ఆఫ్రికా దేశమైన జిబౌటి తీరంలో చోటుచేసుకున్న ఘోర పడవ ప్రమాదంలో 109 మంది వలసదారులు జలసమాధి అయ్యారు. మృతుల్లో 15 మంది చిన్నారులు (తొమ్మిది మంది బాలికలు, ఆరుగురు బాలురు), 52 మంది పురుషులు, 42 మంది మహిళలు ఉన్నారు. అక్టోబర్ 8-9 మధ్యరాత్రి వేళ జరిగిన ఈ ప్రమాదంలో మరో 116 మంది గల్లంతైనట్లు అంతర్జాతీయ వలసల సంస్థ (IOM) వెల్లడించింది.
జిబౌటిలోని ఒబోక్ పట్టణానికి ఉత్తర దిశలో ఈ ఘోర ప్రమాదం జరిగింది. దాదాపు 305 మంది ప్రయాణికులతో జిబౌటి నుంచి యెమెన్ బయలుదేరిన బోటు సముద్రంలో మునిగిపోవడంతో ఈ విపత్తు సంభవించింది. బోటులోని ప్రయాణికుల్లో 80 మందికి పైగా సురక్షితంగా బయటపడగా, వారిలో ఎక్కువ మంది ఇథియోపియా దేశస్థులే ఉన్నారు.
ప్రమాదం జరిగిన వెంటనే అంతర్జాతీయ వలసల సంస్థ (IOM) బృందాలు జిబౌటి అధికారులతో కలిసి ఘటనా స్థలంలో సహాయక చర్యలు చేపట్టాయి. ఒబోక్‌లోని మైగ్రెంట్ సెంటర్‌లో ప్రస్తుతం 64 మంది బాధితులకు అత్యవసర సాయం, వైద్యం అందిస్తున్నారు. గల్లంతైన మిగిలిన ప్రయాణికుల కోసం జిబౌటి అధికారులు రెస్క్యూ ఆపరేషన్‌ కొనసాగిస్తున్నారు.
ఈ విషాదంపై జిబౌటి ఐఓఎమ్ మిషన్ చీఫ్ అలెక్సాండర్ కొయిసాక్ తీవ్ర దిగ్భ్రాంతి వ్యక్తం చేశారు. ప్రాణాలు కోల్పోయినవారి కుటుంబాలకు సంతాపం తెలిపారు. 'మెరుగైన ఉపాధి, ఆర్థిక అవకాశాల కోసం బాబ్ ఎల్-మండేబ్ జలసంధి గుండా యెమెన్, ఆపై గల్ఫ్ దేశాలకు వెళ్లే క్రమంలో వలసదారులు ఎంతటి ప్రమాదకరమైన పరిస్థితులను ఎదుర్కొంటున్నారో ఈ ఘటన స్పష్టం చేస్తోంది.' అని ఆయన వ్యాఖ్యానించారు.
పేదరికం, అంతర్గత భద్రతా సమస్యలు, వాతావరణ మార్పుల ప్రతికూల ప్రభావాల కారణంగా ప్రతి ఏటా లక్షలాది మంది ఆఫ్రికన్ వలసదారులు ఇథియోపియా, సోమాలియా నుంచి ఈ ప్రమాదకర సముద్ర మార్గాన్ని ఎంచుకుంటున్నారు. మధ్యప్రాచ్యంలో నెలకొన్న తీవ్ర ఉద్రిక్తతలు, విపరీతమైన అస్థిరత మధ్య కూడా ఈ ప్రయాణాలు సాగుతుండటం గమనార్హం. ప్రస్తుతం యెమెన్లో సౌదీ అరేబియా మద్దతు ఉన్న ప్రభుత్వానికి, ఇరాన్ మద్దతు తెలిపే హౌతీ తిరుగుబాటుదారులకు మధ్య తీవ్రస్థాయిలో పోరాటం జరుగుతోంది. పొట్టకూటి కోసం వలసదారులు తమ ప్రాణాలను సైతం లెక్కచేయకుండా ఈ మార్గాన్ని ఎంచుకుంటున్నారు.
{{/usCountry}}పేదరికం, అంతర్గత భద్రతా సమస్యలు, వాతావరణ మార్పుల ప్రతికూల ప్రభావాల కారణంగా ప్రతి ఏటా లక్షలాది మంది ఆఫ్రికన్ వలసదారులు ఇథియోపియా, సోమాలియా నుంచి ఈ ప్రమాదకర సముద్ర మార్గాన్ని ఎంచుకుంటున్నారు. మధ్యప్రాచ్యంలో నెలకొన్న తీవ్ర ఉద్రిక్తతలు, విపరీతమైన అస్థిరత మధ్య కూడా ఈ ప్రయాణాలు సాగుతుండటం గమనార్హం. ప్రస్తుతం యెమెన్లో సౌదీ అరేబియా మద్దతు ఉన్న ప్రభుత్వానికి, ఇరాన్ మద్దతు తెలిపే హౌతీ తిరుగుబాటుదారులకు మధ్య తీవ్రస్థాయిలో పోరాటం జరుగుతోంది. పొట్టకూటి కోసం వలసదారులు తమ ప్రాణాలను సైతం లెక్కచేయకుండా ఈ మార్గాన్ని ఎంచుకుంటున్నారు.
{{/usCountry}}అంతర్జాతీయ వలసల సంస్థ నివేదిక ప్రకారం.. 2026 జనవరి నుంచి అక్టోబర్ వరకు ఒక్క ఇథియోపియా నుంచే 1,78,000 మందికి పైగా ప్రయాణికులు జిబౌటికి చేరుకున్నారు. మార్చి 2026లో జరిగిన మరో బోటు ప్రమాదంలో 9 మంది మరణించగా 45 మంది గల్లంతయ్యారు.
గతేడాది యెమెన్ వెళ్లే సముద్ర మార్గంలో 900 మందికి పైగా వలసదారులు మరణించడం లేదా గల్లంతవ్వడం జరిగింది. ఈ మార్గంలో ప్రయాణించే వారి సంఖ్య ఒకే ఏటా 18 శాతం పెరిగింది. ప్రస్తుతం వేలాది మంది వలసదారులు మధ్యలోనే చిక్కుకుపోతున్నారని, రెస్క్యూ ఆపరేషన్లతో పాటు బాధితులకు ప్రాణరక్షణ కల్పించేందుకు అంతర్జాతీయ దాతలు, భాగస్వామ్య దేశాలు తక్షణమే జిబౌటికి ఆర్థిక, సాంకేతిక సహాయాన్ని పెంచాలని IOM అధికార ప్రతినిధి కెన్నడీ ఒమోండి ఒకొత్ విజ్ఞప్తి చేశారు.