OTT Romantic: ఈ దీపావళి పండుగ సీజన్ ఓటీటీ ఆడియెన్స్ కు సరికొత్త వినోదాన్ని అందించేందుకు సిద్ధమైంది. ప్రేమికుల హృదయాలను హత్తుకునే భావోద్వేగాలు, ఆధునిక సంబంధాలు, రొమాంటిక్ మ్యాజిక్‌తో కూడిన సరికొత్త తమిళ రొమాంటిక్ డ్రామా 'నూరు కోడి వానవిల్' (Nooru Kodi Vaanavil) ఓటీటీ విడుదలకు ముహూర్తం ఫిక్స్ చేసుకుంది.
'పిచ్చైకారన్' (తెలుగులో 'బిచ్చగాడు'), 'డిష్యుమ్' వంటి అద్భుతమైన ఎమోషనల్ హిట్ చిత్రాలను అందించిన సీనియర్ దర్శకుడు శశి (Sasi) ఈ చిత్రానికి దర్శకత్వంతో పాటు కథ అందించడం విశేషం. వినూత్నమైన కాన్సెప్ట్‌తో తెరకెక్కిన ఈ చిత్రం నేరుగా ఓటీటీ ప్రేక్షకుల ముందుకు రాబోతోంది. దీపావళి పండుగ కానుకగా ప్రముఖ డిజిటల్ ఓటీటీ వేదిక 'జీ5' (ZEE5) లో నవంబర్ 6 నుంచి ఈ సినిమా డిజిటల్ ప్రీమియర్ కానుంది.
నూరు కోడి వానవిల్ స్టోరీ.. ఆధునిక ప్రేమ, బంధాలు, సవాళ్లు
'నూరు కోడి వానవిల్' (వంద కోట్ల హరివిల్లులు అని అర్థం) స్టోరీ విషయానికి వస్తే నేటి సమాజంలో యువత ఎదుర్కొంటున్న మానసిక భావోద్వేగాలు, ప్రేమ సంబంధాలు, ఆచరణాత్మక సవాళ్ల చుట్టూ తిరుగుతుంది. ఇందులో హరీష్ కళ్యాణ్ 'వినో' అనే పాత్రలో కనిపిస్తుండగా, సిద్ధి ఇద్నాని 'ఫెన్నీ' పాత్రలో నటించారు.
ఒకే ఇంట్లో నివసించే విభిన్న మనస్తత్వాలు కలిగిన ఇద్దరు యువతీ యువకుల మధ్య ఏర్పడిన పరిచయం, ఆపై అది ప్రేమగా ఎలా మారింది? వారి ప్రేమ ప్రయాణంలో ఎదురైన ఊహించని సవాళ్లను వారిద్దరూ ఎలా దాటారు అనేదే ఈ సినిమా ప్రధాన కథాంశం. నేటితరం ఆలోచనలకు అద్దం పట్టేలా శశి ఈ చిత్రాన్ని ఎంతో సహజంగా తీర్చిదిద్దారు.
నూరు కోడి వానవిల్ మూవీ విశేషాలు
ఈ సినిమాలో హీరో హరీష్ కళ్యాణ్, హీరోయిన్ సిద్ధి ఇద్నానీలతో పాటు తమిళ చిత్రసీమకు చెందిన దిగ్గజ నటీనటులు కీలక పాత్రల్లో నటించారు. కామెడీ క్వీన్ కోవై సరళ, సీనియర్ నటుడు తంబి రామయ్య, చిన్ని జయంత్, సంపత్ రాజ్, వీజే పార్వతి, ఎం. రినిల్ ఇతర ముఖ్య పాత్రలలో అలరించనున్నారు.
{{/usCountry}}ఈ సినిమాలో హీరో హరీష్ కళ్యాణ్, హీరోయిన్ సిద్ధి ఇద్నానీలతో పాటు తమిళ చిత్రసీమకు చెందిన దిగ్గజ నటీనటులు కీలక పాత్రల్లో నటించారు. కామెడీ క్వీన్ కోవై సరళ, సీనియర్ నటుడు తంబి రామయ్య, చిన్ని జయంత్, సంపత్ రాజ్, వీజే పార్వతి, ఎం. రినిల్ ఇతర ముఖ్య పాత్రలలో అలరించనున్నారు.
{{/usCountry}}సంగీత దర్శకుడు సిద్ధు కుమార్ (Siddhu Kumar) ఈ చిత్రానికి వీనులవిందైన స్వరాలు అందించగా, ప్రసన్న కుమార్ సినిమాటోగ్రఫీ అందించారు. మాధవ్ మీడియా, ఏఏ ప్రొడక్షన్స్ బ్యానర్లపై బాలాజీ కాపా, అరుణ్ అరుణాచలం అత్యున్నత నిర్మాణ విలువలతో ఈ చిత్రాన్ని నిర్మించారు.
నవంబర్ 6 నుంచి జీ5లో స్ట్రీమింగ్
ఈ చిత్రాన్ని థియేటర్లలో కాకుండా నేరుగా ప్రముఖ డిజిటల్ ఓటీటీ ప్లాట్‌ఫామ్ 'జీ5' (ZEE5) దక్కించుకుంది. "ఈ దీపావళికి మీ హృదయాలను ప్రేమ కాంతులతో నింపేయండి! నవంబర్ 6 నుంచి 'నూరు కోడి వానవిల్' డిజిటల్ ప్రీమియర్ కానుంది" అంటూ ఓటీటీ సంస్థ అధికారికంగా సోషల్ మీడియాలో పోస్టర్‌ను విడుదల చేసింది. ఫీల్-గుడ్ లవ్ స్టోరీలను ఇష్టపడే తెలుగు, తమిళ ఓటీటీ ప్రియులకు ఇది ఒక బెస్ట్ వీకెండ్ ఛాయిస్.