E-Paper
వెంకటేశ్, త్రివిక్రమ్ సినిమాలో ఆ కన్నడ బ్యూటీ.. బర్త్డే విషెస్ చెబుతూ మేకర్స్ పోస్ట్
వెంకటేశ్, త్రివిక్రమ్ శ్రీనివాస్ కాంబినేషన్ లో వస్తున్న సినిమాలో మరో కన్నడ అందాన్ని ఫిమేల్ లీడ్ గా తీసుకున్నారు. కేజీఎఫ్ ఫేమ్ శ్రీనిధి శెట్టికి బర్త్ డే విషెస్ చెబుతూ మేకర్స్ ఈ విషయాన్ని అధికారికంగా అనౌన్స్ చేశారు.
వెంకటేశ్, త్రివిక్రమ్ శ్రీనివాస్ క్రేజీ కాంబినేషన్ లో మరో మూవీ వస్తున్న విషయం తెలుసు కదా. ఈ సినిమాను ఈ మధ్యే అధికారికంగా అనౌన్స్ చేశారు. వెంకీ తన కెరీర్లో నటిస్తున్న 77వ సినిమా ఇది. సంక్రాంతికి వస్తున్నాం బ్లాక్బస్టర్ హిట్ తర్వాత వెంకటేశ్ నటిస్తున్న మూవీ. ఇందులో ఫిమేల్ లీడ్ ను మేకర్స్ అనౌన్స్ చేశారు.
వెంకీ సరసన శ్రీనిధి శెట్టి
కన్నడ అందం, కేజీఎఫ్ ఫేమ్ శ్రీనిధి శెట్టి మరో తెలుగు సినిమాలో ఛాన్స్ కొట్టేసింది. అది కూడా వెంకటేశ్, త్రివిక్రమ్ కాంబినేషన్లో వస్తున్న మూవీ కావడం విశేషం. మంగళవారం (అక్టోబర్ 21) ఆమె తన పుట్టిన రోజు జరుపుకుంది. ఆమెకు విషెస్ చెబుతూ మేకర్స్ ఈ విషయాన్ని అధికారికంగా అనౌన్స్ చేశారు. కొన్ని రోజులుగా శ్రీనిధే ఈ మూవీలో ఫిమేల్ లీడ్ అని వార్తలు వస్తున్నాయి.
ఇప్పుడు మేకర్స్ హారిక అండ్ హాసిని క్రియేషన్స్ సోషల్ మీడియా ద్వారా దానిని కన్ఫమ్ చేసింది. “గార్జియస్, గ్రేషియస్ శ్రీనిధి శెట్టికి బర్త్ డే విషెస్.. హ్యాపీ బర్త్ డే శ్రీనిధి శెట్టి.. ప్రొడక్షన్ నం.8లో మిమ్మల్ని తీసుకోవడం ఎక్సైటింగా ఉంది..” అనే క్యాప్షన్ తో పోస్ట్ చేశారు.
శ్రీనిధి శెట్టి వరుస తెలుగు సినిమాలు
శ్రీనిధి శెట్టి మొదట కేజీఎఫ్ ఛాప్టర్ 1 సినిమాలో పాపులర్ అయింది. ఆ సినిమా ద్వారా ఆమె దేశమంతా తెలిసిన పేరు అయింది. అయితే ఆ రెండు మూవీస్ హిట్ అయినా.. కన్నడలో పెద్దగా అవకాశాలు రాలేదు. కానీ ఈ మధ్య తెలుగులో వరుసగా అవకాశాలు సొంతం చేసుకుంది. నానితో హిట్ 3 మూవీలో నటించిన ఆమె.. ఈ మధ్యే తెలుసు కదాలోనూ కనిపించింది. ఇక ఇప్పుడు వెంకటేశ్, త్రివిక్రమ్ సినిమాలో ఛాన్స్ కొట్టేసింది.
ఈ సినిమాను సూర్యదేవర రాధాకృష్ణ నిర్మిస్తున్నాడు. హారిక అండ్ హాసిని బ్యానర్లో మూవీ రూపొందుతోంది. ఈ సినిమాకు యానిమల్ ఫేమ్ హర్షవర్దన్ రామేశ్వర్ మ్యూజిక్ అందించనున్నట్లు వార్తలు వస్తున్నాయి. దీనిపై అధికారిక సమాచారం త్వరలోనే రానుంది. అయితే వెంకీ, త్రివిక్రమ్ కాంబినేషనే ఈ సినిమాపై ఎక్కడ లేని అంచనాలను పెంచేస్తోంది.
