దసరా స్పెషల్ స్టాక్స్: ఏడాది కాలానికి బంపర్ రిటర్న్స్ ఇచ్చే 3 షేర్లు ఇవే

విజయదశమి పర్వదినం అనేక శుభారంభాలకు ప్రసిద్ధి. ఈ పండగ వేళ ఇన్వెస్ట్ చేసే సంప్రదాయం కూడా ఉంది. ఈ దసరా 2026 సందర్భంగా వచ్చే పండుగ నాటికి భారీ రాబడులు షేర్లను నిపుణులు సిఫార్సు చేస్తున్నారు.

విజయదశమి, దీపావళి వంటి పండుగల వేళ కొత్త పనులు ప్రారంభించడం, పెట్టుబడులు పెట్టడం భారతీయులకు తరతరాలుగా వస్తున్న ఆచారం. కాలక్రమేణా పెట్టుబడి సాధనాలు మారినప్పటికీ, ఈ శుభ సంప్రదాయం మాత్రం నేటికీ నిరంతరాయంగా కొనసాగుతోంది. ఒకప్పుడు పశువులు, భూమి, పసిడి రూపంలో ఉన్న పెట్టుబడులు.. నేడు డిజిటల్ యుగంలో షేర్లు, డిజిటల్ గోల్డ్, రియల్ ఎస్టేట్ ఇన్వెస్ట్‌మెంట్ ట్రస్ట్‌లుగా (REITs) రూపాంతరం చెందాయి.

దసరా స్పెషల్ స్టాక్స్: వచ్చే ఏడాదికి బంపర్ రిటర్న్స్ ఇచ్చే 3 షేర్లు ఇవే

అక్షయపాత్రలాంటి స్టాక్ మార్కెట్లో ఈ దసరాకు కొత్తగా ఇన్వెస్ట్‌మెంట్ ప్రయాణాన్ని ప్రారంభించాలనుకునే మదుపరుల కోసం ప్రముఖ బ్రోకరేజ్ సంస్థ కేసీ సెక్యూరిటీస్ (KC Securities) వైస్ ప్రెసిడెంట్ (రీసెర్చ్ & బిజినెస్ డెవలప్‌మెంట్) మహేష్ ఎం ఓజా మూడు బ్లూచిప్ షేర్లను ప్రతిపాదించారు. వచ్చే దసరా నాటికి ఈ షేర్లు అద్భుతమైన రాబడులను అందిస్తాయని అంచనా వేస్తున్నారు.

వ్యాల్యుయేషన్లు అనుకూలం

సమీప భవిష్యత్తులో దలాల్ స్ట్రీట్ మళ్లీ జో అందుకోనుందని మహేష్ ఎం ఓజా ధీమా వ్యక్తం చేశారు. ప్రస్తుతం నిఫ్టీ 50, సెన్సెక్స్‌ల సగటు ప్రైస్-టు-ఎర్నింగ్స్ (P/E) నిష్పత్తి 19.50 వద్ద ఎంతో సమంజసమైన ధరలో అందుబాటులో ఉంది. ఇది గత 5 నుండి 10 ఏళ్ల సగటు వ్యాల్యుయేషన్ కంటే చాలా తక్కువగా ఉండటం విశేషం.

అలాగే బ్యాంక్ నిఫ్టీ ఇండెక్స్ 13.25 సగటు పి/ఈ వద్ద వర్తకమవుతోంది. గత 2 నుంచి 5 ఏళ్ల బ్యాంక్ నిఫ్టీ పరిమితి 12.50 నుంచి 16.70 వరకు ఉందని, కాబట్టి ప్రస్తుత వ్యాల్యుయేషన్లు దీర్ఘకాలిక పెట్టుబడులకు అనువైన సదవకాశమని ఆయన విశ్లేషించారు.

ఏడాది కాలంలో బంపర్ లాభాలనిచ్చే 3 స్టాక్స్ ఇవే:

1. ఐసీఐసీఐ బ్యాంక్ (ICICI Bank):

కొనుగోలు శ్రేణి (Buy Range): రూ. 1,360 - రూ. 1,380

టార్గెట్ ధర (Target Price): రూ. 1,650

బ్యాంకింగ్ రంగంలో ప్రైవేట్ దిగ్గజమైన ఐసీఐసీఐ బ్యాంక్ అత్యంత పటిష్టమైన ఆర్థిక ఫలితాలతో ముందంజలో ఉంది.

2. అదానీ పోర్ట్స్ (Adani Ports):

కొనుగోలు శ్రేణి (Buy Range): రూ. 1,740 - రూ. 1,765

టార్గెట్ ధర (Target Price): రూ. 2,050

దేశీయ మౌలిక వసతులు, రేవుల నిర్వహణ రంగంలో తిరుగులేని ఆధిపత్యం చెలాయిస్తున్న అదానీ పోర్ట్స్ సుదీర్ఘ కాలానికి మంచి రాబడులను ఇచ్చే అవకాశం ఉంది.

3. రిలయన్స్ ఇండస్ట్రీస్ (Reliance Industries):

కొనుగోలు శ్రేణి (Buy Range): రూ. 1,195 - రూ. 1,202

టార్గెట్ ధర (Target Price): రూ. 1,500 కంటే ఎక్కువ ( ₹1500+)

టెలికాం, రిటైల్, గ్రీన్ ఎనర్జీ రంగాల్లో దూసుకుపోతున్న రిలయన్స్ ఇండస్ట్రీస్ మదుపరులకు సురక్షితమైన అద్భుతమైన పెట్టుబడి సాధనంగా నిలవనుంది.

ఈ దసరా పండగ వేళ మీ పోర్ట్‌ఫోలియోను బలోపేతం చేసుకోవడానికి ఈ లార్జ్‌క్యాప్ దిగ్గజాలు సరైన ఎంపిక అని నిపుణులు సూచిస్తున్నారు.

(గమనిక: ఈ కథనం కేవలం సమాచారం, అవగాహన కోసం మాత్రమే. స్టాక్ మార్కెట్ పెట్టుబడులు మార్కెట్ ప్రమాదాలకు లోబడి ఉంటాయి. ఇన్వెస్ట్‌మెంట్ నిర్ణయాలు తీసుకునే ముందు మీ సర్టిఫైడ్ ఆర్థిక నిపుణులను సంప్రదించడం శ్రేయస్కరం.)