సరికొత్తగా బెస్ట్​ సెల్లింగ్​ ఎస్​యూవీ- మారుతీ సుజుకీ బ్రెజా ఫేస్​లిఫ్ట్​ వివరాలు..

మారుతీ సుజుకీ బ్రెజా ఫేస్​లిఫ్ట్​కి సంబంధించిన టెస్ట్​ మోడల్​ తాజాగా భారత రోడ్డుపై కనిపించింది. డిజైన్, ఫీచర్లలో భారీ మార్పులు కనిపించే అవకాశాలు ఉన్నాయి. ఈ మోడల్​పై ఇప్పటివరకు ఉన్న వివరాలను ఇక్కడ తెలుసుకండి..

భారత్‌లో అత్యధికంగా అమ్ముడవుతున్న కాంపాక్ట్ ఎస్‌యూవీల్లో మారుతీ సుజుకీ బ్రెజా ఒకటి. 2016లో లాంచ్ అయినప్పటి నుంచి, ఈ మోడల్ తన స్థానాన్ని పదిలం చేసుకుందనే చెప్పాలి. 2022లో పెద్ద అప్‌డేట్ పొందిన తర్వాత, ఇప్పుడు కంపెనీ డిజైన్‌లో కొన్ని మార్పులు, కొత్త ఫీచర్లతో కూడిన సరికొత్త బ్రెజా వెర్షన్‌ను తీసుకురావడానికి సిద్ధమవుతోంది. ఇటీవల ఈ మారుతీ సుజుకీ బ్రెజా ఫేస్​లిఫ్ట్​కి సంబంధించిన టెస్ట్ మోడల్​పై కనిపించింది. ఇది రాబోయే మార్పులపై ఒక అంచనాను ఇస్తోంది.

మారుతీ సుజుకీ బ్రెజా

టెస్టింగ్ సమయంలో బ్రెజా అవుక్‌లుక్

కార్ ఇండియా న్యూస్ షేర్ చేసిన ఒక వీడియోలో.. పూర్తిగా క్యామోఫ్లేజ్ చేసిన టెస్ట్ కారు హైవేపై వెళ్తుండగా కనిపించింది. ఈ వీడియోలో కారు వెనుక భాగం, కొంత పక్క భాగం స్పష్టంగా కనిపిస్తున్నాయి. వెనుక బంపర్‌పై నాలుగు పార్కింగ్ సెన్సార్‌లు ఉండటం గమనించవచ్చు. ఎస్‌యూవీ పరిమాణం ప్రస్తుత మోడల్‌ను పోలి ఉన్నట్లు తెలుస్తోంది.

రెండవ తరం మోడల్ మాదిరిగానే, ఈ ఫేస్‌లిఫ్ట్ వెర్షన్ కూడా పదునైన కోణంలో ఉన్న వెనుక విండ్‌స్క్రీన్‌ను కలిగి ఉంది. టెయిల్ ల్యాంప్‌లు కూడా పాత డిజైన్‌ను పోలి ఉన్నాయి. అయితే ఈ కారు చాలా వరకు కవర్ చేసి ఉంది కాబట్టి, ఫైనల్​ డిజైన్​ ఇక్కడ కనిపించిన దాని కంటే భిన్నంగా ఉండే అవకాశం ఉంది.

2026 మారుతీ సుజుకీ బ్రెజా- భద్రత, ఫీచర్లలో అప్‌గ్రేడ్ అంచనాలు

ఈ కొత్త అప్‌డేట్‌తో కొత్త తరం మారుతీ సుజుకీ బ్రెజా లోపలి భాగంలో మార్పులు, అలాగే అదనపు ఫీచర్లు ఉండే అవకాశం ఉంది. ముఖ్యంగా, లెవెల్ 2 అడాస్​ భద్రతా ఫీచర్‌ను కూడా ఇందులో చేర్చవచ్చని మార్కెట్ వర్గాలు భావిస్తున్నాయి.

ప్రస్తుత రెండొవ తరం బ్రెజా ఇప్పటికే భద్రతకు అత్యంత ప్రాధాన్యత ఇస్తోంది. ఇందులో ఆరు ఎయిర్‌బ్యాగ్‌లు, ఏబీఎస్ విత్ ఈబీడీ, హిల్-హోల్డ్ అసిస్ట్, ఐసోఫిక్స్ చైల్డ్ సీట్ మౌంట్‌లు, రేర్ పార్కింగ్ సెన్సార్‌లు వంటి ఫీచర్లు ఉన్నాయి.

మారుతీ సుజుకీ బ్రెజా ఇంజిన్ వివరాలు..

ప్రస్తుతం ఉన్న మారుతీ సుజుకీ బ్రెజా రెండు పవర్‌ట్రైన్ ఎంపికలతో అందుబాటులో ఉంది:

1.5-లీటర్ పెట్రోల్ ఇంజిన్: ఇది కే15సీ కోడ్‌నేమ్‌తో ఉన్న నేచురల్లీ ఆస్పిరేటెడ్​ మైల్డ్-హైబ్రిడ్ పెట్రోల్ ఇంజిన్. దీన్ని ఎర్టిగా, ఎక్స్‌ఎల్6, విక్టోరీస్ వంటి మోడళ్లతో పంచుకుంటున్నారు.

సీఎన్‌జీ డ్యూయల్-ఫ్యూయల్ ఆప్షన్.

ఈ పెట్రోల్ యూనిట్ 103 హార్స్‌పవర్ పవర్​, 137 ఎన్ఎమ్ టార్క్‌ను జనరేట్​ చేస్తుంది. ఇది 5-స్పీడ్ మాన్యువల్ లేదా 6-స్పీడ్ టార్క్ కన్వర్టర్ ఆటోమేటిక్ ట్రాన్స్‌మిషన్‌తో కనెక్ట్​ చేసి ఉంటుంది. రాబోయే బ్రెజా అప్‌డేట్‌లో కూడా ఈ ఇంజిన్ సెటప్ యథావిధిగా కొనసాగే అవకాశం ఉందని అంచనా.

మారుతీ సుజుకీ బ్రెజా ఫేస్​లిఫ్ట్​ 2026లో లాంచ్​ కానుంది. లాంచ్​కి ముందు ఈ బెస్ట్​ సెల్లింగ్​ ఫ్యామిలీ ఎస్​యూవీకి సంబంధించిన ఇతర వివరాలు అందుబాటులోకి వస్తాయి.