న్యూఢిల్లీ: ఉద్యోగుల భవిష్య నిధి సంస్థ (ఈపీఎఫ్‌ఓ) తన 74వ ఆవిర్భావ దినోత్సవాన్ని 2026 నవంబర్ 1న న్యూఢిల్లీలో ఘనంగా నిర్వహిస్తోంది. కేంద్ర కార్మిక, ఉపాధి శాఖ మంత్రి డాక్టర్ మన్సుఖ్ మాండవీయ ఈ కార్యక్రమాన్ని ప్రారంభించినట్లు ప్రెస్ ఇన్ఫర్మేషన్ బ్యూరో (పీఐబీ) ప్రకటనలో తెలిపింది. కోట్లాది మంది చందాదారులకు పీఎఫ్ సేవలను మరింత సులభంగా, వేగంగా అందించడమే లక్ష్యంగా ఈపీఎఫ్‌ఓ పలు వినూత్న సంస్కరణలకు శ్రీకారం చుట్టింది.
రూ.1,000 లోపు ఖాతాలకు ఆటో సెటిల్‌మెంట్
ఈ ఆవిర్భావ దినోత్సవ వేడుకల సందర్భంగా చందాదారుల ప్రయోజనం కోసం రెండు కీలక నిర్ణయాలను ప్రకటించారు. రూ.1,000 వరకు బ్యాలెన్స్ ఉండి, మూతపడి లేదా సుదీర్ఘకాలంగా వాడకంలో లేని (Inoperative) ఈపీఎఫ్ ఖాతాలను నేరుగా ఆటోమేటిక్ పద్ధతిలో పరిష్కరించనున్నారు (Auto Settlement). దీనివల్ల చిన్న మొత్తం నిల్వ ఉన్న ఖాతాదారులు ప్రత్యేకంగా దరఖాస్తు చేసుకోవాల్సిన శ్రమ లేకుండానే తమ సొమ్మును పొందే వీలు కలుగుతుంది.
ఇక వాట్సాప్‌లోనే పీఎఫ్ సేవలు
చందాదారులు తమ పీఎఫ్ ఖాతా సమాచారాన్ని, సేవలను మొబైల్ ద్వారానే సులువుగా పొందేందుకు వీలుగా వాట్సాప్ వేదికగా ఈపీఎఫ్‌ఓ సేవలను అందుబాటులోకి తీసుకొస్తున్నారు. చందాదారులతో అనుసంధానాన్ని పెంచడం, సేవలను డిజిటల్ విధానంలో వేగవంతం చేయడంలో భాగంగా ఈ నూతన మార్గాన్ని ఎంచుకున్నారు. అయితే వాట్సాప్ ద్వారా లభించే సేవల జాబితా, ఆటో సెటిల్‌మెంట్ అర్హతలకు సంబంధించిన పూర్తి నిబంధనలను కేంద్ర కార్మిక మంత్రిత్వ శాఖ త్వరలో వెల్లడించనుంది.
భవిష్య నిధి పురస్కారాల ప్రదానం
ఈ ఆవిర్భావ దినోత్సవ వేడుకల్లో భాగమైన 'భవిష్య నిధి అవార్డ్స్ 2026'ను మంత్రి ప్రధానం చేశారు. సంస్థ పురోగతికి విశేష కృషి చేసిన రీజినల్, జోనల్ ఆఫీసులతో పాటు అధికారులు, సిబ్బందికి కేంద్ర మంత్రి మన్సుఖ్ మాండవీయ ఈ పురస్కారాలను అందజేశారు. అనంతరం ఆవరణలోని ఎగ్జిబిషన్ స్టాళ్లను సందర్శించిన ఆయన.. చట్టపరమైన అవగాహన, సుపరిపాలన, సంస్థాగత అధ్యయనంపై రూపొందించిన ప్రత్యేక ప్రచురణలను ఆవిష్కరించారు.
పారదర్శక సేవలే లక్ష్యం
74 ఏళ్ల సుదీర్ఘ ప్రస్థానాన్ని పూర్తి చేసుకున్న ఈపీఎఫ్‌ఓ, చందాదారులకు వేగవంతమైన సేవలు అందిస్తూ వ్యవస్థలో పారదర్శకత, బాధ్యతాయుత వాతావరణాన్ని పెంపొందించడానికి ప్రాధాన్యమిస్తోంది. చిన్న చిన్న బ్యాలెన్స్ ఖాతాలు సులభంగా సెటిల్ కావడం, వాట్సాప్ ద్వారా సేవలు అందుబాటులోకి రావడం వల్ల ఉద్యోగులు తమ పదవీ విరమణ పొదుపు ఖాతాల నిర్వహణను సునాయాసంగా పర్యవేక్షించుకోవచ్చు.
{{/usCountry}}74 ఏళ్ల సుదీర్ఘ ప్రస్థానాన్ని పూర్తి చేసుకున్న ఈపీఎఫ్‌ఓ, చందాదారులకు వేగవంతమైన సేవలు అందిస్తూ వ్యవస్థలో పారదర్శకత, బాధ్యతాయుత వాతావరణాన్ని పెంపొందించడానికి ప్రాధాన్యమిస్తోంది. చిన్న చిన్న బ్యాలెన్స్ ఖాతాలు సులభంగా సెటిల్ కావడం, వాట్సాప్ ద్వారా సేవలు అందుబాటులోకి రావడం వల్ల ఉద్యోగులు తమ పదవీ విరమణ పొదుపు ఖాతాల నిర్వహణను సునాయాసంగా పర్యవేక్షించుకోవచ్చు.
{{/usCountry}}