Tamil Web Series: విజయ్ సేతుపతి ‘విశ్వరూపం’.. ఓటీటీని షేక్ చేయనున్న ‘కాట్టాన్’.. స్ట్రీమింగ్ డేట్ ఫిక్స్.. తెలుగులోనూ..

ప్రముఖ నటుడు విజయ్ సేతుపతి నటిస్తున్న తమిళ వెబ్ సిరీస్ (Tamil Web Series) కాట్టాన్ ఓటీటీలోకి వస్తోంది. ఈ సిరీస్ స్ట్రీమింగ్ తేదీని తాజాగా జియోహాట్‌స్టార్ ఓటీటీ అనౌన్స్ చేసింది. ఆ విశేషాలు ఇక్కడ చూడండి.

Published on: Feb 27, 2026, 16:38:26 IST

By Hari Prasad S, Hyderabad

Prefer HTon Google

Share via

Copy link

మక్కల్ సెల్వన్ విజయ్ సేతుపతి ప్రధాన పాత్రలో నటించిన మోస్ట్ అవేటెడ్ తమిళ్ వెబ్ సిరీస్ ‘కాట్టాన్’ (Kaattaan) విడుదలకు సిద్ధమైంది. ప్రముఖ దర్శకుడు ఎం. మణికందన్ తెరకెక్కించిన ఈ యాక్షన్ డ్రామా మార్చి 27 నుంచి జియోహాట్‌స్టార్‌లో స్ట్రీమింగ్ కానుంది.

Tamil Web Series: విజయ్ సేతుపతి ‘విశ్వరూపం’.. ఓటీటీని షేక్ చేయనున్న ‘కాట్టాన్’.. స్ట్రీమింగ్ డేట్ ఫిక్స్.. తెలుగులోనూ..

మణికందన్ - విజయ్ సేతుపతి హ్యాట్రిక్

వైవిధ్యమైన పాత్రలతో మెప్పించే విజయ్ సేతుపతి ఇప్పుడు డిజిటల్ తెరపై తన విశ్వరూపం చూపించేందుకు సిద్ధమయ్యాడు. అతడు నటిస్తున్న తాజా వెబ్ సిరీస్ ‘కాట్టాన్’ (ముత్తు అలియాస్ కాట్టాన్) విడుదల తేదీ ఖరారైంది. జియోహాట్‌స్టార్ గతేడాది ప్రకటించిన భారీ కంటెంట్ జాబితాలో భాగంగా రూపొందిన ఈ వెబ్ సిరీస్, మార్చి 27 నుంచి ప్రేక్షకులను పలకరించనుంది.

‘కాకా ముట్టై’, ‘కడైసి వివసాయి’ వంటి జాతీయ అవార్డు గెలుచుకున్న సినిమాలను అందించిన దర్శకుడు ఎం. మణికందన్ ఈ వెబ్ సిరీస్‌ను రూపొందించాడు. విజయ్ సేతుపతి - మణికందన్ కాంబినేషన్‌లో గతంలో వచ్చిన ‘ఆండవన్ కట్టలై’, ‘కడైసి వివసాయి’ విమర్శకుల ప్రశంసలు అందుకున్నాయి. ఇప్పుడు వీరిద్దరి కలయికలో వస్తున్న మూడో ప్రాజెక్ట్ కావడంతో ‘కాట్టాన్’పై భారీ అంచనాలు నెలకొన్నాయి. విశేషమేమిటంటే రియలిస్టిక్ సినిమాలకు కేరాఫ్ అడ్రస్‌గా నిలిచే మణికందన్, మొదటిసారిగా ఈ సిరీస్‌తో పూర్తి స్థాయి 'యాక్షన్' జోనర్‌ను టచ్ చేస్తున్నాడు.

రూరల్ యాక్షన్ డ్రామా

‘కాట్టాన్’ ఒక రా అండ్ రస్టిక్ రూరల్ యాక్షన్ డ్రామాగా ఉండబోతోంది. ఈ వెబ్ సిరీస్‌లో విజయ్ సేతుపతి మునుపెన్నడూ చూడని అత్యంత ఉగ్ర రూపంలో కనిపిస్తారని సమాచారం. దీనికి ‘A’ సర్టిఫికేట్ లభించడం ఈ వెబ్ సిరీస్‌లోని హింస, తీవ్రత ఏ స్థాయిలో ఉంటుందో సూచిస్తోంది. ఈ కథ విన్నప్పుడు తాను ఒక కొత్త అనుభూతికి లోనయ్యానని, మనసుకి చాలా హాయిగా అనిపించిందని విజయ్ సేతుపతి గతంలో పేర్కొన్నాడు.

తెలుగులోనూ రిలీజ్

తెలుగు ప్రేక్షకులకు కూడా మేకర్స్ గుడ్ న్యూస్ చెప్పారు. ఈ కాట్టాన్ వెబ్ సిరీస్ ను తమిళంతో పాటు తెలుగు, హిందీ, మలయాళం, కన్నడ, మరాఠీ, బెంగాలీ భాషల్లో కూడా అందుబాటులోకి రానుంది. త్వరలోనే దీనికి సంబంధించిన టీజర్ విడుదల కానుంది. అందులో ఇతర నటీనటులు, కథాంశంపై మరింత స్పష్టత రానుంది. జియోహాట్‌స్టార్ ఓటీటీతోపాటు ఓటీటీప్లే ప్రీమియం సబ్‌స్క్రిప్షన్ ఉన్నా కూడా ఈ సిరీస్ చూడొచ్చు.

ABOUT THE AUTHOR
Hari Prasad S
హరి ప్రసాద్ శీలమంతుల ప్రస్తుతం హిందుస్థాన్ టైమ్స్ తెలుగులో అసిస్టెంట్ న్యూస్ ఎడిటర్‌గా బాధ్యతలు నిర్వహిస్తున్నారు. మీడియా రంగంలో 20 ఏళ్లకు పైగా సుదీర్ఘ అనుభవం కలిగిన ఆయన, డిజిటల్ మీడియాలో గత 10 ఏళ్లుగా విశేష సేవలందిస్తున్నారు. ముఖ్యంగా క్రికెట్ విశ్లేషణలు, సినిమా వార్తలను అందించడంలో ఆయనకు ప్రత్యేక గుర్తింపు ఉంది. ఆయన తన అద్భుతమైన పనితీరుకు గాను ప్రస్తుత సంస్థలో ప్రతిష్టాత్మకమైన 'డిజీ జర్నో ఆఫ్ ది క్వార్టర్' (Digi Journo of the Quarter) అవార్డును అందుకున్నారు. ఇది డిజిటల్ జర్నలిజంలో ఆయన చూపిస్తున్న నిబద్ధతకు, వార్తా సేకరణలో ఆయన పాటించే ఖచ్చితత్వానికి నిదర్శనం. హరి ప్రసాద్ తన కెరీర్‌లో ప్రింట్, ఎలక్ట్రానిక్, డిజిటల్ మీడియా వంటి మూడు ప్రధాన విభాగాల్లోనూ పనిచేశారు. హిందుస్థాన్ టైమ్స్‌లో చేరకముందు, ఆయన తెలుగు రాష్ట్రాల్లోని ప్రముఖ దినపత్రికలు, టీవీ ఛానెళ్లయిన ఈనాడు, ఆంధ్రజ్యోతి, సాక్షి వంటి సంస్థలలో కీలక బాధ్యతలు నిర్వహించారు. నవంబర్ 1, 2021న హిందుస్థాన్ టైమ్స్ తెలుగు టీమ్‌లో చేరిన ఆయన.. ప్రస్తుతం స్పోర్ట్స్ (ముఖ్యంగా క్రికెట్ అనాలసిస్), ఎంటర్‌టైన్మెంట్ సెక్షన్ల బాధ్యతలను చూసుకుంటున్నారు. ఈయన ఉస్మానియా యూనివర్సిటీ నుంచి బీఎస్సీ (కంప్యూటర్ సైన్స్) పట్టా పొందారు. సాంకేతిక పరిజ్ఞానంతో పాటు జర్నలిజంపై ఉన్న మక్కువతో జర్నలిజంలో డిప్లొమా పూర్తి చేసి, వృత్తిపరమైన నైపుణ్యాలను మెరుగుపరుచుకున్నారు. క్రీడా రంగంలో వస్తున్న మార్పులను, సినిమా ఇండస్ట్రీ అప్‌డేట్స్‌ను లోతుగా విశ్లేషించి పాఠకులకు అర్థమయ్యే రీతిలో అందించడం హరి ప్రసాద్ శైలి.Read More

Home/Entertainment/Tamil Web Series: విజయ్ సేతుపతి ‘విశ్వరూపం’.. ఓటీటీని షేక్ చేయనున్న ‘కాట్టాన్’.. స్ట్రీమింగ్ డేట్ ఫిక్స్.. తెలుగులోనూ..