7000ఎంఏహెచ్​ బ్యాటరీ, 50ఎంపీ కెమెరాతో Lava Agni 4.. త్వరలోనే లాంచ్​!

లావా మొబైల్స్ తమ కొత్త ఫ్లాగ్‌షిప్ స్మార్ట్‌ఫోన్ లావా అగ్ని 4ను త్వరలో విడుదల చేయడానికి సన్నాహాలు చేస్తోంది. దీని ధర భారతదేశంలో రూ. 25,000 స్థాయిలో ఉండే అవకాశం ఉంది. ఈ ఫోన్ 7000ఎంఏహెచ్​ బ్యాటరీ, 120హెచ్​జెడ్​ డిస్‌ప్లే, శక్తివంతమైన మీడియాటెక్ డైమెన్సిటీ 8350 చిప్‌సెట్‌తో రావొచ్చని అంచనా.

లావా మొబైల్స్ సంస్థ తమ ఫ్లాగ్‌షిప్ స్మార్ట్‌ఫోన్ లావా అగ్ని 4ను త్వరలోనే భారత మార్కెట్లోకి తీసుకురావడానికి సిద్ధమవుతోంది. ఇటీవల కంపెనీ తమ సోషల్ మీడియా ఖాతాలో కొత్త స్మార్ట్‌ఫోన్‌కు సంబంధించిన టీజర్‌ను పోస్ట్ చేసింది. దీన్ని బట్టి, త్వరలోనే లావా అగ్ని 4ను లాంచ్​ చేసే అవకాశం ఉందని తెలుస్తోంది.

లావా అగ్ని 4

లావా బ్రాండ్ ఈ కొత్త స్మార్ట్​ఫోన్​​ పేరును లేదా పూర్తి స్పెసిఫికేషన్‌లను ఇంకా అధికారికంగా ధృవీకరించనప్పటికీ.. అనేక టీజర్‌లు, ఆన్‌లైన్ నివేదికలు రాబోయే మోడల్ లావా అగ్ని 4 అని సూచిస్తున్నాయి.

లావా అగ్ని 4: టీజర్ ఏం చెబుతోంది?

కంపెనీ తమ ఎక్స్​ (గతంలో ట్విట్టర్) ఖాతాలో “త్వరలో వస్తోంది” అనే సందేశంతో పాటు నాలుగు ఫైర్​ ఎమోజీలను పోస్ట్ చేసింది. "అగ్ని" అంటే ఇంగ్లీషులో "ఫైర్" అని అర్థం కాబట్టి, వినియోగదారులు ఆ నాలుగు ఎమోజీలను లావా అగ్ని 4తో ముడిపెట్టారు.

ఆ వెంటనే, లావా మొబైల్స్ మేనేజింగ్ డైరెక్టర్ సునీల్ రైనా కూడా నాలుగు ఫైర్​ ఎమోజీలు, "త్వరలో" అనే పదంతో అదే విధమైన సందేశాన్ని పోస్ట్ చేయడంతో ఈ ఊహాగానాలకు మరింత బలం చేకూరింది.

ఈ నెల ప్రారంభంలోనే.. లావా కంపెనీ నవంబర్‌లో లావా అగ్ని 4ను విడుదల చేయాలని యోచిస్తున్నట్లు ధృవీకరించింది. అయితే, నిర్దిష్ట లాంచ్​ డేట్​ని మాత్రం వెల్లడించలేదు. ఈ స్మార్ట్‌ఫోన్ నలుపు రంగులో కనిపించింది. దీని వెనుక భాగంలో పిల్​-షేప్డ్​ హారిజాంటల్​ కెమెరా సెటప్ ఉంది. ఇది పాత మోడల్ (అగ్ని 3) డిజైన్‌తో పోలిస్తే మార్పును సూచిస్తుంది. అదనంగా, ఈ డివైజ్ బ్యూరో ఆఫ్ ఇండియన్ స్టాండర్డ్స్ (బీఐఎస్​) వెబ్‌సైట్‌లో లిస్ట్ అయింది. దీని ద్వారా ఈ ఫోన్ లాంచ్‌కు సిద్ధంగా ఉందని అర్థమవుతోంది.

లావా అగ్ని 4: అంచనా ఫీచర్లు, ధర..

పరిశ్రమ నివేదికల ప్రకారం, భారతదేశంలో లావా అగ్ని 4 ధర సుమారు రూ. 25,000 ఉండవచ్చని అంచనా. పోలిక కోసం, లావా అగ్ని 3 మోడల్‌ను 8జీబీ ర్యామ్​, 128జీబీ స్టోరేజ్ వేరియంట్ కోసం రూ. 20,999 ధరకు విడుదల చేశారు.

రాబోయే ఈ ఫ్లాగ్‌షిప్ డివైజ్‌లో కింది ఫీచర్లు ఉండే అవకాశం ఉంది:

డిస్‌ప్లే: 6.78-ఇంచ్​ ఫుల్ హెచ్​డీ+ డిస్‌ప్లే, 120హెచ్​జెడ్​ రిఫ్రెష్ రేట్‌

ప్రాసెసర్: మీడియాటెక్ డైమెన్సిటీ 8350 ప్రాసెసర్​తో పనిచేసే అవకాశం ఉంది.

స్టోరేజ్: ఇది యూఎఫ్​ఎస్​ 4.0 స్టోరేజ్ సపోర్ట్‌తో వస్తుందని భావిస్తున్నారు.

కెమెరా: వెనుకవైపు డ్యుయల్ 50ఎంపీ కెమెరా సెటప్ ఉండే అవకాశం ఉంది.

బ్యాటరీ: ఈ ఫోన్‌లో భారీ 7,000ఎంఏహెచ్​ బ్యాటరీని లావా అందించే అవకాశం ఉంది.

రాబోయే వారాల్లో ఈ డివైజ్ లాంచ్ తేదీ, పూర్తి స్పెసిఫికేషన్‌లతో పాటు మరిన్ని వివరాలను లావా సంస్థ వెల్లడించనుంది. తాజా అప్‌డేట్‌ల కోసం వేచి చూడాలి.