ముంబైలో పోలింగ్ నగారా: రేపు స్టాక్ మార్కెట్లకు సెలవు.. నేడే F&O ఎక్స్పైరీ
ముంబై మున్సిపల్ ఎన్నికల (BMC) నేపథ్యంలో జనవరి 15న స్టాక్ మార్కెట్లకు సెలవు ప్రకటించారు. దీంతో గురువారం జరగాల్సిన వీక్లీ ఎఫ్ అండ్ ఓ ఎక్స్పైరీ ఒక రోజు ముందుగానే అంటే నేటికే (జనవరి 14) మారింది. మదుపర్లు తమ ట్రేడింగ్ పొజిషన్లను గమనించాలని నిపుణులు సూచిస్తున్నారు.
ముంబై నగరానికి అత్యంత కీలకమైన బృహన్ముంబై మున్సిపల్ కార్పొరేషన్ (BMC) ఎన్నికల నేపథ్యంలో మహారాష్ట్ర ప్రభుత్వం రేపు (జనవరి 15) సెలవు ప్రకటించింది. ఓటర్లు తమ ఓటు హక్కును వినియోగించుకోవడానికి వీలుగా ప్రభుత్వం తీసుకున్న ఈ నిర్ణయంతో, దేశీయ స్టాక్ మార్కెట్లు బాంబే స్టాక్ ఎక్స్ఛేంజ్ (BSE), నేషనల్ స్టాక్ ఎక్స్ఛేంజ్ (NSE) రేపు పనిచేయవు.
ఈ వారం మధ్యలో వచ్చిన ఈ సెలవు ట్రేడర్ల లెక్కలను మార్చేసింది. సాధారణంగా ప్రతి గురువారం జరిగే నిఫ్టీ 50, బ్యాంక్ నిఫ్టీ వీక్లీ డెరివేటివ్స్ (F&O) కాంట్రాక్టుల ఎక్స్పైరీ.. రేపు సెలవు కావడంతో ఒక రోజు ముందుగానే అంటే.. నేడు (బుధవారం, జనవరి 14) ట్రేడింగ్ ముగిసే సమయానికే పూర్తవుతుంది. నేటి ముగింపు ధరల ఆధారంగానే ఈ కాంట్రాక్టుల సెటిల్మెంట్ జరుగుతుందని ఎక్స్ఛేంజీలు స్పష్టం చేశాయి. కాబట్టి ట్రేడర్లు తమ పొజిషన్లను దానికి అనుగుణంగా సర్దుబాటు చేసుకోవడం ఉత్తమం.
నిర్ణయంలో మార్పు.. ఎందుకంటే?
నిజానికి ఈ వారం ఆరంభంలో ఎక్స్ఛేంజీలు భిన్నమైన ప్రకటన చేశాయి. జనవరి 15ని కేవలం ‘సెటిల్మెంట్ హాలిడే’గా మాత్రమే పరిగణించాలని, అంటే ట్రేడింగ్ యధావిధిగా సాగుతుందని భావించారు. కానీ, మహారాష్ట్ర ప్రభుత్వం ‘నెగోషియబుల్ ఇన్స్ట్రుమెంట్స్ యాక్ట్’ కింద అధికారికంగా పూర్తి సెలవును నోటిఫై చేయడంతో, మార్కెట్లు తమ నిర్ణయాన్ని మార్చుకున్నాయి. ఈ నేపథ్యంలో ఈక్విటీ, డెరివేటివ్స్, సెక్యూరిటీ లెండింగ్ అండ్ బారోయింగ్ (SLB) వంటి అన్ని విభాగాలకు రేపు సెలవు వర్తిస్తుంది.
కమోడిటీ మార్కెట్ల పరిస్థితి ఏంటి?
స్టాక్ మార్కెట్లు పూర్తిగా మూతపడినప్పటికీ, కమోడిటీ మార్కెట్ (MCX) మాత్రం పాక్షికంగా పనిచేయనుంది.
{{^htLoading}} {{/htLoading}}
{{^usCountry}}
ఉదయం సెషన్: మూసివేత
{{/usCountry}}
{{#usCountry}}
ఉదయం సెషన్: మూసివేత
{{/usCountry}}
సాయంత్రం సెషన్: సాయంత్రం 5:00 గంటల నుండి ట్రేడింగ్ ప్రారంభమవుతుంది.
మళ్ళీ శుక్రవారం (జనవరి 16) ఉదయం నుంచి స్టాక్ మార్కెట్లు యధావిధిగా తమ కార్యకలాపాలను ప్రారంభిస్తాయి. దీని తర్వాత మళ్ళీ రిపబ్లిక్ డే సందర్భంగా జనవరి 26న మార్కెట్లకు సెలవు ఉండనుంది.
ప్రవీణ్ కుమార్ లెంకల ప్రస్తుతం హిందుస్తాన్ టైమ్స్ తెలుగు ఎడిటర్గా బాధ్యతలు నిర్వహిస్తున్నారు. జర్నలిజంలో 25 ఏళ్ల సుదీర్ఘ అనుభవం కలిగిన వీరు, గతంలో సాక్షి దినపత్రికలో ఢిల్లీ నేషనల్ బ్యూరో చీఫ్గా (2014-2021) సుమారు ఎనిమిదేళ్ల పాటు పనిచేశారు. ఆ సమయంలో జాతీయ రాజకీయాలు, ప్రభుత్వ విధానాలు, కేంద్ర బడ్జెట్, సార్వత్రిక ఎన్నికలు, రాష్ట్రాల శాసన సభలకు ఎన్నికలు తదితర అనేక అంశాలపై కథనాలు, విశ్లేషణలు, పరిశీలనాత్మక వార్తలు అందించారు. పార్లమెంటు ప్రొసీడింగ్స్ నుంచి.. సుప్రీంకోర్టు విచారణల వరకు కవరేజీలో విశేష అనుభవం ఉంది. ఢిల్లీలో ఆంధ్రప్రదేశ్, తెలంగాణ రాష్ట్రాల రాజకీయ పరిణామాలు, అభివృద్ధి సంబంధిత పెండింగ్ సమస్యలు లోతుగా అందించారు. అంతకుముందు హైదరాబాద్లో సాక్షి టాస్క్ఫోర్స్ బ్యూరోలో (2008-2013) పనిచేస్తూ భూకుంభకోణాలు, ఫైనాన్స్ సంస్థల మోసాలు, వైట్ కాలర్ స్కామ్స్ను వెలికితీశారు. ముఖ్యంగా పోలీసు వ్యవస్థలోని 'ఆర్డర్లీ వ్యవస్థ'పై వీరు చేసిన పరిశోధనాత్మక కథనాలు ప్రభుత్వం ఆ వ్యవస్థను రద్దు చేయడానికి కారణమయ్యాయి. ఈనాడు దినపత్రికలో (2003-2007) నల్గొండ, ఖమ్మం జిల్లాల్లో రిపోర్టర్గా, సబ్ ఎడిటర్గా పనిచేసి గిరిజన తండాల్లో ఆడపిల్లల అమ్మకాలు, గ్రామీణ ప్రాంతాల వెనుకబాటుతనం, ప్రభుత్వ పథకాల్లో అవినీతిపై సంచలనాత్మక కథనాలు రాశారు. ప్రస్తుతం జాతీయ, అంతర్జాతీయ పరిణామాలు, బిజినెస్, స్టాక్ మార్కెట్, టెక్నాలజీ, ఆటోమొబైల్ రంగాలపై నిశితమైన విశ్లేషణలు అందిస్తున్నారు. హిందుస్తాన్ టైమ్స్ నుంచి రెండుసార్లు Digi Journo పురస్కారం పొందారు. కమ్యూనికేషన్ అండ్ జర్నలిజంలో పీజీ (MCJ) పట్టా పొందిన వీరు, కామర్స్ (B.Com) నేపథ్యం కలిగి ఉండటం వల్ల ఆర్థిక అంశాలను సరళంగా వివరించడంలో సిద్ధహస్తులు. ప్రజా సమస్యలపై పోరాటం, విధానపరమైన మార్పులకు కారణమైన వీరి రిపోర్టింగ్ శైలి తెలుగు జర్నలిజంలో వీరికి ఒక ప్రత్యేక గుర్తింపును తెచ్చిపెట్టింది. 2001లో సీ ఛానెల్ అనే కేబుల్ టీవీలో చేరి కెరీర్ ప్రారంభించి హైదరాబాద్ నగర ఆర్థిక, సామాజిక రంగాలపై కథనాలతో పాటు సినిమా వార్తలను కూడా అందించారు.
