Vijay Deverakonda: టాలీవుడ్ స్టార్ కపుల్ విజయ్ దేవరకొండ, రష్మిక మందన్న తమ పర్సనల్ లైఫ్, పెళ్లికి సంబంధించిన విషయాలపై సోషల్ మీడియాలో జరుగుతున్న విష ప్రచారానికి చెక్ పెడుతూ సరికొత్త యుద్ధమే ప్రకటించారు. ఇటీవల ప్రముఖ బాలీవుడ్ టాక్ షో 'కాఫీ విత్ కరణ్ సీజన్ 9' (Koffee With Karan 9)లో ఈ జంట పాల్గొన్న సంగతి తెలిసిందే.
ఆ ఎపిసోడ్‌లో తమ ప్రేమ, ప్రపోజల్ గురించి సరదాగా పంచుకున్న మాటలను కొంతమంది సోషల్ మీడియా సైకాలజిస్టులు, నెటిజన్లు తప్పుగా చిత్రీకరిస్తూ విజయ్‌ను 'రెడ్ ఫ్లాగ్' అంటూ విమర్శించడం ప్రారంభించారు. తాజాగా ఈ నెగెటివిటీపై రౌడీ స్టార్ విజయ్ దేవరకొండ తన మార్క్ బోల్డ్ స్టైల్లో స్పందిస్తూ నెట్టింట అగ్గి రాజేశారు. ఇప్పటికే రష్మిక సుదీర్ఘ పోస్ట్‌తో ట్రోలర్ల నోళ్లు మూయించగా, ఇప్పుడు విజయ్ వైల్డ్ రెస్పాన్స్ సోషల్ మీడియాను ఊపేస్తోంది.
"నా బెస్ట్ ఫ్రెండ్.. నా భార్య": విజయ్ ఎమోషనల్ అండ్ రౌడీ పోస్ట్
రష్మికతో కలిసి ఉన్న ఒక రొమాంటిక్ వీడియో, పిక్‌ను తన సోషల్ మీడియా ఖాతాలో పంచుకున్న విజయ్.. విమర్శకుల నోళ్లు మూయించేలా ఒక ఘాటైన నోట్ రాసుకొచ్చారు.
"నా బెస్ట్ ఫ్రెండ్, నా భార్య, నా సర్వస్వం. నా జీవితంలో నేను సరిగ్గా ఎంచుకున్న అత్యంత అందమైన భాగం ఆమె. మా గురించి ఆందోళన చెందుతున్న వారందరికీ చెబుతున్నా.. మేమిద్దరం అత్యంత సంతోషంగా, ఆనందంగా ఉన్నాం. ఆ దేవుడి ఆశీస్సులు మాపై ఉన్నాయి. ఒకవేళ ఈ ప్రపంచానికి వ్యతిరేకంగా నేనూ-ఆమె నిలబడాల్సి వచ్చినా నేను సిద్ధమే. నిజమైన ప్రేమను, సాధారణంగా ఆనందంగా జీవించే జీవితాన్ని ఆస్వాదించే ప్రతి ఒక్కరికీ నా బిగ్ లవ్. ఇక మిగిలిన వాళ్లందరికీ.. ఎలాంటి గౌరవం లేదా మర్యాద లేకుండా చెబుతున్నా.. పక్కకెళ్లి.. (f*** Themselves) - దేవరకొండ విజయ్ సాయి" అంటూ విజయ్ రాసుకొచ్చిన క్యాప్షన్ ఇప్పుడు ఇండస్ట్రీ వ్యాప్తంగా సెన్సేషన్ సృష్టిస్తోంది.
విజయ్ కంటే ముందే విరుచుకుపడ్డ రష్మిక
విజయ్ ఈ తీవ్రమైన పోస్ట్ పెట్టడానికి కొద్ది గంటల ముందే రష్మిక మందన్న కూడా ఎనిమిది పేజీల సుదీర్ఘమైన లేఖ ద్వారా ట్రోలర్లకు గట్టి కౌంటర్ ఇచ్చారు.
{{/usCountry}}విజయ్ ఈ తీవ్రమైన పోస్ట్ పెట్టడానికి కొద్ది గంటల ముందే రష్మిక మందన్న కూడా ఎనిమిది పేజీల సుదీర్ఘమైన లేఖ ద్వారా ట్రోలర్లకు గట్టి కౌంటర్ ఇచ్చారు.
{{/usCountry}}"నాకు నా భర్త అంటే పిచ్చి. ఒక భార్య తన భర్తను ప్రేమించడం ఎప్పటినుంచి తప్పు అయిపోయింది?" అని నెటిజన్లను నిలదీశారు. విజయ్ పెళ్లికి సమయం తీసుకోవడం వెనుక ఉన్న ప్రాక్టికల్ ఆలోచనను సమర్థిస్తూ, తమ కుటుంబాలను ఈ వివాదంలోకి లాగడం ఫెమినిజం కాదని, అది కేవలం వేధింపులు మాత్రమేనని స్పష్టం చేశారు.
అసలు వివాదం ఎలా మొదలైంది?
2018లో వచ్చిన 'గీత గోవిందం', 2019లో వచ్చిన 'డియర్ కామ్రేడ్' చిత్రాలతో వెండితెరపై మైండ్ బ్లోయింగ్ కెమిస్ట్రీ పండించిన ఈ జంట.. 2026 ఫిబ్రవరి 26న ఉదయ్‌పూర్ వేదికగా వివాహ బంధంతో ఒకటయ్యారు. అయితే 'కాఫీ విత్ కరణ్ 9' షోలో విజయ్ మాట్లాడుతూ.. రష్మిక తనను పెళ్లి చేసుకోవాలని 100 సార్లు అడిగిందని సరదాగా వ్యాఖ్యానించారు.
దీనిని తప్పుబడుతూ కొంతమంది నెటిజన్లు రష్మిక మాత్రమే ఈ బంధంలో ఎక్కువ శ్రద్ధ చూపిస్తోందని, విజయ్ అహంకారంతో ప్రవర్తిస్తున్నారంటూ పాత వీడియోలను కట్ చేసి ట్రోల్ చేయడం ప్రారంభించారు.
ప్రస్తుతం థియేటర్లలో విజయ్-రష్మిక జంటగా నటించిన 'రణబాలి' (Ranabaali) బాక్సాఫీస్ దగ్గర ఫర్వాలేదనిపిస్తుండగా.. బయట వీరిద్దరూ ట్రోలర్లకు ఇచ్చిన ఊహించని మాస్ కౌంటర్ సోషల్ మీడియాలో హాట్ టాపిక్‌గా మారింది.