Family car : 7 సీటర్​ ఫ్యామిలీ ఎంపీవీ- నిస్సాన్ గ్రావైట్​ యాక్ససరీస్​తో మరింత కంఫర్ట్!

Nissan Gravite : భారతీయ రోడ్లపై ఫ్యామిలీ కార్లకు ఉన్న క్రేజ్ గురించి ప్రత్యేకంగా చెప్పక్కర్లేదు. అందుకే నిస్సాన్ సంస్థ తన ఎంపీవీ పోర్ట్‌ఫోలియోను విస్తరిస్తూ 'నిస్సాన్ గ్రావైట్'ను ఇటీవలే మార్కెట్​లోకి తీసుకొచ్చింది. మీరు ఈ ఎంపీవిని కొనాలని ప్లాన్​ చేస్తుంటే, ఈ యాక్ససరీస్​ లిస్ట్​ మీకు ఉపయోగపడుతుంది.

నిస్సాన్ తన యూటిలిటీ వాహనాల శ్రేణిని బలోపేతం చేసే దిశగా 'గ్రావైట్'ను భారత్‌లో ప్రవేశపెట్టింది. ఇది చూడటానికి రెనాల్ట్ ట్రైబర్‌ను పోలి ఉన్నప్పటికీ, నిస్సాన్ దీనికి కొన్ని కాస్మెటిక్ మార్పులు చేసి మరింత అప్‌మార్కెట్ లుక్‌ను అందించింది. బడ్జెట్ ధరలో 7 సీటర్ ఫ్యామిలీ కారు కోరుకునే వారికి మంచి ప్రత్యామ్నాయంగా నిలుస్తుంది. మీరు ఒకవేళ

నిస్సాన్ గ్రావైట్ ఎంపీవీ..

నిస్సాన్ గ్రావైట్ ఎంపీవీ- ఇంజిన్, పనితీరు..

నిస్సాన్ గ్రావైట్ సబ్-ఫోర్ మీటర్ ఎంపీవీ విభాగంలో వస్తుంది. ఇది ట్రైబర్‌లో ఉపయోగించిన అదే సీఎంఎఫ్-ఏ+ ఆర్కిటెక్చర్‌పై ఆధారపడి రూపొందింది.

ఇంజిన్: 1.0-లీటర్ నేచురల్లీ ఆస్పిరేటెడ్ త్రీ-సిలిండర్ పెట్రోల్ ఇంజిన్.

పవర్: 71 బీహెచ్​పీ గరిష్ట పవర్​ని, 96 ఎన్​ఎం టార్క్‌ను ఉత్పత్తి చేస్తుంది.

ట్రాన్స్‌మిషన్: ఇందులో 5-స్పీడ్ మాన్యువల్, ఏఎంటీ గేర్‌బాక్స్ ఆప్షన్లు అందుబాటులో ఉన్నాయి.

సిటీ డ్రైవింగ్‌కి, చిన్నపాటి ప్రయాణాలకు ఈ ఇంజిన్ చక్కగా సరిపోతుంది.

గ్రావైట్ కోసం జెన్యూన్ యాక్సెసరీస్..

కొత్త కారు కొనేటప్పుడు దానిని మనకు నచ్చినట్లుగా అలంకరించుకోవడం సహజం. నిస్సాన్ గ్రావైట్ కోసం కంపెనీ ప్రత్యేకంగా 'జెన్యూన్ యాక్సెసరీస్'ను అందుబాటులోకి తెచ్చింది. వీటిని నిస్సాన్ అధికారిక వెబ్‌సైట్ ద్వారా ఆన్‌లైన్‌లో లేదా నేరుగా షోరూమ్‌లలో కొనుగోలు చేయవచ్చు.

నిస్సాన్ గ్రావైట్​ యాక్ససరీస్​..
ఎక్స్​టీరియర్	ధర (రూ.)	ఇంటీరియర్​	ధర (రూ.)	ఎలక్ట్రానిక్స్	ధర (రూ.)
క్రోమ్ విండో ఫ్రేమ్ కిట్	2,199	వెంటిలేషన్​తో కూడిన మసాజర్​ సీట్​ కవర్	5,499	ఫుట్​వెల్​ యాంబియెంట మూడ్​లైట్	2,599
క్రోమ్ డోర్​ హ్యాండిల్స్	1,499	ఫర్ఫోరేటెడ్​ స్టీరింగ్​ వీల్​ కవర్​	599	డ్యూయెల్​ డ్యాష్​క్యామ్	9,999
క్రోమ్ విండ్​ డిఫ్లెక్టర్	2,699	మాగ్నెటిక్​ సన్​షేడ్స్	1,499 - 3,359	9 ఇంచ్ టచ్​స్క్రీన్ ఇన్​ఫోటైన్​మెంట్​ సిస్టెమ్	ఎన్​ఏ
14 ఇంచ్​ వీల్​ కవర్​ ప్యాక్​	3,899	పీవీసీ ఫ్లోర్ మ్యాట్	1,999	ఎయిర్​ ప్యూరిఫయర్	4,599
స్ప్లాష్​ గార్డ్​ కిట్	799	కార్పెట్​ ఫ్లోర్​ మ్యాట్	2,399	జేబీఎల్​ స్పీకర్స్	9,999
బాడీసైడ్​ గ్రాఫిక్​ కిట్	5,499	డ్యూయెల్​ లేయర్​ 7డీ ఫ్లోర్​ మ్యాట్	6,999	వైర్​లెస్​ ఛార్జర్	5,499
రూఫ్​ కారియర్	9,999	సీట్​ కవర్	7,999	టైర్​ పంచర్​ రిపేర్​ కిట్	2,899
బాడీ కవర్	1,849	నెక్​ అండ్​ లుంబర్​ కుషన్	1,499- 1,999	పుడిల్​ ల్యాంప్	5,499
డోర్​ ఎడ్జ్​ గార్డ్	368	పీవీసీ ట్రంక్ మ్యాట్	1,099	వాక్యూమ్ క్లీనర్	2,499

నిస్సాన్ గ్రావైట్- యాక్సెసరీల రకాలు..

విజువల్ ఎన్‌హాన్స్‌మెంట్స్: కారు బయట క్రోమ్ ఫినిషింగ్, రూఫ్ రైల్స్, ఆకర్షణీయమైన బాడీ గ్రాఫిక్స్ వంటివి కారు లుక్‌ను మరింత స్టైలిష్‌గా మారుస్తాయి.

కంఫర్ట్, కన్వీనియెన్స్: సీట్ కవర్లు, ఫ్లోర్ మ్యాట్లు, యాంబియంట్ లైటింగ్, ఆర్మ్‌రెస్ట్‌లు ప్రయాణాన్ని మరింత సుఖమయం చేస్తాయి.

ఫంక్షనాలిటీ: మడ్ ఫ్లాప్స్, బాడీ కవర్లు, వెదర్ గార్డ్స్ వంటివి కారును సురక్షితంగా ఉంచడంలో సహాయపడతాయి.

తమ అభిరుచికి అనుగుణంగా కస్టమర్లు వివిధ రకాల ప్యాకేజీలను ఎంచుకునే వెసులుబాటును నిస్సాన్ కల్పిస్తోంది.