తెలుగు టీవీ సీరియల్స్ టీఆర్పీ రేటింగ్స్ వచ్చేశాయ్.. 43వ వారం టాప్ 10 సీరియల్స్ ఇవే.. టాప్ 6లో అన్నీ స్టార్ మా సీరియల్సే

తెలుగు టీవీ సీరియల్స్ 43వ వారం టీఆర్పీ రేటింగ్స్ వచ్చేశాయి. టాప్ 6లో అన్నీ స్టార్ మా సీరియల్సే ఉన్నాయి. ఇక కార్తీక దీపం 2 సీరియల్ తన అగ్రస్థానాన్ని నిలబెట్టుకోగా.. గుండె నిండా గుడి గంటలు నాలుగో స్థానానికి పడిపోయింది.

స్టార్ మాతోపాటు జీ తెలుగు సీరియల్స్ లేటెస్ట్ టీఆర్పీ రేటింగ్స్ వచ్చేశాయి. ఈ ఏడాది 43వ వారానికి సంబంధించిన రేటింగ్స్ రాగా.. ఇందులో తొలి ఆరు స్థానాల్లో స్టార్ మా ఛానెల్ కు చెందినవే ఉన్నాయి. రేటింగ్స్, సీరియల్స్ స్థానాల్లో పెద్దగా మార్పులేవీ లేవు. మరి టాప్ 10లో ఉన్న ఆ సీరియల్స్ ఏవో చూడండి.

తెలుగు టీవీ సీరియల్స్ టీఆర్పీ రేటింగ్స్ వచ్చేశాయ్.. 43వ వారం టాప్ 10 సీరియల్స్ ఇవే.. టాప్ 6లో అన్నీ స్టార్ మా సీరియల్సే

కార్తీక దీపం 2 టాప్‌లోనే..

తెలుగు టీవీ సీరియల్స్ లేటెస్ట్ టీఆర్పీ రేటింగ్స్ విషయానికి వస్తే స్టార్ మా ఛానెల్లో వచ్చే కార్తీక దీపం 2 సీరియల్ తన తొలి స్థానాన్ని మరింత పదిలం చేసుకుంది. ఈ సీరియల్ కు తాజాగా 14.36 రేటింగ్ నమోదైంది. ఇక రెండో స్థానంలో ఇల్లు ఇల్లాలు పిల్లలు ఉంది. దీనికి 13.84 రేటింగ్ వచ్చింది. ఇక ఇంటింటి రామాయణం సీరియల్ ఈసారి నాలుగు నుంచి మూడుకు వచ్చింది.

తాజా రేటింగ్స్ లో దీనికి 11.60 రేటింగ్ నమోదైంది. ఇక గుండె నిండా గుడి గంటలు నాలుగో స్థానానికి పడిపోయింది. దీనికి తాజాగా 11.39 రేటింగ్ మాత్రమే వచ్చింది. ఐదో స్థానంలో చిన్ని సీరియల్ ఉంది. ఈ సీరియల్ కు 10.84 రేటింగ్ ఉంది. ఆరో స్థానంలోనూ స్టార్ మాకే చెందిన నిండు మనసులు సీరియల్ నిలిచింది. తాజాగా ఈ సీరియల్ కు 8.37 రేటింగ్ నమోదైంది.

జీ తెలుగు సీరియల్స్ టీఆర్పీ రేటింగ్స్

ఇక టాప్ 10లో మిగిలిన నాలుగు స్థానాల్లోనూ జీ తెలుగు సీరియల్స్ ఉన్నాయి. ఈ ఛానెల్లో మేఘ సందేశం టాప్ సీరియల్ గా కొనసాగుతోంది. ఈ సీరియల్ కు తాజాగా 43వ వారం 8.09 రేటింగ్ నమోదైంది. ఓవరాల్ గా ఏడో స్థానంలో నిలిచింది. ఇక ఆ తర్వాత 8వ స్థానంలో లక్ష్మీ నివాసం 7.53 రేటింగ్ తో ఉంది. 9వ స్థానంలో చామంతి సీరియల్ ఉంది. దీనికి 7.10 రేటింగ్ నమోదైంది. పదో స్థానంలో జగద్ధాత్రి సీరియల్ నిలిచింది. దీనికి తాజాగా 7.01 రేటింగ్ వచ్చింది.