Vijay NEET: నీట్ (NEET) పరీక్షల లీకేజీ, నిర్వహణ లోపాలపై దేశవ్యాప్తంగా విద్యార్థులు తీవ్రస్థాయిలో ఆందోళనలు చేస్తున్న వేళ తమిళనాడు ముఖ్యమంత్రి, టీవీకే (TVK) అధినేత సి. జోసెఫ్ విజయ్ సంచలన రీతిలో స్పందించారు. ఢిల్లీలో విద్యార్థుల ఆందోళనకు మద్దతుగా నిలిచిన లోక్సభ ప్రతిపక్ష నేత రాహుల్ గాంధీ అరెస్ట్ను తీవ్రంగా ఖండిస్తూ ఆయన ఎక్స్ వేదికగా వేడివేడి వ్యాఖ్యలతో సుదీర్ఘ ప్రకటన విడుదల చేశారు.
విద్యార్థుల భవిష్యత్తును ప్రశ్నార్థకంగా మారుస్తున్న నీట్ వ్యవస్థకు వ్యతిరేకంగా పోరాడుతున్న నేతలను అరెస్ట్ చేయడం పూర్తిగా ప్రజాస్వామ్య విరుద్ధమని విజయ్ ధ్వజమెత్తారు. కేంద్రంలో అధికారంలో ఉన్న ప్రభుత్వం వెంటనే విద్యార్థులు, ప్రజల సెంటిమెంట్ను గౌరవించి నీట్ పరీక్షను పూర్తిగా రద్దు చేయాలని డిమాండ్ చేశారు.
"నీట్ రద్దే ఏకైక పరిష్కారం!" - విజయ్ స్ట్రాంగ్ కౌంటర్
ఎన్నికల ప్రచార సమయం నుంచి నీట్ రద్దుపై స్పష్టమైన వైఖరితో ఉన్న తమిళగ వెట్రి కళగం (TVK) పార్టీ.. ఇప్పుడు కూడా అదే మాటపై కట్టుబడి ఉందని విజయ్ స్పష్టం చేశారు. కేవలం ఓట్ బ్యాంక్ రాజకీయం కోసం తాము అబద్ధపు హామీలు ఇవ్వమని, లక్షలాది మంది విద్యార్థులు, వారి కుటుంబాలను నాశనం చేస్తున్న నీట్ వ్యవస్థను శాశ్వతంగా బ్యాన్ చేయడమే ఏకైక పరిష్కారమని తేల్చి చెప్పారు.
విద్యా రంగాన్ని రాజ్యాంగంలోని కాన్కరెంట్ లిస్ట్ నుంచి స్టేట్ లిస్ట్కు మార్చడం ద్వారానే రాష్ట్రాలకు పూర్తి అధికారాలు దక్కుతాయని విజయ్ ప్రతిపాదించారు. ఒకవేళ అందులో ఏవైనా చట్టపరమైన ఇబ్బందులు ఉంటే, తాత్కాలికంగా 'స్పెషల్ కాన్కరెంట్ లిస్ట్' తయారు చేసి రాష్ట్ర ప్రభుత్వాలకు మెడికల్ అడ్మిషన్ల నిర్వహణపై పూర్తి హక్కులు ఇవ్వాలని సూచించారు.
ఢిల్లీ వేదికగా విద్యార్థుల నిరసనలు
ప్రస్తుతం పార్లమెంట్ వర్షాకాల సమావేశాలు జరుగుతున్న వేళ, ఢిల్లీలోని జంతర్ మంతర్ వద్ద కాక్రోచ్ జనతా పార్టీ (CJP), సామాజిక వేత్త సోనమ్ వాంగ్చుక్ నేతృత్వంలో విద్యార్థులు 'చలో సంసద్' మార్చ్ చేపట్టారు. కేంద్ర విద్యాశాఖ మంత్రి ధర్మేంద్ర ప్రధాన్ తక్షణమే రాజీనామా చేయాలని డిమాండ్ చేస్తూ వేలాది మంది రోడ్లపైకి వచ్చారు.
{{/usCountry}}ప్రస్తుతం పార్లమెంట్ వర్షాకాల సమావేశాలు జరుగుతున్న వేళ, ఢిల్లీలోని జంతర్ మంతర్ వద్ద కాక్రోచ్ జనతా పార్టీ (CJP), సామాజిక వేత్త సోనమ్ వాంగ్చుక్ నేతృత్వంలో విద్యార్థులు 'చలో సంసద్' మార్చ్ చేపట్టారు. కేంద్ర విద్యాశాఖ మంత్రి ధర్మేంద్ర ప్రధాన్ తక్షణమే రాజీనామా చేయాలని డిమాండ్ చేస్తూ వేలాది మంది రోడ్లపైకి వచ్చారు.
{{/usCountry}}ఈ క్రమంలో శాంతియుతంగా ప్రదర్శన చేస్తున్న విద్యార్థులపై పోలీసులు లాఠీఛార్జ్ చేయడం, టియర్ గ్యాస్ ప్రయోగించడం దేశవ్యాప్తంగా తీవ్ర కలకలం రేపింది. ప్రధాని నివాసం ఎదుట నిరసన తెలిపిన రాహుల్ గాంధీతో పాటు పలువురు ప్రతిపక్ష నేతలను ఢిల్లీ పోలీసులు కస్టడీలోకి తీసుకోవడంతో రాజకీయ వాతావరణం ఒక్కసారిగా వేడెక్కింది.
విద్యార్థుల పోరాటానికి సెలబ్రిటీల ఫుల్ సపోర్ట్
ఢిల్లీలో జరుగుతున్న ఈ సుదీర్ఘ పోరాటానికి దేశవ్యాప్తంగా సినీ, సంగీత రంగానికి చెందిన ప్రముఖులు భారీగా మద్దతు ఇస్తున్నారు. విలక్షణ నటుడు ప్రకాష్ రాజ్, సీనియర్ నటి షబానా అజ్మీ, పాపులర్ రేపర్ హనుమాన్కైండ్ స్వయంగా ఢిల్లీ ప్రొటెస్ట్లో పాల్గొని విద్యార్థుల పక్షాన నిలబడ్డారు.
ముంబైలో గుర్ఫతే పిర్జాదా, ప్రతిభా రాంతా, శాలిని పాండే, ఆకాస సింగ్ నిరసనల్లో పాల్గొనగా, చెన్నైలో తమిళ రేపర్ 'తెరుక్కురల్' అరివు సెక్రటేరియట్ వద్ద ఆందోళన చేపట్టి పోలీసుల అరెస్ట్కు గురయ్యారు. ఇటు దక్షిణాది అగ్రనటుడిగా, అటు ముఖ్యమంత్రిగా విజయ్ నేరుగా రంగంలోకి దిగి పార్లమెంట్ కాంప్లెక్స్లో ప్రతిపక్షాలు చేస్తున్న పోరాటానికి పూర్తి మద్దతు ప్రకటించడంతో ఈ నీట్ వ్యతిరేక ఉద్యమం మరింత పవర్ఫుల్గా మారింది.