Vijay Devarakonda: రణబాలి కోసం విజయ్ దేవరకొండ కష్టం చూశారా? గూస్ బంప్స్ వీడియో.. ఫ్యాన్స్‌తో కేక్ క‌టింగ్‌

Vijay Devarakonda: విజయ్ దేవరకొండ హీరోగా నటిస్తున్న భారీ ప్రాజెక్ట్ ‘రణబాలి’. ఈ మూవీలో ఓ పోరాట వీరుడిగా విజయ్ నటిస్తున్నాడు. ఇవాళ విజయ్ బర్త్ డే సందర్భంగా ఈ మూవీ టీమ్ బీటీఎస్ వీడియో రిలీజ్ చేసింది. ఈ చిత్రం కోసం విజయ్ కష్టాన్ని చూస్తుంటే గూస్ బంప్స్ రావడం పక్కా.

Vijay Devarakonda: పాన్ ఇండియా లెవల్లో బాక్సాఫీస్ ను షేక్ చేయడానికి ‘రణబాలి’లా వస్తున్నాడు విజయ్ దేవరకొండ. ఈ రౌడీ హీరో నటిస్తున్న అప్ కమింగ్ మూవీ ఇది. ఇవాళ (మే 9) విజయ్ దేవరకొండ బర్త్ డే సందర్భంగా రణబాలి మూవీ టీమ్ బీటీఎస్ వీడియో షేర్ చేసింది. ఇందులో గుర్రాన్ని తోలడం కోసం విజయ్ ఎంతలా కష్టపడ్డాడో చూపించారు.

విజయ్ దేవరకొండ (x/RanabaaliFilm)

హ్యాపీ బర్త్ డే విజయ్

విజయ్ దేవరకొండకు బర్త్ డే విషెస్ చెప్తూ రణబాలి మూవీ టీమ్ రిలీజ్ చేసిన బీటీఎస్ వీడియో గూస్ బంప్స్ తెప్పించేలా ఉంది. ‘‘మా స్టాలియన్ (మేలు జాతి గుర్రం) విజయ్ దేవరకొండకు హ్యాపీ బర్త్ డే. పీక్ సినిమాలో పీక్ విజయ్ దేవరకొండను చూసేందుకు రెడీ అవండి. సెప్టెంబర్ 11న ప్రపంచవ్యాప్తంగా గ్రాండ్ గా రిలీజ్ కానుంది’’ అని రణబాలి టీమ్ ఓ వీడియోను ఎక్స్ లో పోస్టు చేసింది.

విజయ్ కష్టం

రణబాలి సినిమాలో గుర్రంపై వచ్చే వీరుడిలా విజయ్ దేవరకొండ కనిపించనున్నాడు. అందుకే ఈ మూవీ కోసం ప్రత్యేకంగా హార్స్ రైడింగ్ నేర్చుకున్నాడు. విజయ్ హార్స రైడింగ్ నేర్చుకోవడం, పట్టు తప్పి కింద పడిపోవడం, తిరిగి గుర్రాన్ని లొంగదీసుకోవడం, స్వారీ చేయడాన్ని ఈ వీడియోలో చూపించారు. ఈ వీడియో గూస్ బంప్స్ తెప్పించేలా ఉంది.

విజయ్ దేవరకొండ, రష్మిక మందన్న జంటగా నటిస్తున్న రణబాలి సినిమా సెప్టెంబర్ 11, 2026న ప్రపంచవ్యాప్తంగా రిలీజ్ కానుంది.

ఫ్యాన్స్ తో కేక్ కటింగ్

తన బర్త్ డే సందర్భంగా ఫ్యాన్స్ తో కలిసి విజయ్ దేవరకొండ కేక్ కట్ చేశాడు. తన ఇంటికి వచ్చిన ఫ్యాన్స్ ను అతను డిసప్పాయింట్ చేయలేదు. బయటకు వెళ్లి తన కోసం స్పెషల్ గా తెచ్చిన కేక్ ను విజయ్ కట్ చేశాడు. ఈ వీడియో కూడా సోషల్ మీడియాలో తెగ చక్కర్లు కొడుతోంది.

రష్మిక హాయ్

విజయ్ దేవరకొండ కోసం తమ ఇంటికి వచ్చిన ఫ్యాన్స్ ను రష్మిక మందన్న కూడా పలకరించింది. విజయ్, రష్మిక బాల్కనీపై నుంచి అభిమానులకు హాయ్ చెప్పారు.