దక్షిణాఫ్రికాలోని మురికివాడల్లో పుట్టి, వర్ణవివక్ష బారి నుంచి బయటపడి, ప్రపంచంలోనే అత్యంత ప్రతిష్టాత్మకమైన 2026 నోబెల్ శాంతి బహుమతిని గెలుచుకున్నారు తమిళ సంతతికి చెందిన నవనీతం "నవి" పిళ్లై. అంతర్జాతీయ చట్టాలను బలోపేతం చేస్తూ, నరమేధాలు, యుద్ధ నేరాలపై విచారణ జరిపించడంలో ఆమె చూపిన సాటిలేని ధైర్యానికి నోబెల్ కమిటీ అక్టోబర్ 9న ఈ అత్యున్నత పురస్కారాన్ని ప్రకటించింది.
పుస్తకాలు కూడా లేని ఇల్లు.. కమ్యూనిటీ అందించిన ఆసరా
క్వాజులు-నటాల్‌లోని క్లేర్‌వుడ్ మురికివాడలో పేద కుటుంబంలో నవి పిళ్లై జన్మించారు. ఆ రోజుల్లో ఆమె ఇంట్లో కనీసం పుస్తకాలు, రేడియో లేదా వార్తాపత్రికలు కూడా ఉండేవి కావు. తండ్రి బస్సు డ్రైవర్, తల్లి చదువుకోలేదు. బ్రిటిష్ కాలంలో ఆమె తాతను చెరకు తోటల్లో వెట్టిచాకిరీ చేసేందుకు కూలీగా దక్షిణాఫ్రికాకు తీసుకెళ్లారు.
చిన్నప్పుడు లాయర్ అవుతానని నవి పిళ్లై చెబితే, నల్లజాతి పేద పిల్ల న్యాయవాది కావడం ఏంటని చుట్టుపక్కల వారు నవ్వేవారు. బడి ఉపాధ్యాయులు కూడా కాలేజీ చదువులకు చాలా డబ్బులు కావాలంటూ నిరుత్సాహపరిచారు. అయితే, ఆమెలోని పట్టుదలను గుర్తించిన స్థానిక ప్రజలు చిల్లర నాణేలు, రెండు రాండ్ల నోట్లను చందాలుగా సేకరించి ఆమెను కాలేజీకి పంపించారు.
నెల్సన్ మండేలా ఎదుర్కొన్న అడ్డంకులే ఆమెకూ..
యూనివర్సిటీ ఆఫ్ నటాల్ నుంచి బీఏ ఎల్ఎల్‌బీ పూర్తి చేసిన తర్వాత కూడా నవి పిళ్లైకి కష్టాలు తీరలేదు. 24 ఏళ్ల వయసులో లా ఫార్మ్‌లలో ప్రాక్టీస్ కోసం చేరేందుకు వెళ్తే తెల్లజాతి ప్రతినిధులు తీవ్ర వివక్ష చూపారు. నల్లజాతికి చెందిన మహిళ కావడం, పేదరికం, లింగ వివక్ష అనే మూడు రకాల అడ్డంకులను ఆమె ఒకేసారి ఎదుర్కొన్నారు.
1941లో నెల్సన్ మండేలా లా ఫర్మ్లో చేరినప్పుడు తెల్లవారి కోసం కేటాయించిన టీ కప్పులను వాడకూడదని, సొంతంగా మెటల్ కప్పు తెచ్చుకోవాలని చెప్పిన ఘటనను ఆమె గుర్తుచేసుకున్నారు. సరిగ్గా 25 ఏళ్ల తర్వాత తాను కూడా లా ఫర్మ్లలో అవే అవమానాలను ఎదుర్కొన్నానని ఆమె వివరించారు.
అంతర్జాతీయ న్యాయస్థానంలో చారిత్రక మైలురాళ్లు
{{/usCountry}}1941లో నెల్సన్ మండేలా లా ఫర్మ్లో చేరినప్పుడు తెల్లవారి కోసం కేటాయించిన టీ కప్పులను వాడకూడదని, సొంతంగా మెటల్ కప్పు తెచ్చుకోవాలని చెప్పిన ఘటనను ఆమె గుర్తుచేసుకున్నారు. సరిగ్గా 25 ఏళ్ల తర్వాత తాను కూడా లా ఫర్మ్లలో అవే అవమానాలను ఎదుర్కొన్నానని ఆమె వివరించారు.
అంతర్జాతీయ న్యాయస్థానంలో చారిత్రక మైలురాళ్లు
{{/usCountry}}అన్ని ఆటంకాలను అధిగమిస్తూ నవి పిళ్లై 1995లో దక్షిణాఫ్రికా హైకోర్టు తాత్కాలిక న్యాయమూర్తిగా బాధ్యతలు స్వీకరించారు. అదే ఏడాది రువాండా అంతర్జాతీయ నేర నిరూపణ ట్రిబ్యునల్‌కు ఎన్నికై ఎనిమిదేళ్ల పాటు సేవలు అందించారు. ఆ సమయంలో లైంగిక దాడిని (రేప్) నరమేధంలో భాగమైన నేరంగా గుర్తించేలా ఆమె ఇచ్చిన తీర్పు ప్రపంచ న్యాయ చరిత్రలోనే చారిత్రాత్మక మైలురాయిగా నిలిచింది.
ఆ తర్వాత 2003 నుంచి 2008 వరకు ది హేగ్‌లోని అంతర్జాతీయ నేరాల కోర్టు (ఐసీసీ) న్యాయమూర్తిగా, ఆపై ఐక్యరాజ్యసమితి మానవ హక్కుల హైకమిషనర్‌గా పనిచేసి అంతర్జాతీయ వేదికలపై మానవ హక్కుల ఐకాన్‌గా మారారు. ప్రస్తుతం 85 ఏళ్ల వయసులో కూడా ఐసీజేలో మయాన్మార్ నరమేధం కేసు విచారణలో న్యాయమూర్తిగా బాధ్యతలు నిర్వర్తిస్తున్నారు.
విధి ఎదురుతిరిగినా, వ్యవస్థలు అడ్డుపడినా ఆత్మవిశ్వాసంతో పోరాడి విజయం సాధించవచ్చని నిరూపించిన నవి పిళ్లై ప్రయాణం ప్రపంచవ్యాప్తంగా ఎందరికో ఆదర్శంగా నిలుస్తోంది.