ఏటీఎం నుంచి డబ్బులు తీయడానికి ఇకపై డెబిట్ కార్డు తీసుకెళ్లాల్సిన అవసరం లేదు! ప్రస్తుతం, అనేక బ్యాంకులు యూనిఫైడ్ పేమెంట్స్ ఇంటర్ఫేస్ (యూపీఐ) సదుపాయంతో కార్డు రహిత క్యాష్ విత్డ్రా సేవలను అందిస్తున్నాయి. ఈ సరికొత్త ఫీచర్ ద్వారా వినియోగదారులు గూగుల్ పే, ఫేన్పే, పేటీఎం లేదా బీహెచ్ఐఎం వంటి మొబైల్ పేమెంట్ యాప్లను ఉపయోగించి సులభంగా డబ్బు విత్డ్రా చేసుకోవచ్చు.
ఈ సేవను అధికారికంగా ఇంటర్ఆపరబుల్ కార్డ్లెస్ క్యాష్ విత్డ్రా (ఐసీసీడబ్ల్యూ) అని పిలుస్తారు. దీని ద్వారా కస్టమర్లు ఏటీఎం స్క్రీన్పై కనిపించే క్యూఆర్ కోడ్ను స్కాన్ చేసి, తమ యూపీఐ యాప్ ద్వారా లావాదేవీని పూర్తి చేయవచ్చు. ఈ విధానం చాలా వేగంగా, సురక్షితంగా ఉంటుంది.
ఈ వ్యవస్థ ఎలా పనిచేస్తుంది? దీనికి ఏం అవసరం? ఎటువంటి ఇబ్బంది లేకుండా డబ్బు విత్డ్రా చేయడానికి అనుసరించాల్సిన దశలను ఇక్కడ వివరంగా తెలుసుకోండి..
కార్డు రహిత విత్డ్రాకు కావాల్సినవి..
స్మార్ట్ఫోన్: ఏదైనా యూపీఐ-ఎనేబుల్డ్ యాప్ (గూగుల్పే, ఫోన్పే వంటివి) ఇన్స్టాల్ చేసిన స్మార్ట్ఫోన్ ఉండాలి.
బ్యాంక్ ఖాతా: మీ యూపీఐ ఐడీకి అనుసంధానించిన బ్యాంక్ ఖాతా ఉండాలి.
ఏటీఎం సపోర్ట్: "యూపీఐ క్యాష్ విత్డ్రా" లేదా "ఐసీసీడబ్ల్యూ" ను సపోర్ట్ చేసే ఏటీఎంకు వెళ్లాలి.
మీరు వెళ్లిన ఏటీఎంలో "యూపీఐ క్యాష్ విత్డ్రా" లేదా “ఇంటర్ఆపరబుల్ కార్డ్లెస్ క్యాష్ విత్డ్రా” ఆప్షన్ ఉందో లేదో స్క్రీన్పై చూసి తెలుసుకోవచ్చు.
గూగుల్పే ఉపయోగించి డబ్బులు తీసే విధానం..
సపోర్ట్ చేసే ఏటీఎంకు వెళ్లండి: యూపీఐ క్యాష్ విత్డ్రా లేదా ఐసీసీడబ్ల్యూ సేవలను అందించే ఏటీఎం వద్దకు వెళ్లండి.
యూపీఐ ఆప్షన్ను ఎంచుకోండి: ఏటీఎం స్క్రీన్పై కనిపించే యూపీఐ క్యాష్ విత్డ్రా ఆప్షన్ను ఎంచుకోవాలి.
{{/usCountry}}యూపీఐ ఆప్షన్ను ఎంచుకోండి: ఏటీఎం స్క్రీన్పై కనిపించే యూపీఐ క్యాష్ విత్డ్రా ఆప్షన్ను ఎంచుకోవాలి.
{{/usCountry}}మొత్తాన్ని నమోదు చేయండి: మీరు విత్డ్రా చేయాలనుకుంటున్న డబ్బు మొత్తాన్ని టైప్ చేయండి లేదా ఇచ్చిన ఆప్షన్ల నుంచి ఎంచుకోండి. వెంటనే, ఏటీఎం స్క్రీన్పై 30 సెకన్ల పాటు చెల్లుబాటు అయ్యే సెక్యూర్ క్యూఆర్ కోడ్ కనిపిస్తుంది.
గూగుల్ పే తెరిచి క్యూఆర్ కోడ్ను స్కాన్ చేయండి: మీ ఫోన్లో గూగుల్ పే యాప్ను తెరిచి, క్యూఆర్ కోడ్ స్కానర్పై నొక్కండి. ఏటీఎం స్క్రీన్పై ఉన్న కోడ్ను స్కాన్ చేయండి. లావాదేవీ వివరాలు ఆటోమేటిక్గా కనిపిస్తాయి.
బ్యాంక్ ఖాతాను ఎంచుకోండి: మీరు ఏ ఖాతా నుంచి డబ్బు విత్డ్రా చేయాలనుకుంటున్నారో, లింక్ చేసిన బ్యాంక్ ఖాతాను ఎంచుకోండి.
చెల్లింపును ఆథరైజ్ చేయండి: విత్డ్రాను ధృవీకరించడానికి మీ యూపీఐ పిన్ను నమోదు చేయండి. పిన్ ఎంటర్ చేసి అధికారం ఇచ్చాక, ఏటీఎం స్క్రీన్పై చూపిన స్టెప్స్ని అనుసరించండి.
డబ్బు తీసుకోండి: ధృవీకరణ విజయవంతం అయిన తర్వాత, ఏటీఎం డబ్బును మీకు అందిస్తుంది.
లావాదేవీ పరిమితులు, ముఖ్య వివరాలు..
ఏటీఎంలలో ఈ కార్డు రహిత విత్డ్రా సేవకు సంబంధించిన పరిమితులు, కీలక వివరాలు ఇక్కడ ఉన్నాయి:
ఒక లావాదేవీకి గరిష్ట విత్డ్రా: రూ. 10,000
కనీస విత్డ్రా మొత్తం: రూ. 100
రోజువారీ విత్డ్రా పరిమితి: ఇది మీ బ్యాంక్ యూపీఐ పరిమితి, ఏటీఎం పరిమితిపై ఆధారపడి ఉంటుంది.
ఒకవేళ మీరు విత్డ్రా చేయాలనుకున్న మొత్తం మీ బ్యాంక్ రోజువారీ యూపీఐ లేదా ఏటీఎం పరిమితిని మించి ఉంటే, మీకు ఏటీఎం స్క్రీన్పై లేదా మీ యాప్లో ఎర్రర్ సందేశం కనిపించవచ్చు.