Lenskart IPO : లెన్స్​కార్ట్​ ఐపీఓ ప్రైజ్​ బ్యాండ్​ ఖరారు- సబ్​స్క్రిప్షన్​ తేదీలు ఇవే..

లెన్స్​కార్ట్​ ఐపీఓ సబ్​స్క్రిప్షన్​ త్వరలోనే ప్రారంభంకానుంది. తాజాగా ఈ ఐపీఓ ప్రైజ్​ బ్యాండ్​ని ఫిక్స్​ చేశారు. ఈ నేపథ్యంలో లెన్స్​కార్ట్​ ఐపీఓకు సంబంధించిన పూర్తి వివరాలను ఇక్కడ తెలుసుకోండి..

ప్రముఖ కళ్లజోళ్ల తయారీ సంస్థ లెన్స్​కార్ట్..​ ఐపీఓగా స్టాక్​ మార్కెట్​లోకి అడుగుపెట్టబోతోంది. అక్టోబర్​ 31న లెన్స్​కార్ట్​ ఐపీఓ సబ్​స్క్రిప్షన్​ ఓపెన్​కానుంది. ఈ నేపథ్యంలో ఈ ఇనీషియల్​ పబ్లిక్​ ఆఫరింగ్​కి సంబంధించిన వివరాలను ఇక్కడ తెలుసుకోండి..

లెన్స్​కార్ట్​ ఐపీఓ వివరాలు..

లెన్స్​కార్ట్​ ఐపీఓ వివరాలు..

ఫండ్​ రైజింగ్​- పీయుష్​ భన్సల్​కి చెందిన లెన్స్​కార్ట్​ సొల్యూషన్స్​ లిమిటెడ్..​ ఈ ఐపీఓ ద్వారా 7,278.02 కోట్లను సమకూర్చేందుకు ప్రయత్నిస్తోంది. కంపెనీ వాల్యుయేషన్​ రూ. 70,000కోట్లుగా ఉంది. అంతేకాదు.. ప్రముఖ ఇన్వెస్టర్​, డీమార్ట్​ ఫౌండర్​ రాధాకృష్ణ ధమానీ.. ఈ కంపెనీలో తాజాగా రూ. 90కోట్లు ఇన్వెస్ట్​ చేశారు.

ప్రైజ్​ బ్యాండ్​- లెన్స్​కార్ట్​ ఐపీఓ ప్రైజ్​ బ్యాండ్​ రేంజ్​ని షేరుకు రూ. 382- రూ. 402గా నిర్ణయించారు. ఐపీఓలో అలాట్​మెంట్​ అవకాశాలు పెరగాలంటే అప్పర్​ బ్యాండ్​కి సబ్​స్క్రైబ్​ చేసుకోవాల్సి ఉంటుంది.

గ్రే మార్కెట్​ ప్రీమియం (జీఎంపీ)- investorgain ప్రకారం లెన్స్​కార్ట్​ ఐపీఓ జీఎంపీ ప్రస్తుతం రూ. 75గా ఉంది. అంటే ఈ కంపెనీ షేర్లు రూ. 477 వద్ద లిస్ట్​ అయ్యే అవకాశం ఉంది. అంటే అది దాదాపు 19శాతం ప్రీమియం.

సబ్​స్క్రిప్షన్​ తేదీలు- లెన్స్​కార్ట్​ ఐపీఓ సబ్​స్క్రిప్షన్​ అక్టోబర్​ 31 నుంచి నవంబర్​ 4 వరకు ఓపెన్​లో ఉంటుంది.

అలాట్​మెంట్​ తేదీ- ఈ కంపెనీ ఐపీఓ అలాట్​ అయిన వారికి.. షేర్లు నవంబర్​ 6న డీమ్యాట్​ అకౌంట్​లో కనిపించే అవకాశం ఉంది.

లిస్టింగ్​ తేదీ- స్టాక్​ మార్కెట్​లో లెన్స్​కార్ట్​ ఐపీఓ నవంబర్​ 10న లిస్ట్​ అయ్యే అవకాశం ఉంది. బీఎస్​ఈ, ఎన్​ఎస్​ఈలో షేర్లు ట్రేడ్​ అవుతాయి.

ఇతర వివరాలు- ఈ ఐపీఓలో 5.35 కోట్ల షేర్లు ఫ్రెష్​ ఇష్యూ కింద రానున్నాయి. వీటి విలువ రూ. 2,140 కోట్లు. ఆఫర్​ ఫల్​ సేల్​ కింద మరో 12.76 కోట్ల షేర్లు (రూ. 5,128.02 కోట్లు) ఉంటాయి. ఐపీఓ ద్వారా సమకూర్చిన నిధులను కంపెనీ కొత్త స్టోర్ల నిర్మాణానికి, టెక్నాలజీ అభివృద్ధికి, క్లౌడ్​ ఇన్​ఫ్రాస్ట్రక్చర్​కి ఉపయోగిస్తుంది. వీటితో పాటు బ్రాండ్​ మార్కెటింగ్​, బిజినెస్​ ప్రొమోషన్లకు కూడా నిధులను కేటాయిస్తుంది.

లెన్స్​కార్ట్​ సొల్యూషన్స్​ వ్యాపారం గురించి..

ఇక 2025 మార్చ్​తో ముగిసిన ఆర్థిక సంవత్సరంలో లెన్స్​కార్ట్​ పీఏటీ (ప్రాఫిట్​ ఆఫ్టర్​ ట్యాక్స్​) రూ. 297.34కోట్లుగా నమోదైంది. ఎఫ్​వై24త పోల్చితే ఇది 10.15కోట్ల నష్టం! కాగా అదే సమయంలో ఆదాయం 24శాతం పెరిగి రూ. 7,009.28కోట్లకు చేరింది.