Zee Telugu: జీ తెలుగు ‘సరిగమప’ కొత్త సీజన్ అనౌన్స్.. బెంగళూరులో ఆడిషన్స్‌.. వీళ్లకు మాత్రమే.. మీరూ అర్హులేమో చూడండి

Zee Telugu: జీ తెలుగు సింగింగ్ రియాల్టీ షో సరిగమప 2026 సీజన్ ఆడిషన్స్ ప్రారంభమయ్యాయి. బెంగళూరులో తాజాగా ఆడిషన్స్ జరగనున్నాయి. దీనికి సంబంధించిన పూర్తి వివరాలను ఆ ఛానెల్ వెల్లడించింది. అవేంటో ఇక్కడ చూడండి.

Zee Telugu: తెలుగు బుల్లితెరపై మ్యూజిక్ రియాలిటీ షోస్ ట్రెండ్‌ను మరో లెవెల్‌కు తీసుకెళ్లిన పాపులర్ ఛానల్ 'జీ తెలుగు' (Zee Telugu). సింగింగ్ లవర్స్ కోసం ఇప్పుడు మరో కొత్త సీజన్ సరిగమప ప్రారంభించబోతోంది. "ఇండియాస్ నెక్స్ట్ సింగింగ్ సెన్సేషన్" (India's Next Singing Sensation) ట్యాగ్‌లైన్‌తో గ్రాండ్‌గా లాంచ్ చేయడానికి మేకర్స్ పక్కా ప్లాన్ రెడీ చేశారు.

Zee Telugu: జీ తెలుగు ‘సరిగమప’ కొత్త సీజన్ అనౌన్స్.. బెంగళూరులో ఆడిషన్స్‌.. వీళ్లకు మాత్రమే.. మీరూ అర్హులేమో చూడండి

ఈ మెగా మ్యూజిక్ షోకు సంబంధించిన ఆన్-గ్రౌండ్ ఆడిషన్స్ ప్రక్రియ ఇప్పటికే మొదలు కాగా.. గార్డెన్ సిటీ బెంగళూరులో జూన్ 28న గ్రాండ్ ఆడిషన్స్ నిర్వహించబోతున్నట్లు జీ తెలుగు టీమ్ అఫీషియల్ ప్రెస్ నోట్ రిలీజ్ చేసింది.

అబ్బయ్య నాయుడు స్టూడియోస్ వేదిక.. టైమింగ్స్ ఇవే!

గత కొన్ని సీజన్లుగా ఈ సరిగమప షో ద్వారా ఎంతోమంది సాధారణ గాయనీగాయకులు టాలీవుడ్ ఇండస్ట్రీలోకి ప్లేబ్యాక్ సింగర్స్‌గా ఎంట్రీ ఇచ్చి రికార్డులు క్రియేట్ చేశారు. ఇప్పుడు ఆంధ్రప్రదేశ్, తెలంగాణతో పాటు ప్రపంచవ్యాప్తంగా ఉన్న తెలుగు టాలెంట్‌ను స్క్రీన్ పైకి తేవడమే ఈ షో ప్రధాన లక్ష్యంగా కనిపిస్తోంది.

బెంగళూరు, చుట్టుపక్కల ప్రాంతాల్లో ఉండే తెలుగు సింగింగ్ టాలెంట్స్ కోసం జూన్ 28న అంటే వచ్చే ఆదివారం ఉదయం 10 గంటల నుంచి మధ్యాహ్నం 3 గంటల వరకు ఈ ఆడిషన్స్ లైవ్‌గా సాగనున్నాయి. బెంగళూరులోని చిక్కలసంద్ర ఏరియా, నాయుడు లేఅవుట్, 7వ క్రాస్ రోడ్‌లో ఉన్న ఫేమస్ 'అబ్బయ్య నాయుడు స్టూడియో' (మధు ఆర్ట్ స్టూడియో)లో జీ తెలుగు జడ్జెస్ టీమ్ ఈ ఆడిషన్స్ నిర్వహించబోతోంది.

ఈ సరికొత్త 'సరిగమప' కాంటెస్ట్‌లో పార్టిసిపేట్ చేయడానికి మేకర్స్ ఒక వయసు పరిమితిని ఫిక్స్ చేశారు. 18 ఏళ్ల నుంచి 35 ఏళ్ల లోపు వయసు ఉన్న యంగ్ సింగర్స్ మాత్రమే ఈ ఆడిషన్స్‌కు అటెండ్ అవ్వడానికి అర్హులు అని క్లారిటీ ఇచ్చారు. ఇప్పటి జనరేషన్ యువతలో దాగున్న మ్యూజికల్ క్రియేటివిటీని బయటకు తీసి, వారికి నేషనల్ లెవెల్ ఎక్స్‌పోజర్ ఇవ్వడమే ఈ షో ప్రధాన ఉద్దేశం.

గతంలో ఈ వేదికపై మెరిసిన ఎంతోమంది సింగర్స్ ప్రస్తుతం తమన్, దేవి శ్రీ ప్రసాద్, ఎమ్ ఎమ్ కీరవాణి లాంటి టాప్ టాలీవుడ్ మ్యూజిక్ డైరెక్టర్ల పర్యవేక్షణలో పెద్ద పెద్ద సినిమాలకు పాటలు పాడుతూ బిజీగా మారిపోయారు. మీలో కూడా మంచి సింగింగ్ టాలెంట్ ఉండి, ఒక బిగ్ స్క్రీన్ పై మీ వాయిస్ చూపించాలనుకుంటే ఈ ఆదివారం బెంగళూరు ఆడిషన్స్ ఛాన్స్‌ను అస్సలు మిస్ చేసుకోవద్దని మేకర్స్ కోరుతున్నారు.

ఈ షోకు సంబంధించిన జడ్జెస్ ప్యానెల్, మెంటార్స్, హోస్ట్ ఎవరనే ఇంట్రెస్టింగ్ డీటెయిల్స్‌ను జీ తెలుగు ఛానల్ చాలా త్వరలోనే అఫీషియల్‌గా టీవీ ప్రోమోస్ ద్వారా రివీల్ చేయనుంది.