Sundeep Kishan: డైరెక్షన్ రాదని సెట్లో ఏడ్చేశాడు.. నేనే దర్శకత్వం చేయాల్సి వచ్చింది.. సందీప్ కిషన్ షాకింగ్ కామెంట్లు

Sundeep Kishan: సిగ్మా మూవీతో ఆడియన్స్ ను ఎంటర్ టైన్ చేసేందుకు సందీప్ కిషన్ రెడీ అయ్యాడు. ఈ మూవీ శుక్రవారం రిలీజ్ కానుంది. ఈ నేపథ్యంలో ప్రమోషన్లలో బిజీగా ఉన్న సందీప్ కిషన్.. ఓ ఇంటర్వ్యూలో షాకింగ్ కామెంట్స్ చేశాడు. అతను చేసిన వ్యాఖ్యలు సోషల్ మీడియాలో వైరల్ అయ్యాయి.

Sundeep Kishan: తమిళనాడు సీఎం విజయ్ కుమారుడు జాసన్ సంజయ్ దర్శకత్వంలో సందీప్ కిషన్, ఫరియా అబ్దుల్లా జంటగా నటించిన క్రైమ్ థ్రిల్లర్ 'సిగ్మా' (Sigma). ఈ మూవీ ఈ శుక్రవారం (అక్టోబర్ 2) థియేటర్లలో విడుదలకు సిద్ధమైంది. ఈ సందర్భంగా మూవీ ప్రమోషన్లలో పాల్గొన్న యంగ్ హీరో సందీప్ కిషన్ షూటింగ్ సెట్‌లో తనకు ఎదురైన ఒక షాకింగ్ అనుభవాన్ని బయటపెట్టాడు.

డైరెక్షన్ రాదని సెట్లో ఏడ్చేశాడు.. నేనే దర్శకత్వం చేయాల్సి వచ్చింది.. సందీప్ కిషన్ షాకింగ్ కామెంట్లు

సందీప్ కిషన్ కామెంట్లు

సిగ్మా సినిమా ప్రమోషన్లలో హీరో సందీప్ కిషన్ చేసిన ఈ వ్యాఖ్యలు ప్రస్తుతం టాలీవుడ్‌లో హాట్ టాపిక్‌గా మారాయి. సదరు దర్శకుడి పేరు చెప్పడానికి నిరాకరించిన సందీప్, గతంలో ఓ సినిమా సెట్స్‌లో జరిగిన అనుభవాన్ని గుర్తు చేసుకున్నాడు.

‘‘షూటింగ్ ప్రారంభమైన రెండో రోజే ఆ కొత్త దర్శకుడు అందరి ముందూ ఏడవడం మొదలెట్టాడు. తనకు అసలు డైరెక్షన్ ఎలా చేయాలో తెలియడం లేదని చెప్పాడు. అప్పుడు ఎలా రియాక్టవలో నాకు తెలీలేదు. అందరూ నా వైపే చూశారు. ఆ విషయం ప్రొడ్యూసర్‌కు తెలిస్తే సినిమా ఆగిపోయేది’’ అని సందీప్ కిషన్ షాకింగ్ విషయాన్ని వెల్లడించాడు.

సొంతంగా డైరెక్షన్

‘‘నేనే ధైర్యం చేసి ఒక పరిష్కారం కనుక్కొన్నా. తర్వాత వారం రోజులు నేనే దర్శకత్వం చేశా. ఆ తర్వాత వేరొకరు ఆ బాధ్యత తీసుకున్నారు. క్లైమాక్స్ ఏమో వేరొకరు డైరెక్ట్ చేశారు. కానీ సర్ ప్రైజింగ్ గా ఆ మూవీ బెటర్ పర్ఫార్మెన్స్ చేసింది’’ అని సందీప్ కిషన్ పేర్కొన్నాడు. ఈ మూవీ థియేటర్లో మంచిగా ఆడటమే కాకుండా, ఆడియన్స్ కు బాగా నచ్చిందని సందీప్ కిషన్ తెలిపాడు.

డెబ్యూ డైరెక్టర్ జాసన్ సంజయ్

ఇక స్టార్ హీరో, తమిళనాడు సీఎం విజయ్ కుమారుడు జాసన్ సంజయ్ ఈ 'సిగ్మా' చిత్రం ద్వారా దర్శకుడిగా పరిచయం అవుతున్నాడు. సందీప్ కిషన్, ఫరియా అబ్దుల్లా ప్రధాన పాత్రల్లో నటించిన ఈ పవర్ ప్యాక్డ్ డ్రామా ఈ శుక్రవారం ప్రపంచవ్యాప్తంగా థియేటర్లలోకి రాబోతోంది. కొత్త దర్శకుడైనప్పటికీ జాసన్ సంజయ్ ఈ సినిమాను ఎంతో స్పష్టతతో, పక్కా ప్రణాళికతో తెరకెక్కించారని సందీప్ కిషన్ ప్రశంసించాడు.

తొలి సినిమాకే జాసన్ చూపించిన మేకింగ్ స్టైల్ ప్రేక్షకులను కచ్చితంగా ఆకట్టుకుంటుందని, ఈ శుక్రవారం రిలీజ్ కాబోతున్న ఈ చిత్రం తన కెరీర్‌లో మరో మైలురాయిగా నిలుస్తుందని సందీప్ ధీమా వ్యక్తం చేశాడు. అక్టోబర్ 2న థియేటర్లకు రాబోతున్న సిగ్మా సినిమాపై అంచనాలు భారీగానే ఉన్నాయి.