డైరెక్ట్ ఓటీటీలోకి హార్ట్ టచింగ్ మూవీ.. మ్యూజిక్ ప్లస్ ఎమోషన్.. రాఘవేంద్రరావు పర్యవేక్షణలో.. జోడీగా స్టార్ కపుల్

దిగ్గజ దర్శకుడు రాఘవేంద్ర రావు దర్శకత్వ పర్యవేక్షణలో తెరకెక్కిన ఓ మూవీ డైరెక్ట్ గా ఓటీటీలోకి రాబోతోంది. మ్యూజిక్, ఎమోషన్ కలగలిపి ఈ మూవీని సిద్ధం చేసినట్లు తెలుస్తోంది. ఈ మూవీలో బుల్లితెరపై స్టార్ కపుల్ అనిపించుకున్న జోడీ యాక్ట్ చేసింది.

డిఫరెంట్ జానర్ సినిమాలతో డిజిటల్ ఆడియన్స్ ను ఎప్పటికప్పుడూ ఎంటర్ టైన్ చేస్తూనే ఉంది ఈటీవీ విన్. ఈ ఓటీటీ ప్లాట్ ఫామ్ లో మరో మూవీ డైరెక్ట్ గా స్ట్రీమింగ్ కు రానుంది. మ్యూజిక్ ప్లస్ ఎమోషన్ తో తీర్చిదిద్దిన చిన్న సినిమా ‘సింధు భైరవి’ డిజిటల్ స్ట్రీమింగ్ కు టైమ్ దగ్గరపడింది. ఈ మూవీకి దిగ్గజ దర్శకుడు కె.రాఘవేంద్రరావు దర్శకత్వ పర్యవేక్షణ చేయడం విశేషం.

ఓటీటీలోకి హార్ట్ టచింగ్ మూవీ (x/etvwin)

సింధు భైరవి ఓటీటీ

మ్యూజికల్ ఎమోషనల్ మెలోడీగా తెరకెక్కించిన సింధు భైరవి సినిమా ఓటీటీలో అడుగుపెట్టనుంది. డైరెక్ట్ గా డిజిటల్ స్ట్రీమింగ్ కానుంది. ఈ మూవీ నవంబర్ 2 నుంచి ఈటీవీ విన్ ఓటీటీలో అందుబాటులో ఉంటుంది. ఈటీవీ విన్ ఓటీటీ కథా సుధలో భాగంగా ప్రతి ఆదివారం కొత్త షార్ట్ ఫిల్మ్ ను రిలీజ్ చేస్తున్న సంగతి తెలిసిందే. ఈ ఆదివారం సింధు భైరవి స్ట్రీమింగ్ కానుంది.

స్టార్ కపుల్

సింగ‌ర్ కృష్ణ చైత‌న్య‌, అయ్యంగార్ మృదుల‌ అంటే బుల్లి తెర ఫ్యాన్స్ కు పరిచయమే. కృష్ణ చైత‌న్య‌ సినిమాల్లో పాటలు పాడుతూ మంచి పేరు తెచ్చుకున్నాడు. ఇక మృదుల‌ యాంకర్ గా, యూట్యూబ్ వీడియోలతో పాపులర్. ఈ జోడీ తరచుగా టీవీ షోల్లో కనిపిస్తోంది. అందుకే టీవీ ఆడియన్స్ కు వీళ్ల గురించి కొత్తగా చెప్పాల్సిన పని లేదు. ఈ రియల్ లైఫ్ కపుల్ ఇప్పుడు రీల్ లైఫ్ లోనూ భార్యభర్తలుగా నటించారు.

మ్యూజిక్ కపుల్

కృష్ణ చైత‌న్య‌, అయ్యంగార్ మృదుల‌ కలిసి తొలిసారి ఓ మూవీ చేశారు. సింధు భైరవిలో వీళ్లవే లీడ్ రోల్స్. ఈ సినిమాలో మ్యూజిక్ అంటే ప్రాణమిచ్చే కపుల్ గా వీళ్లు కనిపించబోతున్నారు. వీళ్లకు కూతురుగా పరిణీత నటించింది. ఈ సినిమాకు స్టోరీ, స్క్రీన్ ప్లే, దర్శకత్వ పర్యవేక్షణ, ప్రొడ్యూసర్ కూడా రాఘవేంద్రరావు కావడం విశేషం. సాయి తేజ డైరెక్టర్. సాయి మధుకర్ మ్యూజిక్ అందించాడు.

హార్ట్ టచింగ్

మ్యూజిక్ పై లవ్, ఫ్యామిలీ ఎమోషన్స్ తో సింధు భైరవిని హార్ట్ టచింగ్ మూవీగా తెరకెక్కించారని టీజర్ చూస్తే తెలుస్తోంది. ఇందులో కృష్ణ చైత‌న్య‌, అయ్యంగార్ మృదుల‌ కలిసి పాటలు పాడుతుంటారు. కానీ వాళ్ల కూతురు పుస్తకంలో బొమ్మలు వేసుకుంటుంది. ఆ తర్వాత కన్నీళ్లు, నిరాశ ఇలా వివిధ రకాల ఎమోషన్స్ ను చూపించారు. మరి సినిమాలో ఏ ఎమోషన్ పండిందో చూడాలంటే ఆదివారం వరకూ వెయిట్ చేయాల్సిందే.