E-Paper
Vishwambhara: దసరాకు కూడా లేనట్లే-విశ్వంభర మేకర్స్ పై మెగా ఫ్యాన్స్ కోపం-చిరంజీవి బర్త్ డేకు పోస్టర్ మాత్రమే రిలీజ్!
Vishwambhara: చిరంజీవి పుట్టిన రోజునాడు మెగా ఫ్యాన్స్ ను విశ్వంభర మూవీ టీమ్ తీవ్రంగా డిసప్పాయింట్ చేసింది. ఎంతో ఆశగా ఎదురు చూసినా కూడా మూవీ రిలీజ్ డేట్ చెప్పకుండా కేవలం ఓ మోషన్ పోస్టర్ మాత్రమే రిలీజ్ చేశారు. దీంతో అసలు విశ్వంభర రిలీజ్ అవుతుందా? అని అభిమానులు ఫైర్ అవుతున్నారు.
Vishwambhara: మెగాస్టార్ చిరంజీవి బర్త్ డే (ఆగస్టు 22) సందర్బంగా ఫ్యాన్స్ కు డబుల్ ట్రీట్ ఉంటుందని అంతా అనుకున్నారు. అయితే బాబీ కొల్లి- చిరంజీవి మూవీ టైటిల్, రిలీజ్ డేట్ వచ్చేశాయి. కానీ ఎప్పటి నుంచో ఎదురు చూస్తున్న విశ్వంభర రిలీజ్ డేట్ విషయంలో మాత్రం మేకర్స్ తీవ్రంగా నిరాశపరిచారు.
విశ్వంభర అప్డేట్
చిరంజీవి పుట్టిన రోజు సందర్భంగా విశ్వంభర రిలీజ్ డేట్ ను అనౌన్స్ చేస్తారని ఫ్యాన్స్ అనుకున్నారు. కానీ సింపుల్ గా ఓ మోషన్ పోస్టర్ ను పోస్టు చేసి మేకర్స్ తీవ్రంగా డిసప్పాయింట్ చేశారు. మూవీ టీమ్ కేవలం ప్రత్యేక పోస్టర్, ఒరిజినల్ సౌండ్ ట్రాక్ (OST) విడుదల చేయడానికి మాత్రమే పరిమితమైంది.
త్వరలో అంటూ
"అనంత విశ్వాన్ని దాటే మెగా మాస్ అనుభూతిని విశ్వంభరతో త్వరలోనే వీక్షకులు తిలకించనున్నారు. మన అందరి ప్రియతమ మెగాస్టార్ చిరంజీవి గారికి జన్మదిన శుభాకాంక్షలు. ఈ ప్రత్యేక రోజున స్పెషల్ పోస్టర్, ఒరిజినల్ సౌండ్ ట్రాక్ను ఆవిష్కరిస్తున్నాం" అని విశ్వంభర నిర్మాణ సంస్థ యువి క్రియేషన్స్ ఎక్స్ (ట్విట్టర్) వేదికగా పంచుకుంది.
ఇంకా ఎప్పుడు?
విశ్వంభర షూటింగ్ అప్పుడెప్పుడో 2023 అక్టోబర్ లో స్టార్ట్ అయింది. దాదాపు మూడేళ్లు అవుతోంది. కానీ మూవీ రిలీజ్ కాలేదు. రిలీజ్ డేట్ పై అప్డేట్ కూడా లేదు. ఫస్ట్ 2025 సంక్రాంతికి రిలీజ్ చేస్తామన్నారు. కానీ 2026 సంక్రాంతి వెళ్లిపోయినా కూడా విశ్వంభర మాత్రం థియేటర్లలోకి రాలేదు.
ఆ సినిమాలు
విశ్వంభర సినిమా తర్వాత మొదలైన ‘మన శంకర వర ప్రసాద్ గారు’ మూవీ 2026 సంక్రాంతికి రిలీజై బ్లాక్ బస్టర్ గా నిలిచింది. ఇప్పుడు బాబీ కొల్లి దర్శకత్వంలో వస్తున్న మూవీకి ‘కాకా’ అని పేరు పెట్టారు. ఈ చిత్రం 2027 జనవరి 13న రిలీజ్ కానుంది. కానీ విశ్వంభర రిలీజ్ డేట్ కోసం ఎదురు చూపులు మాత్రం కొనసాగుతున్నాయి.
దసరాకు కూడా లేదు
విశ్వంభర మూవీ ఈ ఏడాది దసరాకు రిలీజ్ అవుతుందేమోనని అంతా భావించారు. అక్టోబర్ 16న పక్కాగా రిలీజ్ అవుతుందని అనుకున్నారు. కానీ ఇప్పుడు మేకర్స్ తుస్ మనిపించారు. రిలీజ్ డేట్ చెప్పకుండా త్వరలో అంటూ పాత పాటే పాడారు. దీంతో దసరాకు విశ్వంభర రావడం కష్టమనే చెప్పాలి.
విశ్వంభర చిత్రంలో త్రిష, ఆషికా రంగనాథ్, కునాల్ కపూర్, మౌనీ రాయ్, పునీత్ ఇస్సార్, సౌరవ్ లోకేష్ ప్రధాన పాత్రలు పోషిస్తున్నారు. చోటా కే నాయుడు ఛాయాగ్రహణం అందిస్తుండగా, ఆస్కార్ విజేత ఎంఎం కీరవాణి స్వరాలు సమకూరుస్తున్నారు.
