తమిళనాడు రాజధాని చెన్నైలో దారుణం చోటుచేసుకుంది. సోషల్ మీడియాలో సుమారు 14 లక్షల మంది (1.4 మిలియన్లు) ఫాలోవర్లతో ప్రజాదరణ పొందిన ఒక ప్రముఖ ఫైనాన్స్ ఇన్‌ఫ్లుయెన్సర్ అనుమానాస్పద స్థితిలో ప్రాణాలు తీసుకున్నారు. ఈస్ట్ కోస్ట్ రోడ్డు (ఈసీఆర్) సమీపంలోని కానత్తూరులో ఉన్న తన నివాసంలోనే ఆయన ఆత్మహత్యకు పాల్పడినట్లు మంగళవారం రాత్రి పోలీసులు వెల్లడించారు.
సైబర్ వేధింపులు.. సెబీకి ఫిర్యాదు
మ్యూచువల్ ఫండ్స్, ట్రేడింగ్, వివిధ రకాల పెట్టుబడి మార్గాలపై తమిళంలో అవగాహన కల్పిస్తూ గత ఐదేళ్లుగా ఆయన వీడియోలు రూపొందిస్తున్నారు. అయితే, మార్కెట్ నియంత్రణ సంస్థ 'సెబీ' (SEBI) అనుమతి లేకుండా ఆర్థిక సలహాలు ఇస్తున్నారనే ఆరోపణలు వెల్లువెత్తాయి. ఈ క్రమంలోనే కొందరు సెబీకి ఫిర్యాదు చేయడమే కాకుండా, తనను తీవ్రంగా ఆన్‌లైన్ వేధింపులకు గురిచేసినట్లు సదరు యూట్యూబర్ తన చివరి వీడియోలో ఆవేదన వ్యక్తం చేశారు.
"గత ఐదేళ్లుగా ఎంతో కష్టపడి ఈ స్థాయికి వచ్చాను. కానీ నా ఎదుగుదలను తట్టుకోలేక కొందరు ఆన్‌లైన్‌లో తీవ్రంగా వేధిస్తున్నారు. ముఖ్యమైన నాయకులు, ప్రజాప్రతినిధులు తెలుసంటూ బెదిరింపులకు దిగుతున్నారు" అని ఆయన తన వీడియోలో ఆవేదన చెందారు.
ఖాతా తొలగింపుతో కోలుకోలేని దెబ్బ
ఈ వివాదం నేపథ్యంలో, సెబీ గుర్తింపు లేదనే కారణంతో మెటా సంస్థ ఇటీవల ఆయన ఇన్‌స్టా ఖాతాను తొలగించింది. సుదీర్ఘకాలం శ్రమించి పెంచుకున్న ఫాలోవర్ల నెట్‌వర్క్, ఆదాయ మార్గం ఒక్కసారిగా కనుమరుగవ్వడం ఆయనను తీవ్ర ఒత్తిడికి గురిచేసింది. 2025లో ఒక ప్రముఖ సంస్థ నుంచి 'బెస్ట్ ఫైనాన్స్ ఛానెల్' అవార్డును కూడా పొందిన ఈ క్రియేటర్, ఉన్నట్టుండి ప్రాణాలు తీసుకోవడం తమిళ డిజిటల్ మీడియా వర్గాల్లో దిగ్భ్రాంతి నింపింది.
పరస్పర ఆరోపణలు.. పోలీసు విచారణ
జెమూరియా ఐఎన్సీ సీఈఓ జేసన్ శామ్యూల్ చేసిన సైబర్ ట్రోలింగ్ వల్లే ఈ ఘోరం జరిగిందని సామాజిక మాధ్యమాల్లో ఆరోపణలు రాగా, జేసన్ శామ్యూల్ వాటిని తీవ్రంగా ఖండించారు. "నేను ఎవరినీ వేధించలేదు. సెబీ, ఆంఫీ (AMFI) గుర్తింపు లేకుండా ఆర్థిక సలహాలు ఇవ్వడం చట్టవిరుద్ధమని మాత్రమే ఎత్తిచూపాను. సరైన లైసెన్స్ తీసుకుని మళ్లీ పని ప్రారంభించాలని కోరాను. ఇలాంటి తీవ్ర నిర్ణయం తీసుకుంటారని అస్సలు ఊహించలేదు" అని శామ్యూల్ వివరణ ఇచ్చారు.
{{/usCountry}}జెమూరియా ఐఎన్సీ సీఈఓ జేసన్ శామ్యూల్ చేసిన సైబర్ ట్రోలింగ్ వల్లే ఈ ఘోరం జరిగిందని సామాజిక మాధ్యమాల్లో ఆరోపణలు రాగా, జేసన్ శామ్యూల్ వాటిని తీవ్రంగా ఖండించారు. "నేను ఎవరినీ వేధించలేదు. సెబీ, ఆంఫీ (AMFI) గుర్తింపు లేకుండా ఆర్థిక సలహాలు ఇవ్వడం చట్టవిరుద్ధమని మాత్రమే ఎత్తిచూపాను. సరైన లైసెన్స్ తీసుకుని మళ్లీ పని ప్రారంభించాలని కోరాను. ఇలాంటి తీవ్ర నిర్ణయం తీసుకుంటారని అస్సలు ఊహించలేదు" అని శామ్యూల్ వివరణ ఇచ్చారు.
{{/usCountry}}ఘటనా స్థలం నుంచి మృతదేహాన్ని స్వాధీనం చేసుకున్న కానత్తూరు పోలీసులు, పోస్టుమార్టం నిమిత్తం సమీపంలోని ప్రభుత్వ ఆసుపత్రికి తరలించారు. కేసు నమోదు చేసి విచారణ వేగవంతం చేశారు.