Vijay Deverakonda: ఈ అబ్బాయి చాలా చాలా మంచోడు.. ఎందుకీ పిచ్చి పనులు.. ఎందుకీ నెగటివిటీ: విజయ్‌పై ప్రొడ్యూసర్ రవిశంకర్

Vijay Deverakonda: రణబాలి ట్రైలర్ ఈవెంట్ లో విజయ్ దేవరకొండపై వస్తున్న ట్రోల్స్ కు ప్రొడ్యూసర్ రవిశంకర్ ఘాటుగా రిప్లై ఇచ్చారు. విజయ్ చాలా చాలా మంచోడని, ఇప్పటికైనా అవన్నీ ఆపాలని సూచించడం విశేషం.

Vijay Deverakonda: విజయ్ దేవరకొండ, రష్మిక మందన్న లీడ్ రోల్స్ లో వస్తున్న రణబాలి ట్రైలర్ లాంచ్ ఈవెంట్ గురువారం (అక్టోబర్ 8) ఘనంగా జరిగింది. ఈ ఈవెంట్ లో మైత్రీ మూవీ మేకర్స్ ప్రొడ్యూసర్ రవిశంకర్ చాలా ఇంట్రెస్టింగ్ కామెంట్స్ చేశారు. మూవీ గురించి, డైరెక్టర్ రాహుల్ సంకృత్యాన్ గురించి గొప్పగా చెబుతూనే.. విజయ్ దేవరకొండపై చేసిన కామెంట్స్ వైరల్ అవుతున్నాయి.

Vijay Deverakonda: ఈ అబ్బాయి చాలా చాలా మంచోడు.. ఎందుకీ పిచ్చి పనులు.. ఎందుకీ నెగటివిటీ: విజయ్‌పై ప్రొడ్యూసర్ రవిశంకర్

ఈ అబ్బాయి చాలా చాలా మంచోడు..

కొన్నేళ్లుగా విజయ్ దేవరకొండ ఏం చేసినా సోషల్ మీడియాలో తీవ్రమైన నెగిటివిటీ వస్తున్న విషయం తెలుసు కదా. ఈ విషయాన్ని రవిశంకర్ ప్రస్తావించారు. రణబాలి ట్రైలర్ లాంచ్ ఈవెంట్ వేదికపై నుంచి ఓ స్పెషల్ రిక్వెస్ట్ చేయడం విశేషం.

“అందరికీ ఓ విన్నపం. విజయ్ మాకు తెలిసి ఓ 8 ఏళ్లుగా చూస్తున్నాం. మేం చూసినదాంట్లో అద్భుతమైన వ్యక్తిత్వం, అద్బుతమైన వ్యక్తి. అతను మాకు ఎంతో ఇష్టం. అంత మంచోడు. అలాంటి వ్యక్తిపై ఈ మధ్య సోషల్ మీడియాలో పనిగట్టుకొని నెగటివ్ ప్రచారాలు చేస్తున్నారు. మీ అందరికీ ఒక మాట చెబుతున్నాను.. ఈ అబ్బాయి చాలా మంచోడు. ఎందుకు మీ అందరికీ ఈ పిచ్చి పిచ్చి పనులు.. అతను పెట్టిన ఎఫర్ట్ చూసి మెచ్చుకోండి.. ఏదైనా సినిమా నచ్చకపోతే దానిని విమర్శించండి. అంతేకానీ ఎందుకింత నెగటివిటీ. మళ్లీ మళ్లీ చెబుతున్నాను.. విజయ్ చాలా చాలా మంచోడు” అని రవిశంకర్ అన్నారు. అది విన్న విజయ్ స్టేజ్ కింద నవ్వుతూ కనిపించారు.

ట్రైలర్ కూడా రిలీజ్ చేయకుండానే ఎందుకీ విమర్శలు

రణబాలి మూవీపై వస్తున్న విమర్శలకూ రవిశంకర్ సమాధానం ఇచ్చారు. తాము కనీసం ట్రైలర్ కూడా రిలీజ్ చేయకుండానే ఇది బ్రిటీష్ కథ అంట… ఇది ఆడుతుందా అని కామెంట్స్ చేస్తున్నారని ఆయన ఆవేదన వ్యక్తం చేశారు. దయచేసి విజయ్ పై మీ మనసుల్లో ఏదైనా నెగటివిటీ ఉంటే తీసేయాలని, అతడు చాలా చాలా మంచోడని, తన క్యారెక్టర్, తన సినిమాలేవో తాను చూసుకుంటాడు తప్ప ఎవరి గురించీ తప్పుగా మాట్లాడడని స్పష్టం చేశారు.

మరోవైపు విజయ్, రష్మిక పెళ్లి తర్వాత కలిసి తొలిసారి నటించిన రణబాలి మూవీ అక్టోబర్ 16న గ్రాండ్ గా రిలీజ్ కాబోతోంది. వరుస ఫ్లాపులతో సతమతమవుతున్న విజయ్ ఈ మూవీపై భారీ ఆశలే పెట్టుకున్నారు. మరి ఈ మూవీకి ఆడియెన్స్ నుంచి ఎలాంటి రెస్పాన్స్ వస్తుందో చూడాలి.