ్ మాత్రమే సల్మాన్‌కు వినిపించానని, అయినప్పటికీ సెకండ్ హాఫ్ ఎలా ఉంటుందో ముందే ఊహించి ఆయన ఆ సినిమాలో గెస్ట్ రోల్ చేయడానికి ఒప్పుకున్నారని పాత జ్ఞాపకాలను నెమరువేసుకున్నారు. సైఫ్ అలీ ఖాన్, చంద్రచూర్ సింగ్ వంటి నటులు రిజెక్ట్ చేసిన ఆ పాత్ర సల్మాన్ కెరీర్‌లో ఎంత పెద్ద మైలురాయిగా నిలిచిందో తెలిసిందే.
సల్మాన్ ఖాన్ అప్‌కమింగ్ మూవీస్ లైనప్
ప్రస్తుతం సల్మాన్ ఖాన్ వరుస క్రేజీ ప్రాజెక్ట్‌లతో ఫుల్ బిజీగా ఉన్నారు. అపూర్వ లఖియా దర్శకత్వంలో వస్తున్న 'మాతృభూమి' (Maatrubhumi) చిత్రంలో ఆయన చిత్రంగదా సింగ్‌తో కలిసి నటిస్తున్నారు. ఈ సినిమాకు సంబంధించిన రిలీజ్ డేట్ త్వరలోనే మేకర్స్ ప్రకటించనున్నారు.
అంతేకాకుండా టాలీవుడ్ స్టార్ ప్రొడ్యూసర్ దిల్ రాజు నిర్మాణంలో, వంశీ పైడిపల్లి దర్శకత్వంలో తెరకెక్కుతున్న భారీ యాక్షన్ ఎంటర్‌టైనర్ 'మాన్‌స్టార్' (Monster) చిత్రంలో సల్మాన్ ఖాన్, నయనతార లీడ్ రోల్స్‌లో కనిపించనున్నారు. ఈ సినిమాను వచ్చే ఏడాది ఈద్ 2027 (Eid 2027) కానుకగా థియేటర్లలో గ్రాండ్‌గా విడుదల చేయడానికి సన్నాహాలు చేస్తున్నారు.