E-Paper
Top 10 Movies 2026: ఈ ఏడాది అత్యధిక వసూళ్లు సాధించిన టాప్ 10 ఇండియన్ మూవీస్ ఇవే.. లిస్టులో టాలీవుడ్ తండ్రీకొడుకుల హవా
Top 10 Movies 2026: ఈ ఏడాది ఇండియన్ సినిమాలో అత్యధిక వసూళ్లు సాధించిన టాప్ 10 మూవీస్ జాబితా ఇక్కడ చూడండి. లిస్టులో టాలీవుడ్ తండ్రీ కొడుకులు చిరంజీవి, రామ్ చరణ్ నటించిన సినిమాలు ఉండటం విశేషం. టాలీవుడ్ నుంచి వీళ్లిద్దరి మూవీసే ఉన్నాయి.
Prefer HTon Google
Top 10 Movies 2026: హిందీ యాక్షన్ డ్రామా 'ధురందర్: ది రివెంజ్' ఏకంగా రూ. 1,700 కోట్లకు పైగా వరల్డ్వైడ్ కలెక్షన్లు సాధించి 2026 బాక్సాఫీస్ కింగ్గా నిలిచింది. ఇండియన్ సినిమా హిస్టరీలోనే సరికొత్త రికార్డులు క్రియేట్ చేసిన ఈ చిత్రం గ్లోబల్ వైడ్గా రూ. 1,714.8 కోట్ల నుంచి రూ. 1,852 కోట్ల గ్రాస్ రాబట్టి ప్రభంజనం సృష్టించింది. మిగిలిన సినిమాలన్నీ రూ. 500 కోట్ల లోపే పరిమితం కావడం గమనార్హం.
ఈ ఏడాదంతా ఇండియన్ ఫిల్మ్ ఇండస్ట్రీకి పండగే అని చెప్పాలి. హిందీ, తెలుగు, తమిళ, కన్నడ, మలయాళ చిత్రాలు బాక్సాఫీస్ దగ్గర మాస్ ర్యాంపేజ్ ఆడాయి. ఇండియన్ ఫిల్మ్ ఇండస్ట్రీకి 2026లో అత్యధిక వసూళ్లు తెచ్చిపెట్టిన టాప్ 10 సినిమాల వివరాలు ఇవే.
'ధురంధర్' ఆల్ టైమ్ రికార్డ్ రాంపేజ్
రణ్వీర్ సింగ్, ఆదిత్య ధర్ కాంబోలో వచ్చిన ఈ హై-వోల్టేజ్ స్పై యాక్షన్ థ్రిల్లర్ 'ధురంధర్: ది రివెంజ్' వరల్డ్ వైడ్గా సరికొత్త బెంచ్మార్క్ సెట్ చేసింది. మొదటి రోజు నుంచే పాజిటివ్ టాక్తో దూసుకెళ్లిన ఈ మూవీ నార్త్ ఇండియాతో పాటు ఓవర్సీస్ మార్కెట్లోనూ సునామీ సృష్టించింది.
విజువల్ ఎఫెక్ట్స్, గూస్బంప్స్ తెప్పించే యాక్షన్ సీన్స్, బ్యాక్గ్రౌండ్ స్కోర్ ఈ సినిమాను ఆల్ టైమ్ ఇండస్ట్రీ హిట్ రేంజ్లో నిలబెట్టాయి. ఇండియాలో సరికొత్త రూ. 1,700 కోట్ల క్లబ్ను ఓపెన్ చేసిన మొదటి సినిమాగా చరిత్రకెక్కింది.
బాక్సాఫీస్ను షేక్ చేసిన బాలీవుడ్ బిగ్గీస్
రెండో స్థానంలో సన్నీ డియోల్ 'బోర్డర్ 2' రూ. 436.8 కోట్ల నుంచి రూ. 464.5 కోట్ల గ్రాస్తో నిలిచింది. 1997 క్లాసిక్ 'బోర్డర్' సీక్వెల్గా వచ్చిన ఈ వార్ డ్రామా ఇండియన్ ఆడియన్స్కు విపరీతమైన ఎమోషనల్ కనెక్ట్ ఇచ్చింది.
ఇక డివోషనల్ ఫాంటసీ మూవీ 'హనుమాన్ అంశ్' రూ. 352.3 కోట్ల నుంచి రూ. 367.5 కోట్లతో మూడో స్థానాన్ని కైవసం చేసుకుంది. బిగ్ స్క్రీన్పై పాపులర్ అయిన 'మీర్జాపూర్: ది మూవీ' కూడా రూ. 302.2 కోట్ల నుంచి రూ. 306.6 కోట్లు రాబట్టి నార్త్ బెల్ట్లో భారీ బ్లాక్బస్టర్గా నిలిచింది.
టాలీవుడ్ మాస్ పవర్: ‘పెద్ది’, ‘మన శంకర వరప్రసాద్ గారు’
సౌత్ సినిమాల విషయానికి వస్తే టాలీవుడ్ తన సత్తా చాటింది. గ్లోబల్ స్టార్ రామ్ చరణ్, బుచ్చిబాబు సానా కలయికలో వచ్చిన స్పోర్ట్స్ యాక్షన్ డ్రామా 'పెద్ది' వరల్డ్వైడ్గా రూ. 330 కోట్ల నుంచి రూ. 350.4 కోట్ల కలెక్షన్లు రాబట్టి రూ. 300 కోట్ల మార్క్ను దాటేసింది. ఈ లిస్టులో పెద్ది నాలుగో స్థానంలో ఉండటం విశేషం.
మరోవైపు సంక్రాంతి రేసులో వచ్చి బ్లాక్బస్టర్ విజయాన్ని అందుకొని మెగాస్టార్ చిరంజీవి అలరించిన 'మన శంకర వరప్రసాద్ గారు' రూ. 300 కోట్ల నుంచి రూ. 310 కోట్లు వసూలు చేసి ఈ లిస్ట్లో పదో స్థానాన్ని దక్కించుకుంది. మాస్, ఫ్యామిలీ ఎలిమెంట్స్ ఈ సినిమాకు మైండ్ బ్లోయింగ్ వసూళ్లు తెచ్చిపెట్టాయి.
కన్నడ, తమిళ, మలయాళ సినిమాల కలెక్షన్ల హంగామా
కన్నడ రాకింగ్ స్టార్ యశ్ నటించిన మోస్ట్ అవేటెడ్ సినిమా 'టాక్సిక్' కన్నడ, ఇంగ్లీష్ భాషల్లో విడుదలై ప్రపంచవ్యాప్తంగా రూ. 320 కోట్ల నుంచి రూ. 345.7 కోట్ల గ్రాస్ సాధించి ఐదో స్థానంలో నిలిచింది. గీతు మోహన్దాస్ మేకింగ్, డార్క్ యాక్షన్ డ్రామా కాన్సెప్ట్ కుర్రాళ్లకు పిచ్చపిచ్చగా నచ్చేసింది.
మలయాళ ఇండస్ట్రీ నుంచి అనూహ్య విజయం సాధించిన 'బెత్లెహెమ్ కుటుంబ యూనిట్' రూ. 324.5 కోట్ల నుంచి రూ. 326 కోట్లతో ఆరో స్థానాన్ని దక్కించుకుని అందరినీ ఆశ్చర్యపరిచింది.
తమిళ ఇండస్ట్రీ నుంచి మాస్ హీరో దళపతి విజయ్ లీడ్ రోల్లో వచ్చిన 'జన నాయగన్' రూ. 320 కోట్ల నుంచి రూ. 328.4 కోట్లతో ఏడో స్థానంలో ఉండగా, సూర్య వైవిధ్యమైన అవతారంలో వచ్చిన 'కరుప్పు' మూవీ రూ. 310 కోట్ల నుంచి రూ. 315 కోట్లు వసూలు చేసి ఎనిమిదో స్థానాన్ని సొంతం చేసుకుంది.
| ర్యాంక్ | సినిమా పేరు | లాంగ్వేజ్ | వరల్డ్వైడ్ కలెక్షన్స్ |
|---|---|---|---|
| #1 | ధురంధర్: ది రివేంజ్ (Dhurandhar: The Revenge) | హిందీ | ₹1,714.8 నుండి ₹1,852 కోట్లు |
| #2 | బోర్డర్ 2 (Border 2) | హిందీ | ₹436.8 నుండి ₹464.5 కోట్లు |
| #3 | హనుమాన్ అంశ (Hanuman Ansh) | హిందీ | ₹352.3 నుండి ₹367.5 కోట్లు |
| #4 | పెద్ది (Peddi) | తెలుగు | ₹330 నుండి ₹350.4 కోట్లు |
| #5 | టాక్సిక్ (Toxic) | కన్నడ / ఇంగ్లీష్ | ₹320 నుండి ₹345.7 కోట్లు |
| #6 | బేత్లెహేమ్ కుటుంబ యూనిట్ (Bethlehem Kudumba Unit) | మలయాళం | ₹324.5 నుండి ₹326 కోట్లు |
| #7 | జన నాయగన్ (Jana Nayagan) | తమిళం | ₹320 నుండి ₹328.4 కోట్లు |
| #8 | కరుప్పు (Karuppu) | తమిళం | ₹310 నుండి ₹315 కోట్లు |
| #9 | మీర్జాపూర్: ది మూవీ (Mirzapur: The Movie) | హిందీ | ₹302.2 నుండి ₹306.6 కోట్లు |
| #10 | మన శంకర వర ప్రసాద్ గారు (Mana Shankara Vara Prasad Garu) | తెలుగు | ₹300 నుండి ₹310 కోట్లు |
