War 2 TV Premiere Date: జూనియర్ ఎన్టీఆర్ తొలి హిందీ మూవీ టీవీలోకి వచ్చేస్తోంది.. వార్ 2 ప్రీమియర్ డేట్ ఇదే

War 2 TV Premiere Date: యంగ్ టైగర్ ఎన్టీఆర్, బాలీవుడ్ గ్రీక్ గాడ్ హృతిక్ రోషన్ కలిసి నటించిన భారీ యాక్షన్ ఎంటర్టైనర్ 'వార్-2' (WAR 2) వరల్డ్ టెలివిజన్ ప్రీమియర్ డేట్ ఖరారైంది. ఈ ఆదివారం సాయంత్రం 6 గంటలకు స్టార్ మాలో ఈ చిత్రం ప్రసారం కానుంది.

War 2 TV Premiere Date: జూనియర్ ఎన్టీఆర్ ఫ్యాన్స్ కు క్రేజీ అప్డేట్. అతడు నటించిన తొలి బాలీవుడ్ మూవీ టీవీ ప్రీమియర్ కు సిద్ధమైంది. స్పై థ్రిల్లర్ మూవీ వార్ 2 బుల్లితెరపై సందడి చేయబోతోంది. బాలీవుడ్ బిగ్గెస్ట్ ఫ్రాంచైజీ 'వైఆర్‌ఎఫ్ స్పై యూనివర్స్'లో భాగంగా వచ్చిన ఈ మూవీ.. థియేటర్లు, ఆ తర్వాత ఓటీటీ ప్రేక్షకులను ఆకట్టుకున్న తర్వాత ఇప్పుడు వరల్డ్ టెలివిజన్ ప్రీమియర్ కి సిద్ధమైంది.

War 2 TV Premiere Date: జూనియర్ ఎన్టీఆర్ తొలి హిందీ మూవీ టీవీలోకి వచ్చేస్తోంది.. వార్ 2 ప్రీమియర్ డేట్ ఇదే

వార్ 2 టెలివిజన్ ప్రీమియర్ వివరాలు

ప్రముఖ తెలుగు ఎంటర్టైన్మెంట్ ఛానల్ 'స్టార్ మా' (Star Maa) వార్ 2 సినిమా శాటిలైట్ హక్కులను దక్కించుకుంది. తాజా అధికారిక ప్రకటన ప్రకారం ఈ ఆదివారం అంటే మే 3వ తేదీ సాయంత్రం 6:00 గంటలకు 'వార్-2' వరల్డ్ టెలివిజన్ ప్రీమియర్ కానుంది. తెలుగులో ఈ మూవీ టెలికాస్ట్ అవుతుంది.

వారం అంతా పని ఒత్తిడిలో ఉన్నవారికి ఈ ఆదివారం సాయంత్రం ఒక పర్ఫెక్ట్ యాక్షన్ విందు కాబోతోంది. కియారా అద్వానీ హీరోయిన్ గా నటించిన ఈ సినిమాకు అయాన్ ముఖర్జీ దర్శకత్వం వహించారు.

ఎన్టీఆర్ vs హృతిక్: పోరు మామూలుగా ఉండదు

హృతిక్ రోషన్ పోషించిన మేజర్ కబీర్ పాత్రకు, మేజర్ విక్రమ్ గా ఎన్టీఆర్ తోడవ్వడంతో ఈ సినిమాపై భారీ హైప్ క్రియేట్ అయ్యింది. ఎన్టీఆర్ ఈ మూవీతో బాలీవుడ్ ఎంట్రీ ఇవ్వడమే కాకుండా, హృతిక్ వంటి స్టార్ నటుడితో సమానమైన స్క్రీన్ ప్రెజెన్స్, యాక్షన్ సీక్వెన్స్‌లతో అదరగొట్టారు. వీరిద్దరి మధ్య వచ్చే ఫేస్-ఆఫ్ సీన్స్, హై-వోల్టేజ్ యాక్షన్ ఎపిసోడ్స్ ఈ సినిమాకు ప్రధాన ఆకర్షణగా నిలిచాయి.

యాక్షన్ కు కేరాఫ్ అడ్రస్

అంతర్జాతీయ ప్రమాణాలతో రూపొందిన యాక్షన్ సీక్వెన్స్‌లు, విజువల్ ఎఫెక్ట్స్, ఎన్టీఆర్-హృతిక్ డ్యాన్స్ పెర్ఫార్మెన్స్ ప్రేక్షకులను అలరించనున్నాయి. థియేటర్లలో చూడని వారు లేదా మరోసారి ఈ విజువల్ వండర్ ని ఆస్వాదించాలనుకునే వారు ఈ వీకెండ్ లో స్టార్ మాలో ట్యూన్ అవ్వొచ్చు. ఇప్పటికే ఈ సినిమా నెట్‌ఫ్లిక్స్ ఓటీటీలో తెలుగు, హిందీ భాషల్లో స్ట్రీమింగ్ అవుతోంది. ఇప్పుడు స్టార్ మాలోకి తెలుగులో వస్తోంది.

తరచుగా అడిగే ప్రశ్నలు (FAQ)

1. ‘వార్-2’ వరల్డ్ టెలివిజన్ ప్రీమియర్ ఏ ఛానల్ లో వస్తుంది?

ఈ చిత్రం ప్రముఖ తెలుగు ఛానల్ ‘స్టార్ మా’లో ప్రసారం కానుంది.

2. వార్ 2 టీవీ ప్రీమియర్ సమయం ఎప్పుడు?

ఈ ఆదివారం అంటే మే 3వ తేదీ సాయంత్రం 6 గంటలకు ‘వార్-2’ సినిమా ప్రసారం అవుతుంది.

3. ‘వార్-2’ సినిమాలో ఎన్టీఆర్ పాత్ర పేరు ఏమిటి?

ఈ చిత్రంలో ఎన్టీఆర్ ‘మేజర్ విక్రమ్’ అనే పవర్‌ఫుల్ ఏజెంట్ పాత్రలో నటించారు.