Zee Telugu: జీ తెలుగులో వీకెండ్ ధమాకా.. బుట్టబొమ్మ, మాస్ డైరెక్టర్ హంగామా.. కుటుంబ అవార్డులు కూడా..

Zee Telugu: ప్రముఖ తెలుగు వినోద ఛానెల్ 'జీ తెలుగు' (Zee Telugu) ఈ వీకెండ్ లో బుల్లితెర, వెండితెర తారల కోలాహలంతో సరికొత్త ఎంటర్‌టైన్‌మెంట్ కాంబోతో సిద్ధమైంది. అక్టోబర్ 31 (శనివారం) సాయంత్రం 5 గంటలకు మోస్ట్ అవేటెడ్ 'జీ తెలుగు కుటుంబ అవార్డ్స్ 2026 పార్ట్-1' ప్రసారం కానుంది.

Zee Telugu: బుల్లితెర ప్రేక్షకులకు అత్యంత ఇష్టమైన సీరియల్ తారల ప్రతిభను గుర్తించడమే కాకుండా, వెండితెర సెలబ్రిటీల అంతరంగాలను ఆవిష్కరించేందుకు ప్రముఖ వినోద ఛానెల్ ‘జీ తెలుగు’ ఈ వీకెండ్ ను గ్రాండ్ సెలబ్రేషన్స్‌తో ప్లాన్ చేసింది. ప్రతిష్టాత్మక అవార్డుల వేడుకలతో పాటు, అగ్ర దర్శకుడు, హీరోయిన్‌లతో కూడిన టాక్ షోతో ఈ శని, ఆదివారాల్లో ప్రేక్షకుల ముందుకు రాబోతోంది.

Zee Telugu: జీ తెలుగులో వీకెండ్ ధమాకా.. బుట్టబొమ్మ, మాస్ డైరెక్టర్ హంగామా.. కుటుంబ అవార్డులు కూడా..

అక్టోబర్ 31న జీ తెలుగు కుటుంబ అవార్డ్స్, నవంబర్ 1న రాత్రి 7:30 గంటలకు వర్సటైల్ యాక్టర్ జగపతి బాబు హోస్ట్‌గా చేసే 'జయమ్ము నిశ్చయమ్ము రా సీజన్ 2' లో 'బుట్టబొమ్మ' పూజా హెగ్డే, బ్లాక్‌బస్టర్ డైరెక్టర్ హరీష్ శంకర్ సందడి చేయనున్నారు. ఈ ఎంటర్‌టైన్మెంట్ హంగామాకు సంబంధించిన పూర్తి వివరాలు, ప్రసార సమయాలు మీకోసం.

జీ తెలుగు కుటుంబ అవార్డ్స్ 2026 పార్ట్-1

టీవీ ఆడియెన్స్ ను ప్రతీరోజూ అలరించే నటీనటులు, దర్శకులు, సాంకేతిక నిపుణులను గౌరవించుకునేందుకు నిర్వహిస్తున్న బిగ్గెస్ట్ ఈవెంట్ 'జీ తెలుగు కుటుంబ అవార్డ్స్ 2026' (Zee Telugu Kutumbam Awards 2026). ప్రసిద్ధ యాంకర్లు సుధీర్ (Sudheer), రవి (Ravi)ల ఎనర్జిటిక్ హోస్టింగ్‌లో రూపుదిద్దుకున్న ఈ అవార్డుల వేడుక పార్ట్-1 అక్టోబర్ 31 (శనివారం) సాయంత్రం 5 గంటలకు ప్రసారం కానుంది.

ఈ వేడుకలో 'బంగారు కుటుంబం', 'లవ్ బర్డ్స్ ఆఫ్ జీ తెలుగు', 'ఉత్తమ భార్యాభర్తలు', 'డ్రీమ్ కపుల్', 'ఉత్తమ సీరియల్', 'ఆరంభం ఒక అడుగుతోనే' వంటి వివిధ విభాగాల్లో పురస్కారాలను అందజేయనున్నారు. అలాగే ఉత్తమ యాంకర్, ఉత్తమ కథానాయకి, జయం మనదేరా, ఉత్తమ ప్రతినాయకి సీనియర్ కేటగిరీలలో అత్యుత్తమ నటన కనబరిచిన నటీనటులకు అవార్డులు ప్రధానం చేయనున్నారు.

ఆదివారం సాయంత్రం వీక్షకులకు మరో సరికొత్త అనుభూతిని అందించేందుకు 'జయమ్ము నిశ్చయమ్ము రా సీజన్ 2' (Jayammu Nischayammu Raa Season 2) సిద్ధమైంది. వర్సటైల్ యాక్టర్ జగపతి బాబు హోస్ట్‌గా వ్యవహరిస్తున్న ఈ సెలబ్రిటీ టాక్ షోలో ఈ వారం టాలీవుడ్ 'బుట్టబొమ్మ' పూజా హెగ్డే, మాస్ ప్రొడ్యూసర్ అండ్ డైరెక్టర్ హరీష్ శంకర్ ప్రత్యేక అతిథులుగా పాల్గొంటున్నారు.

ఐకాన్ స్టార్ అల్లు అర్జున్, పూజా హెగ్డే జంటగా హరీష్ శంకర్ దర్శకత్వంలో వచ్చిన ఆల్‌టైమ్ బ్లాక్‌బస్టర్ చిత్రం 'దువ్వాడ జగన్నాథం' (DJ) నాటి షూటింగ్ విశేషాలను, మధుర జ్ఞాపకాలను ఈ షోలో వీరు పంచుకున్నారు. సినీ ప్రయాణంలో ఎదురైన సవాళ్లు, ఆన్-సెట్ ఫన్, వ్యక్తిగత విశేషాలపై జగపతి బాబుతో వీరు జరిపిన సంభాషణ ప్రేక్షకులను ఎంతగానో ఆకట్టుకోనుంది.

ఈ శనివారం సాయంత్రం 5 గంటలకు 'జీ తెలుగు కుటుంబ అవార్డ్స్ 2026' పార్ట్-1, ఆదివారం రాత్రి 7:30 గంటలకు 'జయమ్ము నిశ్చయమ్ము రా సీజన్ 2' లను మిస్ కాకుండా చూడండి.